بداية من أفلون 2006 مرورآ بأفلون 2011 و نهاية بأفلون 2015

38 9

لايمكنك التصويت حتى الحصول على 20 نقطة على الأقل
إضغط هنا للإخفاء

معلم مستجد 470
قبل 8 سنه و 2 شهر

﷽ 
السلام عليكم و رحمة الله و بركاته 
مساكم الله بالخير 

موضوعي هذا إمتداداً لموضوع و إستفسار نزلته قبل فترة
بخصوص كان معي مبلغ حول ٩٠ ألف
و كنت محتار بين ٣ سيارات اللي هي
١ بانوراما ٢٠٠٨
٢ لكزس ٤٦٠ موديل ٢٠١٠
٣ رنج روفر موديل ٢٠١٠ أو ٢٠١١

و لله الحمد و المنّة توظفت تقريباً نهاية عام ١٤٢٦ هجري
وقتها أول سيارة فكرت أخذها أفلون ٢٠٠٦ على أيامها
و فعلاً طلعتها أصفار xl بحول ٩٥ ألف ريال
استمريت عليها من عام ١٤٢٧ لين ١٤٣١ هجري
و يشهد علي الله يا أخوان خلال ٤ سنوات ما طلبت مني الا قطع استهلاكية
بنزين + زيت + خرط هوبات + أقمشة + جلد … إلخ
الوكاد ان كل اللي غيرته حاجات استهلاكية و فرعيه و لا تضر الموتر بأي شي
و بداية سنة ١٤٣٢ فكرت اني أغير الموتر
و احترت بين أكثر من سيارة و كا العادة
استقريت على أفلون ٢٠١١ سعودي
شريتها ماشيه حول ٣٠ ألف كم ب ١١٠ ألاف
و كدت معي لين قبل شهر تقريباً و بعتها ب ٨٥ ماشيه ١٤٩ ألف
و جمعت اللي معي و صفى لي حول ١٢٠ ألف ريال
و كنت محتار اني أخرج عن نطاق تويوتا و تحديداً الأفلون
و قررت اني أدخل في مجال السيارات الأكثر رفاهية من طقة البانوراما و غيرها
بعد ما لفيت المعارض و الوكالات … إلخ
لقيت أسعار البانوراما من ٢٠٠٨ لين ٢٠١٠ بين ٨٠ ألف لين ١١٠ ألاف
و اللكزس ٤٦٠ نفس الأسعار تقريباً
و سبحانه تعالى يدي حكتني أروح لعبد اللطيف جميل
مريتهم لقيت أفلون ٢٠١٥ أصفار ليمتد سعرها ١٢٥ ألف
و هوجس بي التفكير الأفلوني و خلصت فيها بدون أي تفكير و تردد
و الآن لها تقريباً ٢٠ يوم معي مشيتها ٣٠٠٠ كم
خلاصة الكلام ، و تبقى وجهة نظري الخاصة
ان الأفلون جمعت أكثر من صفة في موتر واحد
الأفلون موتر مكدة
الأفلون سعرها معقول
الأفلون تمسك سعرها عند البيع
الأفلون موتر كشخة
الأفلون موتر شبابي
الأفلون موتر عائلي
الأفلون عزله فوق الممتاز
الأفلون راسيه مع الخطوط
الأفلون أسعار قطعها معقولة جداً
و الأفلون … إلخ
مهما تكلمت في ذا الموتر ما بوفيه حقه
للمعلومية : الأفلون ٢٠٠٦ اللي طلعتها أصفار ، لحد الآن معي و ما بعتها ، و ماشيه ٢٣٦ ألف ميل ، و مسيومه مني ب ٣٣ ألف

إبلاغ

الردود