أضف سؤال أو موضوع جديد          

حل مشكله الصدام الامامي للكورلا 2008-2013 تقرير مصور وكامل

up 13 down 2
شاي الغزالين 659
قبل 5 سنه و 3 شهر



بسم الله الرحمن الرحيم

السلام عليكم ورحمة الله وبركاته

الكل عارف ان الكورولا 2008-2013
من اكبر عيوبها الصدام الامامي ينفك وينفرش على طول

طبعنا امريكا حلت المشكله مع بدايه عام ٢٠١١

لكن السوال وين عبداللطيف جميل ماحل المشكله
ليه استمرت من ٢٠١١ الى ٢٠١٣ وانباع عدد كبير من الكورلات في السنوات هاذي

والله المفروض وزراه التجاره تستدعي الكورولا من العيب ذا
ويتم اصلاحها في الوكاله مجانا



الزبده خطوات الحل سهله جدا جدا
وموضحها في الصور لكن بكتبها تحت كمان

اولا : تودي سيارتك عن اقرب سمكري وتفك الصداام

ثانيا : لما تفك الصدام الامامي في صاجه حديد تجي في كل سياره
هاذي الصاجه هي العيب المصنعي لصدام المفروض مايكون في فراغ بين الصاجه و الصدام نفسه

الفراغ هاذا الى صاير هو الى يفك الصدام مع السرعه الصدام يرجع لوراء

لرجع لروراء الهواء الزايد من وين يطلع طبعنا اكيد يطلع مع الجوانب
وهي السبب كله عشان ينفك الصدام مع الجوانب


طبعنا لازم تغطي الفراغ ذا ب فلين

تحط حشوه فلين في الصاجه وتثبتها وتحط فوقها دبل وتثبتها

وبكذا انحلت المشكله بآذان الله تعالى


طبعنا الافضل ي اخواني انك تحط غير الى انا مسويه الفلين
تحط صاجه جاهزه او تفصيل زي الى بالصوره الاخير
عشان تثبت

واهم شي انك
يوم تجي تثبت الصدام
البطانه حقت الكفرات الى يمين و يسار

لازم اصليه عشان تثبت الصدام
التجاري يفرق وضعيف
ومايمسك
لازم بطانه اصليه


تابع الصور
ولاتنسى اللايك


اخوكم : خالد الجهني














إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


المشكلة موجودة حتى من 2007 وانت نازل المشكلة قديمة اخذت الكرلا وكالة 2007 سافرت عليها تقريبا مسافة 2500 وانفكت البطانة وصارت تحك بالكفر رغم اني ماشي 120 بس لاكن وش اسوي انا بخط وانفك علي البطانة رحت بسكين وقصيت البطانة جهة الراكب كاملة ههههههه


up 4 down 0
مجرد متصفح 65 166
قبل 5 سنه و 3 شهر



الطريقة الي انت سويتها مؤقتة واي وقت ينفك التيب ويطيح الفلين الي ركبته.


up 1 down 8
iadnuyh 842
قبل 5 سنه و 3 شهر



ي الاخ : iadnuyh

الشرح هاذا قديم انا منزله له ٣ سنوات في منتديات تويوتا العربيه

والان لها ٣ سنوات السياره م انفك الصدام

وهاذا وانا حاط فلين ولصق مش حالك

كيف لو افصل صاجه تقعد معك اكثر من ٣ سنوات


وشكرا


up 10 down 2
شاي الغزالين 659
قبل 5 سنه و 3 شهر



على كلامك انه تم حل المشكله الا إني شفت كوامري وكورلات 2016 الشكل الجديد الصدام مفكوك من الجنب 
وولد خالي معه كامري 2016 ماشيه 15 ألف سافر سفر ابو 300كيلو ولما وصل تفاجأ ان الصدام من الجنب تحرك عن مكانه
المشكله ما زالت إلى الان والسياره الوحيده في تويوتا لم اشاهد صدامها ينفك الهايلكس فقط



up 3 down 1
saeed-ksa 217
قبل 5 سنه و 3 شهر



ما اعتقد لان التيب الي حاطة يجف ويتقطع


up 0 down 2
iadnuyh 842
قبل 5 سنه و 3 شهر



بالنسبه ل الاخ : saeed-ksa

ماعمري شفت كورولا وكامري ٢٠١٦ الصدام انفك من لحاله

الا اذا صدم فيه

او حكه فيه او دقه صارت فيه يطلع الصدام


اما انه يطلع من لحاله ماعمري شفت الا ب الكورولا من ٢٠٠٨ الى ٢٠١٣ من لحاله يطلع ومن السرعه بعد


