بسوي صيانة كامري 40 الف ببترومين . رايكم

كل اللي ذكرتها ما تكلفك حتى ٤٠٠ ريال فلاتر و تغيير زيت بإستثناء البواجي ،،

معظم السيارات صارت بواجيها ايرديوم تمشي فوق ١٢٠ الف بالراحه .

و عليكم السلام ورحمة الله و بركاته

40 ألف جديدة لا تغير شيء و زيت القير غيره على 80 الف اللحين يعتبر جديد باقي

خصوصا القير جديد مافيه رايش ولا شيء ماله داعي الخساير

فلتر هواء نظفه و فلتر المكيف نظفه ما يحتاج غيار

بواجي ما تتغير من زمان وهي مثل نظام الكويلات تتغير بحال العطل فقط

لكن طالما مافيها تفتفه ولا شيء يعني البوجي سليم تمشي عليه 10 سنوات عادي

البواجي لا تغيرها
انا ماشي على الكامري تبعي 2012
ماشي حوالي 140 الف ولا غيرتها وزي الحلاوة

لكن خلال اليومين الجاية بغير البواجي

اما بالنسبة للوكالة اسحب عليهم لا تصين عندهم
روحح ببترومين او ايي محل غيار زيت كويس تعرفه وغير عنده فلتر الهواء غيرة كل 40 الف وفلتر المكيف غيرة اذا احتاج تغيير
والكلام الفاضي اللي بيقولونه لك بترومين بخصوص تنظيف البخاخات لا تسويه كله نصب في نصب وزيت القير انا اغيرة في العضيب في الرياض وبرضو عندك مايز شغلهم كويس كل 40 الف كيلو شغل اليد ب 250 والقطع برضو بحدود ال 250

الشركات تسرقك والسيارة جديدة ما تحتاج صيانات إلا صيانات محدودة بواجي وفلتر هواء وفلتر مكيف وفرامل 
وبعد ما تمشي 100 تكون السيارة فعلا تحتاج صيانة

مستحيل أدخل الوكالة للصيانة وراح أوفر المبالغ لصيانة سيارتي بنفسي وإن حصلت مشكلة كبيرة مثل المكينة أو القير تدفع قيمة صيانتين 

وبالنسبة للسيارة الجديدة مع الشخص الهادئ في القيادة والمحافظ على تغييرات الزيت 

راح تمشي معه السيارة 100 ألف دون الحاجة للوكيل 

أشتريت 3 سيارات وكالة 

آكسنت والنترا ما دخلت للوكيل نهائيا حتى بلغت 100 ألف

وأذكر كورولا 2009 تعطل الكمبروسر واضطريت أدفع قيمة صيانتين وصلحوه عالضمان ثم تعطل بعد ال 100 ألف وأذكر ولفت له كمبروسر عند فني تكييف وأشتغل معي حتى بعت السيارة

لكن كل فترة صيانات تكتشف إنهم أخذوا عليك مبالغ خيالية لا يستحقونها

اخوي والله الشغله ماهي مستاهله خسائر الكل سوا الشركه او بترومين يبي مصلحته  لكن خلاص. الزيت. انواع. فيه زيت 3000 كيلو فيه 5000 كيلو. وفيه زيت 15 الف كيلو. وزيت القير على 80 الف. الي 100 والبواجي الأصليه. تاخذ فتره. وانا اخوك. هذول يبون فلوس. معليك منهم. 

نصيحة ابعد عن صيانة الشركات فيها نصب واستغلال غير طبيعي

الزيت الي عندهم تحصل مثله برى مافرقت وارخص منهم

وعليكم السلام

بترومين من واقع تجربة و من غير دعاية او نوع من المدح, انا مجربهم صنت سيارتي ال 80,000 كيلو هي مثل ال 40,000

تغير زيت و فلتر و معاها زيت الجير بعد مهم سويت زيت الجير عند بترومين و الحمد لله دون اي مشاكل.  احس بترومين 

و ون ستوب شغلهم نفس الوكالات بس اللهم في الصيانة تقدر تطالع سيارتك وهي تحت العملية (الصيانة) هذا في ون ستوب 

و بترومين.  في رمضان رحت لبترومين لأنه انتم تعرفوت بأنه بترومين صار وكيل نيسان في الفترة الأخيرة و حول معظم فروعه

لخدمة نيسان بشكل خاص و باقي السيارات بشكل عام.  المهم في رمضان زرت احد مراكزه واضطلعت على جدول الصيانة

مخصص لسيارات نيسان بكل انواعها سواء السيدان أو الجيوب.  و عندهم كل قطع الغيار اللي تحتاجها السيارة خلال الصيانة.

أنا اصلا في هالفترة قاعد افكر اصين سيارتي في بترومين و ون ستوب أما الحمراني راح اروحه للأعطال المكانيكية لا قدر الله.

و بالمناسبة الحمراني مازال مستمر الى اليوم صيانة سيارات نيسان و قطع غيار.

معلومة الكامري عند تغيير زيت القير تحتاج اعادة برمجة حصلت لاخوي مشكلة تاخير عند التغيرات وعند اعادة البرمجة رجعت التغيرات طبيعية

حسب علمي الكامري صيانة ال 40 الف

زيت قير بدون فلتر و على 80 مع الفلتر
زيت مكينة وفلتر كل 10 الاف كيلو
فلتر هواء يتغير كل 20 الف كيلو
فلتر مكيف يتغير كل 20 الف كيلو

البواجي على 100 الف كيلو


وعندك في صيانة الثمانين تتفك البخاخات وتتنظف خارجي مع البوابة وحساس الماف وزيت القير مع الفلتر

وعليكم السلام ورحمة الله وبركاته

أشتري باقي القطع من الموزعين وتأكد أنها أصلية وخذ فواتيرها وغيرها بأي ورشة
يعني بإختصار التزم بصيانة الوكالة خارج الوكالة حتى لا تطلع السيارة من الضمان
وكل خطوة تسويها أحتفظ بالفاتورة معك، لإنك بتحتاجها إذا أحتجت الضمان.

موفق

بترومين شغلهم حلو لكن اخر مره لما غيرت عندهم زيت حسيت ان زيتهم اثقل من زيت الوكالة
نصيحتي خذ الزيت بنفسك مع الفواتير و بدله في بترومين و الباقي شغلهم ما عليه كلام

انا اغير عند بترومين

نوع سيارتي كيا 2014

نوع الزيت 10w30

أغير كل يوم سبت عشان يعطوني السيفون بلاش

سعر الزيت 5 علب مع شغل اليد ( 96 ريال ) + سيفون مجاناً

والحمد لله ماشيه اموري تماما , وللآن هو افضل محل بنظري ( من ناحيه النظافه + الرخص + تبقى السياره ع الضمان )

بترومين متعامل معهم من سنتين ونص ( للامانه شغلهم نظيف ) 

الاخ اللي يقول تنظف بخاخات على 80 الف وين حنا فيه !!!!!!
السيارة تو جديدة