أضف سؤال أو موضوع جديد          

اجراءات نقل لوحات بالتفصيل الممل ..

up 13 down 2
YASSER505 4165
قبل 2 سنه و 7 شهر



الاجراء كالتالي حرفياً وللاسف مالقيته بأي موقع واعتقد انه الاجابة الوحيدة لان مافي احد يفيد احد ... طبعا المذكور ادناه بالاجراء الروتيني وفيه طرق من تحت لتحت لكن انا اعطيك النظامي

1- تكون السيارتين باسمك هذا شرط ..

2- مايكون عليك مخالفات

3- الفحص الدوري ساري لو يوم لكل السيارات وتأمين ضد الغير

4 - عدم وجود بلاغ فقدان عن اللوحة لحظة التبديل او تكون السيارة معلقة بمعاملة تغيير لون او تصدير او او الخ يعني تكون مستخدمة خصوصي فقط .

5 - تروح تاخذ رقم بدون اي نموذج " اذا اللوحات متوصخه او صغار وتبي طوال او مكسورة يحق لك تبديلها مجانا مع الخدمة عب النموذج بس " .. يحبذ وجود اصل الاستمارتين معك لكن شرط يكون معك اثباتك الاصل او وكالة شرعية من مالك السيارة او تفويض مصدق من الغرفة التجارية من جهة عمل المالك اذا مو انت

6 - يقول لك الموظف استرح وبعد شوي بيناديك ويعطيك استماراتك الجديدة محولة ويأكد عليك بتبديل اللوحات من السيارات وان فيها حجز وان وان يبري ذمته يعني .

7 - بعد ذلك بدل اللوحات بين السيارات واذا كنت طالب تغيير انتظر اسبوع كحد اقصى ورح سلمهم اللوحات المشهبة او الصغيرة وتاخذ الجدد ..

8 - والنقطة الهاااااااامة جددددداااااا جددددااااا والخطييييييييرة لازم فورا تروح شركة التأمين تحدث ارقام اللوحات لأن لو صار حادث لازم تنحجز لين تثبت انك مبدل لوحات ويطابقون الهيكل وقلللللللق فاستر لك رح شركة التأمين وحدثها عن طريقهم وبتجيك رسالة عالجوال تم تسجيل و تم تسجيل للسيارتين
9- بعد ذلك رح للفحص الدوري الدور الاول وعطهم الاستمارتين عشان يعدل الفحص لانك بكذا ماتقدر تبيع السيارات الا اذا فحصت من جديد وقلق

10 - مبروك اللوحة المميزة :)

تحياتي ,,,







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الله يعطيك العافية تقرير مفيد


up 1 down 0
اسكافي حافي 50
قبل 2 سنه و 7 شهر



الله يعطيك العافيه بس اي مرور اروح في الرياض


up 1 down 0
ابو عاشو 34
قبل 2 سنه و 7 شهر



بيض الله وجهك ، ما قصرت 

شرح سهل وبسيط ومفهوم 

و عقبال ما نشوفك تبدل لوحة لسيارتك المرسيدس 2016 s500 

تحياتي 


up 1 down 1
l7n-320 796
قبل 2 سنه و 7 شهر



الله يعطيك العافيه
عندي لوحه مفقوده ومسوي بلاغ والمشكله اني رحت للمرور افادني الموظف لازم اسدد مخالفاتي
لو ابيع السياره ماجابت قيمة المخالفات فما ادري هل اصدار اللوحات بدل فاقد او تالف مجانا
لان في عسكري مسكني وقال اصدار لوحات مفقوده او بدل تالف بدون ماتسدد مخالفات تسدد بس رسوم اللوحه 100 ريال
وانا بصراحه احترت مرور الناصريه قال رح سدد مخالفاتك وهذا يقول ماعليك منه مالها دخل وانا اصدق مين واكذب مين
صدق نبيل شعيل يوم غنى
من الصادق من الكذاب
الله عنده خلفيه يرد لي خبر الله يوفقكم ويسعدكم دنيا واخره جميعا


up 1 down 0
;كاسبر 949
قبل 2 سنه و 7 شهر



كاسبر لك رسالة عالخاص فيه طريقة بدل فاقد بدون مخالفات لكن ماقد جربتها للامانه


up 1 down 0
YASSER505 4165
قبل 2 سنه و 7 شهر



مالقيت اسمك بالبحث تعال لي خاص


up 1 down 0
YASSER505 4165
قبل 2 سنه و 7 شهر



L7N الله يسمع منك ماني طماع ابي تورس بس :(


up 0 down 0
YASSER505 4165
قبل 2 سنه و 7 شهر



الله يعطيك العافيه بس اي مرور اروح في الرياض 


up 0 down 0
ابو عاشو 34
قبل 2 سنه و 7 شهر



أي مرور يوجد فيه قسم اصدار
الشمال
الشرق
الناصرية
الروضة " معقل اللوحات والاصدارات والتسقيط هههه "
مرور الفحص الدوري " نفسيات انتبه على حسب المزاج" ويقال فيه مرور بالغرب ماني متأكد من هذا بالذات


up 0 down 0
YASSER505 4165
قبل 2 سنه و 7 شهر



أيضا مرور الدرعية لكن هذا يتأخر باستبدال اللوحات اذا بتطلع طويل بدل قصير والعكس

اما تبديل اللوحات فوري بالدرعية وغيره من الأقسام الثانية


up 0 down 0
YASSER505 4165
قبل 2 سنه و 7 شهر



بالنسبه ل كاسبر

تقدر تطلع بدل تالف او فاقد بدون ماتسدد القسايم
خلني اعلمك

انا مره طال عمرك رحت مشوار 100كيلو ويوم وصلت الوجهه اللي انا ابغا الى واللوحه ماهي موجوده
طايره مع الخط
المهم واكلم واحد من العيال بالشرطه واسوي بلاغ واخذ الورقه
واروح للحكومه الالكترونيه وادفع بدل فاقد او تالف 100 ريال رسوم و10 ريال حق المحل
واروح لقسم اصدار اللوح واعطيه الاستماره وياخذ البيانات ويعبي البيانات ويعطيك برنت وتروح للاستقبال وتعطيه البرنت
ثم يكتب لك ورقه بأنه يسمح لك باستخدام السياره بلوحه واحده
ولمدة 15 يوم وبعد 15 يوم تجي وتجيب لوحتك الباقيه عشان يعطيك لوحتي جديده

وسلامتك



up 0 down 0
وائل ..... 304
قبل 2 سنه و 7 شهر



يوجد طريقه اخرا لنقل الوحات بدون فحص بدون حضور بدون تأمين وخلال يومين


up 1 down 0
saudi zorro 1
قبل 2 سنه و 7 شهر



الله يعطيك العافيه
شرح جميل وواضح
أرجو الاخوان أنهم يستفيدو


up 0 down 0
khalil99ss 162
قبل 2 سنه و 7 شهر



الله يعطيك العافيه على الافادهـ .. لكن لو اشتريت لوحه من شخص .. ماهي الاجراءات المتبعه لو عندك معلومه عنها ؟؟؟


up 0 down 0
yukon99 8
قبل 2 سنه و 7 شهر



لكن كيف تكون السيارتين بأسمي ؟؟؟ 


up 0 down 0
ابو ابراهيم14111
قبل سنه و 2 شهر



كل ماجيت اسدد رسوم تبديل لوحات سياراتي
مايكمل معي السداد (بين 2 من سياراتي )


up 0 down 0
mmasalmi
قبل 3 شهر و 3 أسبوع