هل يدوم قير الاوريون بعد التوضيب ؟

وعليكم السلام ورحمة لله الدايم الله سبحانة قير الاوريون ضعيف وحساس والتوضيب 6500ريال رخيص خل سيارتك ولاتبيعها
اهم شي لاتعدى السرعة120 وابعد عن الدعسات الفجائيه والمقاومات والسرعات العالية وبيعيش معك
انا خبط قير سيارتي كامري 2009 امريكي 6 سلندرxle وغيرته تشليح ب11000الف والى الان سالك معي بس حدي 120
علما اني كنت محافظ على تغيير الزيت والفلتر بانتظام لكن كنت قاسي علية وانقله من الوضع التوماتيك الى العادي وانا ماشي على الفصلة
وسرعات عالية

والله غالي توضيبه الله يعينك ويعوضك بالخطوط امشي بسرعة عادي ولكن بدون دعسات فجائية خله ياخذ راحته الموتر 

بيعيش ان شاء الله بس وين وضبته ؟ لا قيره حساسات ولعوزه اذا تعرف ورشة مضمونه دلني انا بالرياض

وضبته في خميس مشيط
عند ممدوح السوداني مشهور هناك
يوضب اوريون وافالون ولكزس

سافرت عليه مرتين من ابها للمدينه والعكس على سرعة ٢٠٠ ماقال شي

ليش تفتك منها سبب التخبيط تهريب زيت يعني ماهو عيب في القير
وتوضيب اذا قطع اصلي وشغل نضيف ب6500 اشوفه مناسب
لان النضيف والمضمون وعلية ضمان مادون 10000
استخدم الموتر وانتبه للتهريبات
وخلك مواضب على تغيير زيت وفلتر القير كل 70 الف او 80 الف
موتري ماشي الحين 300 الف كيلو وقير بلد
ومحافظ على فلاترة وزيوته
الشغلة كلها تعتمد على الاستخدام

نعم الشغله تعتمد  على العنايه بالسياره 
وتغيير الزيت
والتأكد من عدم وجود تهريب حتى لو كان 
خفيف
والله يكون بالعون 

والله ما تسوى عليك قير بحوالي 11 ألف

6500 هذا مغير لك بطيخه لحالها و ممك حساسات فقط

أما توضيب كامل ما ينزل عن 10 الاف للأوريون

و الاعضاء يقولون لا تدعس و لا تتعدى 120

بيعها و اشتري اكسنت تروح و تجي وانت متطمن على كذا

وش الفايده 6 سلندر بالاخير 120 و شوي شوي و خايف

سلم لي على قيور AISIN اللي موجود على سيارات كيا وهيونداي مهما تدوس له مهما تتأخر في تغيير الزيت مايخبط

يمدحون المعارض
مع انه والله موتر وحش في الخطوط
لكن اخاف ينشب في نحري

أسمع كثير عن مشاكل القيور في الأوريون
بس اتوقع من القيادة المتهورة والدعس
اما مع الاستخدام المتزن مااعتقد يكون فيه مشاكل.

والله يالاحمري انها مواتر
علما الي معي كامري امريكي 2009 6 سلندر
يعني مكينه قير نفس الاوريون والافالون
الموتر اخذته ماشي 96 الف ميل
والان ماشي 187 الف ميل يعني 300 الف كيلو
وكارف ابو ابو ابوة شهر 10فقط
نزلت ابها مرتين من الباحه يعني 1200 كيلو رايح جاي ورايح جاي
و4 مرات جدة يعني 3200 من غير مشاوير الباحه
ونزول المخواة ونمرة وقلوة ومحط
والله احيانا امغط الى 200 على طريق مكه جدة واتعوذ من ابليس
الموتر ماعمرة تعطل او شكا من شي
خاصتا القير من ساعة طلعت الموتر
الى الان زي ماهو لاهنة ولا ونه صح اني اسرع وكارفه
بس محافظ على زيوته ولا اعطية دعسات فجأة الا وقت الضرورة
فية خوينا اول رد بريك الفهد
معه اخو موتري والرجال جارنا
عطا الموتر 230 على الفصلة وحول من التماتيك الى نضام 6 سرعات عادي تتابع
وضرب علية لانه يوم حولة رجع يمكن نمرة او نمرتين ثقيلة
لان الرجال الله يسعدة يفكر الفصلة بتنفك اذا حولة
وللاسف اعدم ام القير وعساة يفداة
خذ قير لكزس نضيف ماشي اقل من 40 الف ES350
وماشي معه زي الحلاوة
فانا اقولك يقولون في قيورها عيب مصنعي
وانا اقولك كذب كلها على استخدام الشخص ومحافظته
تجنب السرعات الفجائية يعني ماشي 40
وتعطي الدعسة للفرشه اكبر غلط اوريون او غيرها
ولا الموتر واقف وتعطية دعسة غلط
خل استخدامك ممتاز
ولا تحولة 6 سرعات الا مع عقبة نزول او طلوع
وتهريبات سوها على طول وامورك طيبة

سلطان4040 قيور هالشركة الي ذكرتها هي قيور تويوتا اترك الفلسفة هخخخ

اي توضيب اذا كان قطع اصليه و متقن 100%راح يكون مثل الشد بلد ..
لكن عندنا .لا يوجد هذا الاتقان وقطع غيرا تجااااري حتى اذا قال اصلي

انا من بعد شفت طريقه توضيب القير وانا ودي اخرب القير و اوضبه
..التوضيب سهل جدا لكن يبغالك تعرف اسماء القطع عشان تشتريها ويبغالك مكبس بعض القطع تحتاج كبس..
انا مشروعي ان شاء الله اني بفصفص التاهو بنفسي ..

مافي شي اسمه قير ضعيف وحساس لكن عدو القير هو الحراره. ركب مبرد 

ومروحه خارجيه وامورك طيبه.

نفس الموضوع مع قيور الامريكي اربع نمر يقولو عنها ضعيفه

والصحيح انها تسخن بسرعه مع الدعس وتستهلك بسرعه

لعدم وجود مبردات كافيه.

نصيحة لوجه الله الافالون تهون شوي الاوريون التخبيط وراك وراك كم بتحافظ سنه سنتين بعضهم وضب وشهرين وخبط القير انا موتري هرب مع الكرتير وهو واقف ومحافظ ولا سلمت لابوه لابو من صنعه نصيحة تخلص منه قبل يضرب عليك خله يكد مع غيرك اذا الشركه فيها خلل في قيورها وتدري ولا تلافت هالمشكله لانها مستفيده بس من مخباتي بسلامتها وسياراتها حتى الوكاله بنفسها تغير الزيت عندهم توقع اخلاء مسؤولية عن اي اضرار

Mohammed1368
ماني متفلسف واعرف ماذا اقول
تويوتا تملك جزء من اسهم شركة AISIN وتستخدم قيورها في بغض طرازات ليكزس وليست كلها
اما الكامري والاوريون والافالون والليكزس ES فتستخدم قيور تويوتا وليست من AISIN
وهي قيور سيئة ممكن تخبط من مجرد تغيير الزيت وليس فقط من الاستخدام السيء

يا ابن الحلال تويوتا هي الي اسست AISIN
 وكل القيور سم سم والكوري قيوره منه وتقدر تتاكد بعد قيور الست نمر والثمانيه هيونداي تصنعها بنفسها