تجربة قيادة تويوتا كرسيدا 1992

الكرسيدا تحفه لن تتكرر شكرا لك عل الموضوع المميز +1

يارجال معاي وحده كرهتني السواقه كل شوي يطلع فيها حاجه 
والله لو حالتي الماديه تسمح اني اشتري جديد قسم بالله لولع فيها وديتها ريال بنزين 
حتى الريال حق البنزين حرام فيفا
الشهر ذا خسرتني 1940 ريال وكل شهر اذا شمت فلوس انسدحت 
مدري ليه حضي كذا 
وغير ذا اذا وقفت بزحمه الحراره تقب توصل اكثر من النص مع اني مولف لها مروحه مع المكيف

الله يعينك صراحه مقدر معاناتك 

بس كل سياره لها عمر افتراضي وتطلب قطع حتى لو انها ايش

بس تبي الصدق مامثل الجديد ترتاح نفسيا حتى وانت تسوقه 
وانت سيارتك بحكم موديلها القديم طبيعي بتفتح فمها كل شوي 
الله يعوضك بأحسن منها ان شاءالله تحياتي لك قد مرت علي نفس حالتك مالومك ابد

انا كانت معي كرسيدا 89 كل شهر تفك فمها والحرارة مشكلتها الازلية
والحمدلله توظفت وبعتها واخذت سيارة اقساط وارتحت

هذا من بركات منع الإستيراد

لو الاستيراد مفتوح للقديم كان تشوف سيارات مثل الوكالة اشباح هيلوكسات ونيتات

صدقني فيه سيارات في الخارج تقول توها مصنعة لكن حسبي الله على من منعها

و يقولون شفر حق الورش يلا شوفوا كثر عيوب الكرسيدا

تشتري نظيف محاتتعبك اما تشتري وحدة معدومه تقعد تسوي عقد مع اصحاب الورش

متانة بدي وجودة ديكورات لكن تظل ام حراره

اغلب القديم ابو الحراره
محركات كلها حديد ونظام تبريد ضعيف غصب ترتفع الحراره
حتى الزيوت القديمه ثقيله وكنها شحم
بعدين انتم طايحين فسيارات اكل عليها الدهر وتبونها تكرف بعد

يارجال السيارات القديمة اقسم بالله ان تضرب مطب وبعدين رصيف وماتدري الا انت ورى العقم تدوخ شوي وتصحي وبعدين تروح تشييك عليها يقولك كانت فيها مشكله وانحلت   عاد نجي للمواتر الجديده مجرد ماتلمس الرصيف تلقى الكفر يمشي قدامك والأضرار الممكينة والقير مكسورة  والشاص راح فيها وتروح تالف وسلامتكم وآسف على الاطالة 

ماشاءالله انتو تتكلمو عن سيارة لها ٢٤ سنة ، تبيها  تكرف الى متى ؟ 

حدث العاقل بما يعقل ! 

وانا اشوف السيارات الجديدة اجمل بمراحل عن القديمة ،  من شكل وتقنية ومواصفات 

لكن في مجتمعنا ، نفتقد لفن القيادة ' 

بغض النظر عن السيارة قديمة وحديدها قوي و من هالخزعبلات ، 

و دمتم ' 

من ناحيه جوده ومتانه السياره وعزلها القديم تفوق وبمراحل عن الجديد

الموتر خدووم 
بس السته سلندر الخليجي الي مكينتة 5me
عانيت معاناه مع الراس كل فتره افك واغير وجية
وغيرت الراس فتره ورجعت مشكلة الحرارة 
واخر شي ضرب عمود الكرنك 
طبعا الي يركب مكينة التوجي عليها
راح يرتاح والموتر يكون كفو من جد
طبعا كلامي عن السته سلندر
الاربعة الكل يمدح في اعتماديتها مكينتها 22r

صحيح كلام اخوي nissane  مكينة ال6 سلندر خراباتها كثير وحلها مكينة التوجي (لكزس) ماشاء الله قوة تحمل وعزم الكرسيدا تصير طيارة 

شويخ فيه سيارات قديمه ماتعرف الحراره

واكيد سيارات اكل الدهر عليها انا اتكلم بوقتها مو هالحين

مع وحده اربع سلندر شريتها قبل اربع سنين حول 8 الف رشيتها كامل  واستخدمها

لين اليوم والحمدالله تطلب بس استهلاك اقمشه بواجي الخ 


وجاري ناشبلي يقول بعيني ب 10 


وماني بايع الحب 

بالنسبه للخرابات في اي سياره على حسب نظافه السياره 
حتى لو موديلها حديث وماهي نظيفه راح تبهذلك وعلى الاستخدام بعض الشيبان الله يعطيهم طوله العمر تلاقي معه سياره موديلها قديم والى الان ماشبه وماتطلب الا بنزين وزيت 
وتلقى موديلها بالثمانينات او التسعينات