أضف سؤال أو موضوع جديد          

مشروع تشليح كامري 98 امريكي حياكم

up 49 down 11
الرفاعي33 13911
قبل 4 سنه و 6 شهر



السلام عليكم ورحمة الله وبركاته

صباح الخير على اعضاء منتدى حراج

كيفكم ان شاءالله مبسوطين ومرتاحين..........

موضوعي اليوم عن مشروع تشليح موتر وتفكيكه
الى قطع وبيعها قطعه قطعه
اليكم التفاصيل كاملة من يوم طلعته صالة
حتى انتهى موضوعه وودع الحياة ..........


كامري امريكي الموديل 98
الفئة//LE مثبت سرعه ايرباقين للسائق والراكب

الموتر طلعته عام 1427 بطاقه جمرك
شريته وقتها ب28 الف وكان ماشي ايامها 80 الف ميل
كرفته كرف مو اي كرف كرف لاقالوا كرف
وصلاتي على النبي مغطته خطوط ماخليتبه مدينه في السعوديه
يعني وش اقول مغطته جيزان تبوك حفر الباطن الرياض ابها جده مكه طريف،،،،،،،

المهم انه كفووو وما قصر جلس معي الى 1430
بعته على اخوي عسكري في تبوك وكدة كد مجنون
كل شهرين يجي عليه الباحه 1400 كيلو رايح و1400 كيلو جاي
المهم بعته عليه وكان ماشي 190 الف ميل
وجلس معاه الى 1433 واشتراة اخوي الثاني
وكرف ام ام امه وخبطت علية المكينه
وطلع موتر اصفار
راح يبغى يبيع الموتر كامل تشليح ماوصلوة 4000
قلت وشرايك تبيعنية قال اقولك وش تبي فية خردة
قلت ماعليك بعنية وازهل امرة انا اتصرف فية
قال اقولك جاك هدية وتصرف على مزاجك
اخذت الموتر وفكرت اصلح المكينه
قلت ياهوووو الموتر راح زمانه
والتشليح مابيعطي قيمه
الافضل اجهز عدة والحوش لو ابي اشلح تريلة ماعندي مشكلة
هههههههههه
المهم سميت بالله وفكفكت امه
طبعا توني شغال فية مالي اسبوعين
وصراحه قطعه مطلوبة وبقوة
فكيت الدينمو
وفكيت الاصتبات الامامية والشمعات
وفكيت الاصتبات الخلفية كاملة
والمراية الامامية والجوانب
وفكيت السلف
وفكيت ديكور المكيف كامل بالمسجل
وفكيت ديكور القير كامل
وفكيت الطارة بايرباقها
وفكيت عداد الطبلون
وفكيت عمود الدركسون كامل
وصاجت المكينه
والدبة كامل بمواصيرها
ومسكات السقف
وعصا المساحات
وعصا النور
ولوحة التحكم بالمرايات
وازرار القزاز الاربعه
والمراوح كاملة بجرمها
والكثير من القطع
وعلى طول اي قطعه افكها المعها ببخاخ خاص
واغلفها شغل نضيف
طبعا جميع القطع بلدها اصلي وكالة
وباقي شغال في باقي القطع بخليها هيكل
الى الان طلعت منها 3000 شغل ذهب
افضل من بيعها كاملة تشليح
بس الشغل يبيلة احتراف وروقان تفكها حبة حبة
وشغل منظم صح ،،،،،،،،،،

الموتر الحين ماشي بالميل 389485 ميل وموضح بالصورة
بمعنى ماشي بالكيلو 600 الف و26 الف كيلو
اليكم صور الشغل وصور القطع الي فكيتها
وشغال في الباقي
باقي قطع كثيرة ...........................
.........................
تستاهلون التقرير والصور
نشوفكم في موضوع جديد قريبا

اخوكم الرفاعي33
















































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الرفاعي ممكن تتواصل معي للضروره  0559656677


up 0 down 0
wahishni
قبل 2 سنه



ممكن سوال اخوي وش الكمبيوتر اللي يركب على كامري امريكي ٢٠١٠ 


up 0 down 0
ابو ريماس 5598
قبل سنه و 4 شهر