سؤال . إذا لم تقم بالتأمين على سيارتك مالذي يحصل .

اذا ما امنت ما يصيرعند سياره ^_^

والله انا مااحس فيه فايده
بالعكس صار اي شخص يسوي حادث يقول التامين موجود

1_لاتستطيع نقل ملكية السيارة او تجديدالاستمارة اوحتي اصدار ورقة اصلاح 

2_عندوقوع حادث لاسمح تسجن حتى تدفع تكاليف تصليح السيارة الاخرى

الاستفادةمنه بكثير لانه اللحين لو ترورح المرور علشان تطللع لوحات بدل(يقولك عندك تامين)

ماتوقع انك تستغني عنه

التامين مفيد في حالت انك صدمت واحد و انت الغلطان .. يقوم التامين الله لا يهينه يصلح سيارة المصدوم ..  بشرط وجود ورقة التامين معك
... افضل طريقة تامين اللي هي التامين الشامل .. يصلحون سيارتك و سيارة المصدوم 
.. قيمة التامين الشامل على ما اعتقد 1650 ريال .. تامين ضد الغير اتوقع بـ 345 او 350 ريال .. من شركة ملاذ و المتحده 
..
اما الاستغناء عنه بامكانك الاستغناء عنه من البدايه .. لكن مثل ما قال لك اخونا مستر عبود .. بيصير فيك مثل ما قال 
لكن ما تقدر تستغني عنه حتى مرور سنه على انتهاء تاريخ التامين 

مثل ماتفضل الأخ قبلي:



"2_عندوقوع حادث لاسمح الله تسجن حتى تدفع تكاليف تصليح السيارة الاخرى" والمصيبة العسكر مايقصرون حادث خفيف ولا قوي توقيف يعني توقيف ولو خصمك إبن حلال وجاب التسعيرة بنفس اليوم كثر الله خيره ولا لو صار الحادث بوقت متأخر ولا بإجازة آخر الإسبوع والورش مسكرة عز الله بتاكلها توقيف مايسوى عليك..الزبدة لا تمسي إلا وإنت مآمن أقل شئ ضد الغير منت ملزوم بالشامل لأنها سيارتك وإنت حر فيها

لاتـــــمشـــــــي*

والله التأمين ماسوا فينا خير خاصتا اذا صرت انت المصدوم واللي صادمك مأمن على السياره والله تتبهذل بهذله
انا انصدمت بشهر محرم الماضي

والرجال معه تأمين اول شيء تروح المرور وزحمته الغير طبيعيه هذا اصلا اذا لقيت موقف خاصتا في مرور الملز


وبعدين تروح لتقدير السيارات بعدين تدفعلهم ثلاثين ريال علشان يشوفون سيارتك وياليت يقدرونها على سنع والله العظيم يبخسون فيها كأن هم اللي بيدفعون من جيبهم واللي يقدرون اسعار تصليح السياره ثلاثه اشخاص ثم تروح لقطع الغيار علشان تسعر القطع المطلوبه وايضا يأخذون منك ثلاثين ريال هذا غير السطحه اللي شايله سيارتك ماتقل عن 200 ريال ثم ترجع للمرور ويأخذون التسعيره الاقل من الثلاثه اللي قدروا السياره ثم يحولونك الى التأمين , ثم تجلس يوم كامل على ماتحصل مكانهم , واذا حصلت مكانهم يطلعون في التقرير اللي جاك من المرور 20 خطاء علشان بس تتطفش , واذا اخذوا ورقة المرور اقل موعد لاعطائك فلوس التأمين 15 يوم على الاقل , ثم خذ المماطلات والله ان تاصل الى شهرين وانت مااشميت ولا ريال , والمشكله يقولونك لاتصلح السياره حتى يجي المعاين والله العظيم جلست شهر كامل لاجاء ولاهم يحزنون , المهم المرور قدرو لي تصليح السياره 5700 , والتامين حسبي الله عليهم عطوني 4800 شف كيف الخصم بس من رأسهم والسياره كلفني تصليحها 6000 ريال في ورشة الوفاء من بعد حب الخشوم , هذا غير السياره المستاجره من بعد مااصدمت السياره حتى خروجها من الورشه!!!

^ الله ينتقم منهم

والله انا تجربتي مريييره صدمني واحد وانا واقف عند اشاره وهو جاي طاير من ورا وصدمني والله وبعدها التأمين ما اعطاني ولا ريال 
لي تقريباا 8شهور وهم يماطلون فيني حسبي الله عليهم

^^ ويقولوا في نظام