متاكد من سعره ياخوي ولا غلطان 

ماشاءالله تبارك الله والله يعطيك خيره ويكفيك شره 

من ناحية المراتب صدقت اخوي اغلب السيارات الجديده مراتبها قاسيه ولادري وش السبب

تشغيل السياره عن بعد تويوتا مخربته بنظام الامان هذا مع ان السيارات الامريكيه تقدر تفتح الباب والسياره شغاله مادري ليش مايصلحون هالشي تويوتا لاني اشوفه شي مزعج احيانا


اللاند اشوف فيه عيب مزعج للناس وهو النور العالي 

يعني بصراحه ماشاءالله كانك مشغل كبس 

ليت يخففون قوته ولا يضبطونه لانه يعميك بالذات اذا جا وراك ومشغل العالي ماتقدر تشوف الخط من قوة نوره

 

النور ال اي دي
الواطي

مبروك والله يطعمك خيرها ويصرف عنك شرها

سلبياتها تدلك على غباء الصانع للأسف


والشاشة اتوقع سبب عدم القدرة على قراءتها ووضوحها انها صيني !!!

لكن عندي سؤال اخ راضي
هل فيها دخول ذكي؟!

الله يبارلك فيها ويعطيك خيرها ويكفيك شرها 
السيارة ماشاء الله توب
بالنسبة للمراتب الفكسار مراتب حرير مثل اللكزس 
بس الفئات الاقل مشكوك بوضعهم

الاخ فوقي فعلا الشاشة صينية ماعدا الفل ههه 

اهلا بالشباب .. العضوالمتميز .. انا غلطت وكتبت 110 والاصح 210 

العضو y 305 

الله يجزاك خير .. صدقت .. حتى غالبية ملاك تويوتا استغنوا عن هالميزه .. 

النور العالي .. ماادري هو زنون ولا وش وضعه .. مره اشوفه ازراق ومره اصفر .. بعضهم يقولي انه نزى اصغر بس مزودين في قوته 


العضو ابو لانا ..  تشرفت بمرورك .. اتوقع الليد هذي الكشافات .. مع اني مادققت كثير 

العضو دكتوراه فالحب 

اتوقع انها صيني ... مافهمت وش تقصد الدخول الذكي .. 

بس الي عندي اول مااحط يدي على مسكة الباب تفتح السيارة .. مدري هذا الي تقصده ولا غيره 


العضو محمد ... والله كانك جالس على صبه ههههههه 

الله يعطيك خيره ويكفيك شره
ولاكن سياره ب200ريال لارادار ونقطه عمياء والنفقيشن وجوده
مثل قلته ماتستفيد ياخي على الاقل كان ركبو شاشه صاحيه
والتشغيل عن بعد اذا فتحت الباب طفت السياره اجل وش الفايده
الحقيقه ان تويوتا بانحدار شديد

نعم اخوي راضي هذا اللي اقصده

مشالله تبارك الله
هيا لا اشوفك تجي تشتكي وتقول لقيت اكسسوارات صينيه هههههه
امزح
المهم الي عندك كم مكينته هل هي 5700 ولا الثانيه
لان الكثير يجزم ان الثمانيه سلندر ضعيفه على حجم الاند
والافضل ابو مكينة لكزس 5700

اما القساوة ياسيد فلاتعتبر سلبيه لانك ناخذ سياره اوف رود فطبيعي تكون قاسيه

التشغيل عن بعد لازم يغيروا برمجتها. المفروض تطفي عند تحريك عصا القير او استخدام الفرامل و الدريكسون طبعا مقفل.
وللأسف سيارة ب 210 الاف و شاشة صينية.
ونصيحة لما يكون عندك شناط ومافي ركاب بالمقعدة الخلفية فالافضل انك تطويها وتحط الشنط داخل لأن تحميلها فوق السيارة يزود الاحتكاك بالهواء وهذا راح يزيد صرف بنزين ويقلل العزم، غير احتمالية سقوطها والتسبب بحادث.

