هل انتهت تجارة السياراة المستعمله

حاليا التوجه صار للجديد خصوصا ان البنوك وشركاة التمليك
صارت تتنافس في مابينها في تقديم العروض وصار بامكان الغالبيه
شراء الجديد اضف لذالك ان اغلب الموديلات الحديثه مليانه
حساسات وكمبيوتر فصارت لما تعدي 5سنوات متعبه بالصيانه

انا بصراحة امد رجليني على قد لحافي واشتري سيارة وكالة حتى لو ما كانت فخمه على الاقل ارتاح من مشاكلها خلال ٥ سنوات وبعدين ابيعها. غلطت مره وسمعت نصيحة واحد من الشباب واشتريت سياره مستعمله وللاسف خلال ٣ سنوات دفعت نفس قيمة شراها على الصيانه والتصليح في الاخير بعتها بيعة اي كلام بس عشان اتخلص منها ورجعت لنظامي القديم

والله المعارض فيها كساد موطبيعي كثير اعرفهم طلعو من المعارض يقوللك مافي شغل زي اول 
والي بيشتغل في الجديد 
اصلا حتى المستعمل عندنا مبالغ فيه بقيمة الجديد 
الناس كلها حولت عالجميع لأن مافي فرق بينه وبين المستعمل 

نعم
زد على ذالك النقل بيرتفع والتامين ايضا غالي
فاصبح السياره تنقلها بقيمه
500. سعي معرض
1150. تامين
750. نقل
هذا اذا ماجددت
وفحصت
يعني تطلع عليك غاليه
وبوجه عام الكل راح للجديد
لعدم توفر النظيف المستعمل

المستعمل ٢٠١٥ و ٢٠١٦ غير مغري بالاسعار

اسعارها قريب الجديد

وتخاف فيه مشاكل 

لذلك تزود وتاخذ جديد اريح واضمن

ويلي جاي اصعب على المعارض والشريطية مترو الرياض بس تم تشغيله اغلب الناس راح تتجه للمترو في الذهاب للعمل ولغير العمل
مثال ( لو مشوارك للعمل ياخذ في السيارة ساعة وزحمة سير -- في المترو راح ياخذ 15 الى 20 دقيقه وتريح راسك من الزحمة )
يعني ر اح يصير استهلاك السيارة قليل وراح يخف الطلب على السيارات وقطع غيار السيارات الجديدة او المستعملة
وبيصير رسوم على الطرق الرئيسية و عامل ارتفاع البنزين راح يأثر كثير على تقليل استخدام السيارة
السيارة بعد المترو بتصير للمشاوير الخاصة والسفريات فقط

حياكم
فعلا فيه كساد 
وسالفة البنوك والسيارات المنتهيه باالتمليك الناس ماعاد معها كاش
والناس بدت تقلص وتقتصد السيولة ماهي مثل اول 
والجاي الله واعلم وش بيصير لاكن نقول الله كريم

اللي حاطط ديسلايك للموضوع لأهداف خاصه نعرفها مايبو يخربوا سوقهم هههههههه

ولايك لصاحب الموضوع كلام عدل وسليم

انا كان عند كامري 2004 نظيفة جدا نشبت في حلقي مانباعت وبعتها في الاخير بلاش. سوق السيارات المستخدمه طايح والناس اتجهت
تحولت لنظام التأجير سياره جديده وتأمين شامل ويرتاح من وجع الرأس ونصب الشريطية

من كثر النصب والاحتيال في المستعمل 
اغلب السيارات مضروبه والنظيف بسعر الجديد خلاص من كثر المقالب من الشريطيه الناس عافت المستعمل وعافت الورش وعافت ضربت الشمس وانت تجيب سطحه 
ودام المستعمل بسعر الجديد اروح للجديد

اليوم كنت بالمعارض وقابلت واحد اعرفه هناك يقولون لنا شهور نعاني من قله الطلب 
يقول صرنا نخاف نشتري سياره غاليه تنشب بحلقونا نطقطق ع السيارات الصغار بس الي خسايرها 
ماتتجاوز الالف ريال 

المستعمل كان فيه مكسب الف الفين

الان لازم تأمين ونقل راح المكسب فيها معاد توفي مع الشريطية

ونفس كلام الشباب القديم مقارب الجديد لان استيراد القديم متوقف فاللي عنده قديم نظيف مايفرط فيه

يا رجال فيه معرض عنده سيارات كيا 2012 اصفار جديدة للحين ما باعها ومتمسك بسعرها ايام مانزلة
و للحين السيارات جالسين في وجهه هاد من جماعة يا ليل ما اطولك

اصبر سنتين والله ماتقعد الحال على ماهلي عليه
وحده من اثنين
يا يبقي الشعب من الهياط كل مانزل موديل يشتريه وهذي تنتهي وترجع السيارات المقربعه في الشوارع
او ترخص السيارات عالميا لان الاقتصاد العالمي اساس انخفض عن السنوات الماضيه

الغريب في السالفة على قل الطلب وزيادة الكساد ومحد من اصحاب المعارض والتجار راضي يتنازل ويخفض الأسعار
قمة الأنانية والغباء

والله وانا اخوك السيارات المستعمله غير على اسعارها الفلكيه صار فيها لعب وغش بطرق ذكيه

علشان كذا الواحد ياخذ جديد حتى لو اخذها اقساط ويرتاح من هم الغش والشريطية