استفسار عن إجراءات شراء سيارة الله يعافيكم

تختار السيارة وتعطيه عربون وباقي المبلغ عن طريق شيك او تحولة من البنك او تسلمه كاش

طبعا تسال العامل عن اسم راعي المعرض ورقم حسابه وتحوله المبلغ زي اي تحويل لاي حساب

او تسحب المبلغ وتسلمه كاش وهذا افظل حل اذا ما كانت الثقه موجوده

ويسلمك بطاقة السيارة الجمركية واوراق المبايعه وسند بالمبلغ اللي استلمه وعلى المرور لوحات

ودق سلف والله يستر عليك

ومبروك مقدما

اللي اعرف تحول الفلوس بحساب المعرض وتتصل به وتخبره انك حولت وطبعا اكيد يعرف بتجيه رساله وينهي لك إجراءات النقل

بالنسبه لي اشوف انك تسحب الفلوس كاش هذي ما احبها ممكن تضيع منك او تتعرض لسرقه ، احد يشوفك
وانت خارج من البنك وانت كامل الدسم وتتعرض لسرقه

الشيك يكون باسم المعرض او التحويل لحساب المعرض وليس مالك المعرض فيه فرق

معرض عماد الدين سبق وشريت منه مرتين وجدا امين الله يجزاه خير....... حتى انه المره الثانية طلع لوحات السيارة وانا مابعد دفعت له.... تعطيه عربون 5000 الاف . والباقي تحول له على حسابه. هذه اسرع طريقة او شيك

لا تسلم المبلغ كاش ابدا خصوصا اذا المبلغ كبير 

خذ رقم حساب المعرض وليس راعي المعرض وتوجه لأقرب فرع بنك وحول من عندهم مباشرة وراح يطلع عندهم اسم المعرض الفلاني للتأكيد ويسألك موضف البنك سبب التحويل اذكر نوع السيارة والموديل وجميع المعلومات اثناء التحويل هذي بعد الله كلها تنفعك طيعا هذا الخطوة بعد ماتدفع العربون سواء 1000 او 5000 وتاخذ سند مبايعة ومكتوب فيه عربون سيارة فلانية وسيتم تحويل المبلغ المتبقي عن طريق حوالة بنكية لازم يذكر هذي المعلومات بالسند وبالتوفيق ان شاء الله