اهل ينبع بالاخص

6 7

لايمكنك التصويت حتى الحصول على 20 نقطة على الأقل
إضغط هنا للإخفاء

عابد الرويشد 52
قبل 7 سنه و 7 شهر

السلام عليكم...

باختصار شديد..

وقفت لي جيب ربع في احد معارض السيارات بينبع..

المهم حديته بمبلغ 64000ريال..
بعد يومين جاء ولد عمي وشاف الجيب وسئلهم كم السعر او كم المطلوب بالجيب..
قالها وهو ما يدري انه موتري..
قالوا له المطلوب 68000الف من الاخر..
كنا بالمجلس وقلت لهم انا لي موتر بأحد المعارض وقفته قبل كم يوم ..
قال ولد عمي لقيت جيب محدود ب 68000الف

انا طار عقلي وتوقعت انه موتر غير موتري ومعرض غير المعرض اللي فيه موتري..
اتصلت مباشره على المعرض..
وكلمني السوداني ..
قلت عندكم جيب ربع...
قال فيه اثنين...
واحد 2010 وواحد 2006
قلت عطني مواصفات ال 2006
اخذ يعطيني مواصفات موتري اللي انا اعرفه..
قلت كم السعر..قال 68000من الاخر حاده صاحبه..
قلت صاحبه حاده ب 68
قال ايه
قلت غير صحيح الموتر محدود ب64
المشكله انه أصر وعاند ألا ب 68
قال بأمكانك تجي المعرض وتشوف..
بغى يجلطني ياجماعة الخير..مدري وش اسوي به..
المهم اعطيته من الكلام اللي شاف الله..
وبدا يتعذر بالاعذار الثلاث:-
1-نسيت القيمه المطلوبه وخمنت.....؟؟؟.
2-اعطيت الزبون كامل القيمه مع الفحص والنقل وكامل الاتعاب...؟؟؟
3-اصلا الزبون راح يطرح من السعر واذا شراء راح نعطيك المبلغ ولانأخذ منه ريال...؟؟؟
يشهد الله مازليت عليكم هذا اللي قاله لي...
جيت وطلعت الموتر من عنده ..

اذا بغيت تشتري موتر من المعارض ياليت تأخذ رقم صاحبه وتتفاهم معه على السعر عشان ماتطيح في عملية النصب مثل ماذكرت لكم

سويت حساب بسيط ...
ورقة المبايعه ياخذ عليها من 250-350
دلالة المعرض 500
زايد المبلغ اللي ياخذه من وراك وهو محسوب لك...

حبيت اشارككم بهالموضوع والهدف اولا واخرا التوعيه...



وشكرا..

إبلاغ

الردود