رأيكم بكرولا 2003 شريتها وفحصتها وهذا نتيجة الفحص
1
0
إضغط هنا للإخفاء
السلام عليكم ورحمة الله وبركاته
تم وبحمد الله شراء سيارة كرولا 2003
بس أنا لما فحصتها المكينة والجير والبودي نظيف ومن جوا فرشها ممتاز والطبلون أيضا
بس في أشياء تعتبر بسيطة بس أنا ما أعرف فيها يا ريت كل واحد يعرف يعلمني كم سعرها وإيش أهميتها وين أحسن مكان في الرياض ويفضل في أم الحمام
اولا نتيجة الفحص :
1-وجه غطاء بلوفف تندية
2- تصفية مكينى
2- سستة خلفي يمين وأمامي يمين ويسار
4- ربلة عس يسار ويمين
5- صوف عكس يسار
6- تغيير زيت مع سيفون
7- برمجة تشيك انجن
ياريت بعد إذنكم يا شباب تنصحوني إيش أصلح وإيش أترك وكم تكلف
السيارة قي عادي
أما الأعطال الثانية
لمبة الزينون العالي اللي عاليمين محروقة ويبيلها تغيير .. والبائع الله يجزاه خير عطاني لمبة وقال روح ركبه وين ما تبي
كلبسات الصدام الأمامي وهذي شائعة عند الكرولا
السنتر لوك ما يوصل للأبواب الخلفية بس اللي عاليسار شفت الباب يفتح نص فتحة أما اللي عاليمين ما يوصله كهربا لا سنتر لوك ولا قزاز
الريموت ما يشتغل وسألت البائع قالي أنه فك الفيوز مرة لأن جهاز الإنذار اشتغل والريموت خلصت بطاريته وعطاني واحد ثاني احتياطي
يعطيكم العافية وما قصرتو ومشكورين مسبقا
إبلاغ
الردود
السنتر لوك اي محل زينة يضبطة لك والقزاز ايضا بس شف كهربائي شاطر
0
0
لكن صلحها ترتاح والله يعطيك خيرها ويكفيك شرها عمليه جدا جدا وزين ما اخترت
1
0
بس أخوي ابراهيم انا مبتدئ شوي و عندي كم استفسار بعد إذنك
الحين وش الفرق بين صوف العكس وربلة العكس ؟ وهل الصوف مهمة وكم سعرها ؟
والريموت والسنتر لوك والشباك الخلفي من وين أظبطهم وكم تتوقع يكلفو ؟وإذا تعرف محل معين أنا بالرياض ساكن بالشمال جنب أم الحمام
وأيضا في عندي لمبة الزنون العالي اللي عاليسار ما تشتغل من وين أصلحها ؟
والصدام الأمامي عندي كلبساته شوي فاكة وهذي شائعة في الكورولا من وين تتصلح
أشكركم جزيل الشكر وانا عارف أني تعبتكم معي
1
0
ماتتعدا باذن الله 150
وشغل يده بالكثير 50 ريال
والتصفيه يالطيب جيب لك بخاخ ايس ديلوك بتحصله في الصناعية جب لك حبتين
فك فلتر الهواء بتلقا فيه البخخاخات شغل السيارة وعبيها من البخاخ وادعس بتلقا سلك جنب المكينه ادعس فيه بيطلع من الشكمان
دخان ابيض الا وهوا البخاخ يدخل مجاري المكينه كلها ويسوي تنظيف كامل ويطلع
ثم رح لمحل الزيت وسوي غسيل مكينه قيمت العلبه كامله 40 ريال
وغير زيت وفلتر الزيت
بنسبه لصوفة العكس اول مره اسمع فيها ما اخبرها وانا واخوك
لكن باذن الله بكرة بتصل على شخص وافيدك عن ورشة في صناعية الخليج صاحبها سعودي ودائم متواجد فيها ويسوي
برمجة كاملة واتوقع ماراح ياخذ اكثر من مية ريال
وبنسبه للقطع الخارجية شوف محلات الزينه الي في الغرابي او رح التشليح بتلقاها بسعر خيالي
ونصيحه اخي
لا تروح محل واحد نهائي بحكم انك غير ملم
فر كذا محل لا توقف عند اول محل وشي ثاني الله يسلمك لا تقرب صناعية ام الحمام الا اذا انت تعرف احد فيها او شخص
يعرف ورشه ممتازة
وفر واسئل من اول محل في الصناعية الى نصف الصناعية
واذا محتاج اي شي اي خدمه تحصل رقمي في ملفي
1
0
قبل 12 سنه و 2 شهر