أضف سؤال أو موضوع جديد          

للي يسأل ليه ما ابي ابيع برا الرياض ... تعال اقرا

up 22 down 9
YASSER505 4174
قبل 5 سنه و 8 شهر



كثير يحسبني عنصري اني مابي ابيع برا الرياض او فالسيارة بلا

المهم

جا احد الكويسين يبي يشتري سيارة من مبطي

واختلفنا عالسعر

جا يقول شووف تؤمن بالشرع .؟ ... حقي عليك حق الضيف بالشرع
وابيك تضيفني ثلاث ليالي وتذبح لي
ولا عطني قيمتها
ولا اخصمها الذبيحة وايجار شقة ثلاث ليالي من السيارة وانت ولد قبيلة وتعرف علوم الرياجيل



المهم منا منا صرت امريكي وكرشته وتوووووووووبه توووووبه ابيع لاحد خارج الرياض .. وش بتنفعني علوم الرجال اذا كل من جاني تسلفت له خمس الاف هههههههه خلوها لكم







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بينك و بينه بيع و شراء

وده داخل الرياض ولا خارجها

ان جاك بيتك فله حق الضيافه وماله علاقه في البيع والشراء

و ان ماجاك بيتك فله حق فحص الموتر و القرار بالشراء من عدمه
دون الخوض في حق الضيافه لان هذاك له وقته وظروفه
و هذي لها وقتها وظروفها



up 25 down 0
الدهمي2629 138
قبل 5 سنه و 8 شهر



هذا يستغل الوضع مو يقصد الضيافة ولا شي يبي ارخص له بسس


وشكله مسويها كثييير مع غيري


up 14 down 2
YASSER505 4174
قبل 5 سنه و 8 شهر



اوه مسوي خبرة خوينا هههههههههه



up 1 down 0
عقاري4ايفر 5
قبل 5 سنه و 8 شهر



خل الخرابيط ذي على جنب
الموضوع بيع وشرا
وبعدين سالفة اكرام الضيف الواحد على حسب وضعه المادي
مو معقوله بروح اتسلف وادخل نفسي فدين عشان ضيف
الجود من الموجود
والمفروض الضيف يفهم هالشي خصوصا اذا كان عارفه حالة الي بيستقبله اذا كان وضعه سيئ على قد حاله يمنعه انه يسوي ذبايح وتكاليف


up 12 down 1
شويخ من أرض مكناس 2823
قبل 5 سنه و 8 شهر



شويخ هذي علوم رجال افا عليك هههههههههههههههههههه

خلوها لكم

انا مابعت الا ادور الفلوس من وين اجيب لك حق الذبيحة يبو الشباب خخخ


up 6 down 3
YASSER505 4174
قبل 5 سنه و 8 شهر



ذكرتني بواحد بيشتري سيارة نسيبي وقاله انتم ياهل الشمال اهل الكرم والطيب نقص لي 10 الالف ريال

اكيد شريطي هذا ماا عليك منه
وبعضهم يقولك نقص لي 2000 ريال قيمة الذبييحه لو اجيك ببيتك


up 1 down 3
صوت ءالعزاوي -3
قبل 5 سنه و 8 شهر



ههههههههههه
شويخ كلامك تقريبا صحيح
بس اكرام الضيف بالقران والاحاديث النبوية واجب واجب ماهو مستحب او جائز
وقدم مما اعطاك الله اقل شيء ويمكن ذا الضيف ماتشوفه سنتين قدام تستر منه وكرمه
او لازم يكون راعي منصب علشان تقدره


up 4 down 2
صوت ءالعزاوي -3
قبل 5 سنه و 8 شهر



الكرم واجب وهاذي عاداتنا وسلومنا و الله يعزها من عادات وتقاليد
لكن اما سالفة الي يعزم عمره عند العرب فهذا مغسول وجه بمرق 
ومايستحي لانه مايعرف ظروف ولا حالة الرجال الي قدامه ولانت بمكفول
بزاده وشربه . 
فمالك الا تصرفه وتسحب عليه سيفون 
وكل دقه بتعليمه


up 9 down 1
الوااادعي11 285
قبل 5 سنه و 8 شهر



الضيف ما يفرض ضيافته عليك هو جاي لشغله بيع وشرا تخلص اموركم مثلا بساعه خلاص توكل على الله
واحسن شيء انك صرت امريكي .


up 6 down 0
yazeed793 7883
قبل 5 سنه و 8 شهر



هذا مايستحي اكرشه



up 3 down 1
raeed.55 287
قبل 5 سنه و 8 شهر



الضيافه واجبه صحيح
لكن مثل ما الدين اوصى فيها بعد الدين اوصى بعدم تكليف النفس فوق طاقتها
المفروض الضيف يتفهم حالة الي راح يستضيفه ويرفض اي تكاليف اذا كانت بتسبب عليه بالدين
الله لايرد الاكل ولايجعلني اتسبب فدين على احد

