هل أخذ السيارة كاش أو تقسيط أو تأجير منتهي بالتمليك ؟

افضل شي كاش طبعا توفر ف قيمتها

اما اذا بالاقساط او التاجير ف افضل شي تروح البنك قرض شخصي وفائدة قليلة وتاخذها كاش بفلوس التمويل وتكون باسمك وتتصرف فيها زي ماتبغى واذا حبيت سو لها تامين وبكذا تكون وفرت ع نفسك اكثر من ٢٠ الف حسب السيارة لانهم ياخذون فوائد خياليه

حياك
طبعا الكاش مايختلف عليه اثنين اذا معك كيش لهم
بس مدري وش سالفة بتاخذها سنه 
اذا قصدك حاجتك بس سنه 
خذها ايجار مقطوعة كل شهر 1500 ريال عليه تامين
شامل وهم المسوالين عن العطالات 
واذا قصدك تبي تستخدم علا طول مامثل الكاش شي
وباالتوفيق

صحيح الكاش له ميزة التوفير . يعني لو السيارة جلست معي اكثر من خمس سنوات ولاكن بشرط بدون صدمة بدون خرابات  بدون فحص بدون تغيير كفرات بدون تغيير زيوت بدون تغيير فحاماتوهذا طبعا شيء من شبه المستحيل انه يصير .بس لو أخذت تاجير بيكون كلشي عليهم وانا ما علي الا ادفع لهم كل شهر . ومتى ما حبيت أغير الموتر اقدر أغيره بكل سهوله بدون ما ادفع مبالغ ضخمة .. و الرأي لأهل الخبرة

وعليكم السلام
إذا السياره ألي بخاطرك سعرها ب80 /70وتحت 
انصحك بإيجار تمليك من البنوك 

تأمين شامل مدة العقد 
قسط حول 1400 وتحت
وقت التنازل تكون مرغوبه بسبب القسط


وبتوفيق لك 

خذها كاش أو تقسيط لمدة سنتين تكون الفائدة قليلة مو مثل 5 سنوات

شف يالغالي اهي على راتبك وعلى حسب سعر السيارة راتبك 6 الاف ولاعندك التزامات تقدر تقسط 1200 ريال وفيها تزيد تنقص هذا اذا انت ناوي تاجير
حسبه التاجير كم يبقى معي عشان ماتعرضها تنازل بعد شهرين اذا كاش وبتاخذ قرض وقسطك 600 ريال الى 1000 ريال بنفس الراتب خذها كاش طبعا اللي ذكرته مثال
ميزه القرض اقل فائدة عيبه لاقدر الله صار للسيارة شي بتسدد على الفاضي الا اذا انت مأمن وانت عارف التامين يصفط عليك 5 الاف في السنه على الفاضي
التاجير دفعه او بدون قسطك اجار شهري السيارة على التامين صدمه على التامين تالف على التامين عيبها الفائدة اكثر وقسط اعلى تلعب على نفسك مافيه سيارة هالايام تجلس مع راعيها 5 سنوات الا قليل
اللي بنصحك به سواء قرض او تاجير دور شي شرعي وحلال يبارك لك ربي

ترى معلوماتك كلها خطأ النسبه 50 بالميه والتأمين يعني مايحتاج تشاور اخي خذ قرض بقيمة السياره خذها كاش

اكتب راتبك والتزاماتك وهل عليك تعثر في سمه واقولك افظل حل لك

مبدئياً
افضل شي لك البنك تاخذ قرض شخصي وتشتري راح يكون هامش الربح بسيط جداً ما يتعدى 1.99%
يعني اذا بتاخذ 100 الف على 5 سنوات راح يكون هامش الربح زائد العموله 10950 ريال وتامين ضد الغير 1300

الاجمالي 112250

اما من خلال التأجير المنتهي بالتمليك:
السياره سعرها:100 الف
هامش التامين السنوي: 4%
هامش ربح الشركه السنوي: 4%
راح يكون اجمالي الربح 40 الف
وتطلع عليك السياره 140 الف

كلاشنكوف .. ياليت توضح كلامك في الخمسين بالمية ما المقصود بها . هل هو الدفعة او نسبة التحمل على التامين ؟

العوني ... عزيزي انت حسبت القرض الشخصي و قارنته بالتأجير المنتهي بالتمليك . فيه فارق بحسبتك انك حسبت في القرض الشخصي التأمين ضد الغير لمدة سنه واحدة اما في التأجير حسبت التأمين الشامل و ايضا لمدة خمس سنوات . هنا يطلع الفارق

خذ كاش ونصيحه لا تحطها ف موتر رياضي ولا غيره حطها ف موتري عملي وقطعه رخيصه ويعيش عشان لا قدرالله
جبت العيد فيه بتكون قطعه بمتناول اليد ولو بتبيعه سعره فيه والكاش افضل من الاقصاد طبعا

الدبلوماسي انا حسبت على اقل تقدير لان في القرض الشخصي تجبر على التامين اول سنه والباقي اختياري
اما في التمليك انت مجبور على الخمس سنوات

أبي واحد يطلع سيارة كاش واقصده

لما تشوف مشاكل الايجار بالتمليك. تتمنى تشتري كاش افضل
الحمدلله انا اشتري كاش اطلع قرض وابيع السياره القديمه مع دفع الفارق