الله يعطيك خيره و يكفيك شره

الله يعطيك خيرة ويكفيك شرة.  
انا بعد جربت الجكسار ١٦ فل كامل وارد جميل    لاكن  الي شفت واستغربت مادري  هو كل الجيوب كذا او ذاك بس  لأني انا  من مستخدمين اليوكن  
الي لاحضته صوت حنه تجي من قدام وخاصة عند الانعطفات والفات مثل داخل حواري او عموما داخل الديره مع الفه تقل صوت حنة  واحس انها من قدام  مابغيت اوسس بصاحبة وسكت  بس قريت عنه بالنت انه عموما الجيوب فيها صوت حنه  
والحاجه الثانيه  دائما ال أر بي أم مرتفع  يعني احس المكينة مشدود عليها  وكذالك صوت المروحه مرتفع   بس هذا الي شفته فيه  من خلال تجربه اسبوع  صار معي  يوميا اخلص مشاويري عليه  
والباقي اوافقك الرأي فيه 

ماشاء الله تبارك الرحمن عندنا ٢٠٠٨ ماشي فوق ٤٠٠ الف 
والله انك تركبه كانه وكاله وبالخط طياره ماشاء الله الله يعطيك خيره ويكفيك شره 

وعليكم السلام

الله يعطيك خيره و يكفيك شره.

الله يهنيك فيه.

ما شاء الله.

بالنسبة للتشغيل عن بعد اشوف انه النظام هذا في السيارات الأمريكية مثل فورد  و حتى الجموس و الشفر  تشغل السيارة و تفتح

 الباب عادي ما تطفي. هذا يمكن تويوتا مسويتها لنوع من انواع الأمن ضد السرقة يمكن تكون ميزة مسويتها تويوتا.

هلا اخوي شويخ .. لا الي معنا مكينة 4800 .. غير مكينة اللكزس 5700 

ومالاحظت فيها اي ثقل . بالعكس نشيط .. 


اخوي اللاش ... ممكن الي معك مكينة 6 سلندر .. مالاحظت هالشيء ابدا .. وصوت المروحة مااسمعه الا اذا وقفت السيارة ونزلت منها .. وومكن عيب مصنعي 

صوت المروحة هذا قد تكون مروحة الراديتر خصوصا الآن مع اجواء الحر ممكن انها تشتغل في اي وقت سواء السيارة واقفة

او ماشية.  لأن كل سيارة لها مروحتين مروحة الماكينة وهذي مع تشغيل المحرك تشتغل و المروحة الثانية الراديتر صغيرة و مكانها

قدام الراديتر يعني ورا الشبك و هذي معرضة انها تشتغل في اي وقت طول ما السيارة شغالة ولا تنسوا مع اجوائنا الحارة

هذي ممكن انها تشتغل و ممكن جدا.

والله تعالى اعلم.

بالنسبه للشاشه موترين من نيسان الاول باترول والثاني اكستيرا شاشه وكاله القارمن سنه 2010
مع ان السيارات 2014 و 2015 واشتكيت وزارة التجاره وقال من الشركة الام ومال الوكيل علاقه
اللي بيتشري شاشه لسببين الاول للكاميرا او تشغل ديفيدي مع ان اغلب الشاشات مافيها او فيها نظام حمايه يمنع تشغليها اثناء القياده

الاحل جوال ويعطيك الحركة مباشره مثل قوقل بالرياض وجده دقيق من ناحية الازدحامات وحالة الطريق والطرق المختصره
اما بالبر شاشة الوكاله مجرد تطلع من الطريق السهم يدور بمكان فاضي والافضل تشتري من محل صدى العامه شاشه تحصلها من 400 الى 1000 حسبب المميزات واترك شركة دار موجه نصابين ونزل خرايط البر وقارمن والسياري ببلاش والتحديث ب 20 ريال




الهوك بالغرابي تركيبه سهل اذا قصدك الاربع مسامير واذا قصدك الاستخدام مجرد سحب اللسان لاعلى يفتح الهوك

اما بالنسبة للسعر ان بغيت كلمة الحق احيانا الوكيل يخذلك بالقطع والصيانه وسياسة التسويق على الموزعين سواء بالسياره او قطعها

بالتوفيق وتكفا طلبتك لاتشغل العالي ياكثر مااشوف اهل الجكسار مشغلينه ويعمي الرايح والجاي ماادري ضعف القصير او يبي الدنيا نهار ..