اما صاحب الموضوع وخويه الي يبي حق العزيمه هذا عطه بلك من البدايه وخله يتوكل شلون يجيه وجه يرمي نفسه عالناس الا يعزمونه
هذا


up 1 down 0
شويخ من أرض مكناس 2823
قبل 5 سنه و 8 شهر



الضيافة زمان يوم ماكان فيه مطاعم ولافنادق يجي الشخص ومايلاقي الا اهل المدينة ولو ماسكن في بيوتهم لن يجد له بيت ينام فيه

الان فنادق وشقق مفروشة ومطاعم ومغاسل ملابس وكل شي يحتاجه الشخص

ان جاك بيتك عشه من ماكلة البيت من المقسوم وكل بيت فيه لحم ودجاج وخير اطبخو من الثلاجه وعوافي يارب لك الحمد

أماذا قام يتشره ويعابط قل له تشوف الباب اقضبه وصكه وراك

اذكر واحد من الربع سير عليه شخص والرجال جاب له تيس من الشبك وطبخه له

يوم جاو يقلطون الضيف عيا يقلط وقال تقلطني على تيس

راعي البيت التفت على عياله وقال اقلطو ياعيالي تعشو انتو اللي تستاهلونه اما انت انثبر مانتب كفو الكرامه وقدامك قهوتك تقهو وعطنى مقفاك

ذابح له ومكرمه ومهوب عاجبه ويتشرط

اللي مايستحي منك لاتستحي منه


up 10 down 0
سند10 1161
قبل 5 سنه و 8 شهر



نفس الشئ صار معي بعت سيارتي لشخص و في المعرض يحاول ينقض المبلغ يقولي نقضي حق العشاء اعتبرني ضيف و الله أن جيت راح تذبح و تتكلف لكن نقص لي 1000  قلت له لو جيتني البيت اقولك يا مرحبا و أكرمك لكن هنا بيع و شراء ما له شغل بالضيافه 


up 4 down 0
افكار جديدة 662
قبل 5 سنه و 8 شهر



انا سبق وبعت سياره خارج الرياض حتى ماجاء يشوف السياره حولي الدراهم ورحت لمعرض ولد عمه بالرياض ونقل الملكيه ورحنا للبسامي ونقلنا السياره له 
ومازال يراسلني في الوتس طقها صداقه والله رجال كفو 


up 5 down 1
ابو ابراهيم2021 352
قبل 5 سنه و 8 شهر



جاني واحد قال بجيك طياره واخصم لي حقت السكن وحقت التذكره وحقت العشاء قلت انت تبي تشتري ولا تروح سياحه انا مابعت الى وانا منحد وش دخلني فيك جعلك ماسكنت تبي تقلط عندي حياك قهوه وشاهي وساعه بكثير وتضف وجهك

وجاني شخص نفس الشي بس هذا محترم قال بجيك بطياره انا بجده وبقابلك وبشتري السياره منك وفعلن قابلني بمعارض واشترا السياره عزمه وقال انا مستعجل هذي الرجال الي صدق كلمه حق فيهم ويازين من زار وخفف


up 8 down 2
سكودر 14928
قبل 5 سنه و 8 شهر



اغلب الي يسون كذا شريطيه، ولا الزبون الصامل تحصله محترم، بعض شريطيه يجيك يقول اخصم لي ابيها للعيال !! وانا وش دخلني فيك وبعيالك!!

لابد تكووون بجيح معاهم لأنهم يبون يحرجونك


up 2 down 0
لائق8 -45
قبل 5 سنه و 8 شهر



اساليب مفاوضة لا اقل ولا اكثر ان فيه مجال للمراعاة يستاهل زبونك ومابتفرق الف الفين وتنفك بعدها من الاتصالات والقروشة 


up 0 down 1
عربة للسيارات 1665
قبل 5 سنه و 8 شهر



تصرفك اعجبني والمفروض يوم سالك عن اسمك سفهته

انت جاي تشتري او بتناسبني وش اسمك وش اسم اهلك

وانا متاكد ان فيه ناس بتنحرج اذا لقول واحد يرفع فيهم

والشرع يقول (لا يكلف الله نفسا الا وسعها)

تبي اذبح لك ذبيحه واستاجرلك فندق 3 ايام

اذا انت جاي من ديرة بعيد وقاصدني شخصيا لصلة قرابه او معرفه او عابر سبيل وحدتك الضروف

ابشر بعزك وبالي نقدر عليه اما جدانك (يعطون البل = الابل) وجدانك فيهم مافيهم

انت جاي تشري موتر او جاي تعلمني علوم الرجال والشرع

والله ثم والله انك اعجبتني




up 1 down 1
abojpl 372
قبل 5 سنه و 8 شهر



انا هين .. ناس وصلت معهم لرمي العقال عليه .. وللأسف عطاه بسعره
شيبان اول مايرمي العقال الا اذا حس بالخطر ويبي الزبنه
او يبي حاجة ماهي الا عند هالشخص .. الحين لو يبي جوال رمى عقاله على اقرب شخص راحوا الطيبين


up 2 down 0
YASSER505 4174
قبل 5 سنه و 8 شهر