لاندكروزر ولا باترول ؟؟

الباترول كسيارة افضل من اللاند

لكن نيسان عندها مشكلة بموضوع الوكلاء للحين ما حلوها

الشكل مسألة ذووووووق
انا اشوف الباتروول افضل

لكن راحه -عزم-رساوة-عزل لصالح الباترول

ونصيحه الللي بيدفع مبلغ مو بسيط يروووح يستاجر ويجرب قبل يشتري ويشوف كل شيء بنفسه
ولايأخذ على كلام الناس لاني انا ماشوف الاند شيء بجنب الباترول لذلك التجربه او يأخذ اللي يميل له ويريح راسه

فيه فرق بين اجمل وأرجل وأثبت وأطلق وأطنخ 

عبارات مايفسرها الا هوزة نمرة 1 في أحدالاثنين

من واقع تجربة (والسيارتين عندنا بالبيت) الباترول أفضل لكن الي يقهر جودة المواد الداخلية لك عليها .. يعني الدرقسون ومسكة القير والأماكن الي يجيا لمس كثير تتأثر وتتوسخ خصوصا اللون السكري, وسعر السيارة ما هو قليل , مع ذلك اللاند كروزر سيارة جبارة والوكيل ما عليه كلام.

نصيحه باترول 
اريح ومساحه اكبر وعزززم ماشاء الله وفخااامه

الاند ثقيل حتى ال٨سلندر
وراحه اقل من الباترول بفرررق كبيرر وحتى عزل الهواء
فاشل 

في رأيي لاند كروزر سيارة لك وللزمن

الله يبيض وجيهكم جميعا على مشاركتكم 

من ناحية انه يستأجر السياره ويجريها صعبه يلقا لاندكروزر ايجار وصراحه ماقد شفت جيوب ايجار سواء لاند او باترول 


من ناحية الوكيل تويوتا لا يعلى عليها طبعا لكن السياره بياخذها جديده يعني ان شاءالله ماراح يحتاجهم حتى تغيير الزيت بيغيره برا اوفر بس ربي يفكه من العيوب المصنعيه 

يارجال لاند ومغمض

ولا عليك من كثر الايك والديسلايك

ابو جلنط كورولا هو المنتشر
لكن كانك راعي سفريات و خطوط
المراتب غير مريخة
و لا في فرق بين اقل فئة GX او VXR
لكن صرفية الGXR افضل من الباترول لو كلهن V8
و 2017 نزل الباترول بمكينة اكستيرا V6 اوفر و لا بأس بقوته

أنا جربت الموترين
موتر أخوي XE باترول ٢٠١٢ 
وموتر هدد ثمان سلندر
أقولك الصراحة الباترول مكينة وعزم وعزل أفضل وبمراحل
لكن عجزت أنزل وأبيع  التايوتا وأركب النيسان
تايوتا سحر من يركبه صعب ينزل منه
مثل المرسيدس من اقتناها صعب تملى عينه سيارة غيرها

تصحيح 
موتري هدد ثمان سلندر
المواد المصنوعة ديكور تماسك في التايوتا أجود من النيسان
الباترول لو هو وكالة معك يبي معك شطرطون "لاصق" تحط على قفل الشنطة تصرصر والطبلون كذلك والكبوت كذلك وفيه أصوات من تحط إذا طلعت به لطريق غير ممهد الهربدة علامة للنيسان لن تنفك منها
كذلك بالنسبة للحرارة الموديلات السابقة تشتكي من الحرارة
أما اللاندكروزر لو تبي تقطع الربع الخالي مايقول شي 
شف إخواننا باليمن وأفغانستان بيئتهم صعبة ووعرة وموديلات قديمة جدا لم يثبت وجوده إلا التايوتا وشغال مثل الحلاوة
تحياتي للتايوتا

تويوتا واختصرها لو ما في حتى مسجل

الباترول اتوقع التغيير قادم لانه من 2010
الجكسار شكل جديد
بخصوص الباترول معنا 400 موتر مايعيبه الا وكيله اما صناعته وجودته لايعلى عليها
اذا انت بالمدن الامور سهالات اما بالجنوب او الشمال راح تبلش بابسط القطع لان الوكيل موب معطي الموزعين ربح ولاقطع اقصى شئ تحصله فحمات تجاريه وسيور وفلاتر فقط ,,,