اما الجديده ماشفت

المقصد اني ماشفت يعني

بدون سبب صدقني مايطلع

الا ب سبب اما صدمه او دقه



بالسنبه للاخ : iadnuyh

اقولك صار لها معي ٣ سنوات م انفك الصدام

وانا امشي ب السفر ١٤٠

الى الان م انفك الصدام


يعني تكذبني اخي الفاضل
هاذا شي ثاني


وجزاك الله خير



up 2 down 2
شاي الغزالين 659
قبل 5 سنه و 3 شهر



عندنا كورولا ٢٠١٠ ليومك ذا صدامها ماهو مثبت زين 

كل مره نربطه بمسامير وتنفك

البطانه انفكت علي قبل سنه كنت مسافر وماشي ١٦٠ تقريبا وربك ستر والله بغيت انقلب 

انفكت ولزقت في الكفرات وبالقوه فكيتها 

قد شفت حل لواحد ثاني مركب مسامير من برا على زوايا الصدام 

مشوه شكل السياره لكن حل المشكله

حلك انت افضل واحلا 

ياليت تفيدنا بنوع الصمغ اللي استخدمته 

والله يعطيك العافيه على الفائدة 


up 1 down 0
y-305 71
قبل 5 سنه و 3 شهر



اخوي : y-305

انصحك انك تجرب غير الفلين الى حطيته
اهم شي وضحت الطريقه الى انا مسويها

ابيك تسوي زى الى باصوره الاخيره

تفصل لها تفصيل



تروح عند محلات الى يفصلون


وفصل صاجحه خشب او فلين قوي في نوع فلين مقوى الى يجيك زي حق الصيادين حقين البحر

يستخدومن فلين قوي يحطون فيه السمك داخل


الزبده فصلك تفصيل على الصاجهه

واهم شي تكون طالع لها قرش من الوسططط

زي الى بالصوره تماما

خلها مايله مع الوسط وبارزه عشان تلصق ب الصدامم

ولصقها ب لصق قوي حق الكهرب الفضي ابو ٥ ريال

لف عليها اللصق كله عشان يثبت


وسلامتكك ي الغالي

انا عندي ثابت للان الحمدلله



up 0 down 0
شاي الغزالين 659
قبل 5 سنه و 3 شهر



قريت الموضوع مرتين عجزت افهم وش القطعه اللي تقصدها ؟؟؟ يوم نزلت للصور تحت اثرك تقصد جسر الصدام ههههههههههه

فعلا انا اذكر كانت معي كورلا 2006 وفكيت الصدام لقيت عليه فلين عريض يمكن عرضه 3 سم ويغطي المكان اللي انت تقصده ويمنع رجوع الصدام بالسرعات العاليه

اما الخشب ماانصحك لانه يطلع ريحه خايسه ويتنفخ اذا جاه مويه وهالريحه تدخل للموتر عن طريق المكيف وتخيس بجوك .. خصوصا لا جاه ماء من جهة الشبك الامامي


up 2 down 0
ابو هيثم 7 2254
قبل 5 سنه و 3 شهر



سيارتي صدامها ثابت ولله الحمد لكن طحت فعيوب التكييف والدركسون الله يعين بس


up 0 down 1
شويخ من أرض مكناس 2824
قبل 5 سنه و 3 شهر



فعلا ولد خالتي معه مديل 2011 تشوف الصدام يفرش مع الجوانب لما يوقف ما كأن فيه شيء


up 0 down 0
yazeed793 7883
قبل 5 سنه و 3 شهر



لا هنت يالغالي وين احصل محلات تفصيل الفلين بالرياض


up 0 down 0
عبدالعزيز_996 17
قبل 5 سنه و 2 شهر



ي الاخ : عبدالعزيز_996


والله ماعندي علم

لكن دور وتحصل ان شاءالله


up 0 down 0
شاي الغزالين 659
قبل 5 سنه و 2 شهر