اكتشفت ان عداد السيارة غير صحيح

الله حسبي وحده وكفاني


اذا السيارة نظيفة اخوي توكل على الله
واطلب العوض والبركة من الله


اخوك شمال

ياليت توضح السياره شاريها جديده ولا لا ؟ 

وهل هي من معرض ولا

عفوا ارسلت الرد بالغلط 

السياره من معرض ولا من واحد ؟؟ 

السيارة مستخدمه شاريها من واحد

الله يعوضك خير اخوي 
 

عموما لو السياره نظيفه مايهم الممشى 


الوكالات الحين صار فيها غش بالعداد فما بالك بالاشخاص العاديين 


اذكر شفت مقطع لواحد شاري كرايزلر وكاله واكتشف ان العداد ملعوب فيه 


لاتشيل همها ان شاءالله السياره تكون نظيفه


وان شاءالله يفيدونك باقي الاعضاء 

انتف ام امه صاحب المعرض ولا الي باع عليك الموتر
واشتكه والله مادري وين لكن تصرف وهذا حقك ومن 
ابسط حقوقك.
المشكله كثرت الناس الي ماتخاف الله قدك تشك في اي شخص
عسى الله يصلح الشان ويعيضك خيرا من هالمشكله.

لاتسكت عن حقك لا تسكت عن حقك ما اعرف وش الاجراء بس روح الشرطه رح اي مكان 
لاتسمع كلام الشباب اللي فوق قال ايش اذا السيارة نظيفة تجبر بالله سلامات انت واياه والله لو انها تقطر نظافه ما اخليه يفلت

طيب عندي لك اقتراح قبل ماتسوي أي شي وتظلم نفسك وتظلم الرجال


وش رايك اولاً تروح للوكالة وتعطيهم رقم الشاص ويشيكون ذا الموتر جاء في صيانات كم اذا صارت مطابقة للي مسجل في الدفتر معناها شكوكك صحيحة


لأن يمكن الرجال حاط دفتر صيانة حق افلون ثانية يبي يبين لك انه محافظ على الصيانة


اذا تأكدت من الوكالة وياليت يطبعون لك فيها برنت عطهم الاستمارة انها باسمك ولا تقول بشتكي ولا شي وخله يعطيك برنت بصياناتها

وبعدها اشتكي عشان يصير موقفك قوي باثبات الوكالة ودفتر الصيانة

عاد قبل اسبوع اسولف مع واحد معه افالون والموتر ماله سنه كارفه كرف لعن خامسه ويقولي اببيعه وبنزل عداده
قلتله حرام مايجوز هذا غش يقول لا مو حرام ومافيها شي وسبحان الله قبل يومين راح الموتر تالف مع ان حادثه
بسيط بس طلعت الايرباقات وقلتله هذا اللي بيغش المسلمين شف الله وش سوى فيه ، الزبده اذا تعرف راعي الموتر الي
باعه لك رح تله مع اذنه لاتسكت عن حقك مدامه غشك بيغش غيرك بس اهم شي يكون عندك دليل ان الموتر ملعوب بعداده

السلام عليكم ورحمة الله وبركاته ،،

بداية أوافق بالرأي العضو اللي نصحك تروح الوكالة وتتأكد من الممشى لأنه فعلاً هناك من يشتري كتالوجات وبعض أمور السيارة في حال كانت مفقودة ..
وفي حال تأكدت ومعك اثبات من الوكالة بهذا الأمر تواصل مع وزارة التجارة فهي المعنية بالغش التجاري لأنك اشتريت سلعة واكتشفت فيها غش وعطهم الاثباتات والآن فيه شي اسمه محكمة التنفيذ هذا لو تجيب لهم أمر مدري من محكمة أو من أي جهة حكومية يقومون بإيقاف خدمات الشخص الآخر وراح يجيك فوراً وطالب باسترجاع مالك أو جزء منه إذا ودك عاد كيف ما تبي ..أنا قرأت العديد من قضايا الغش التجاري في منتديات التجارة الالكترونية وبعضهم طالب بمبالغ بسيطة مئتين ريال ويمكن أقل وقدر يسترجعها عن طريق محكمة التنفيذ لأنها توقف الخدمات والحسابات وخلاص خصمك ماله طريق إلا يجيك بنفسه .

نصيحة ابحث عن اجراءات محكمة التنفيذ وموقعها بالملز خلف وكالة العيسى لسيارات نيسان على طريق الجامعة طبعاً لازم يكون معك أمر لهم والموضوع يا أخي بسيط لا تظن فيه صعوبة أو تعقيد أهم شي عندك شي يثبت عملية الظلم والغش فوراً اجراءاتك تمشي بإذن الله، وقبل كل شيء ادع الله واستعن بالله وتوكل على الله وثق بأن الله معك مادمت على حق.

بعد ماتتأكد من صحت ادعائك روح لشيخ المعارض ومعاك كامل المستندات شيخ المعارض هذا معرض موجود في النسيم هذا العمده والشخص المسؤول عن اي شكوه او سرقات تتعلق بالسيارات كلامه مسموع والمعارض يخافون منه انت روح لشيخ المعارض وخليه يعلمك باقي تفاصيل مكانه في النسيم اسأل اي شخص هناك يعلمك وينه.