كامري 2016 معروضة في وكالة عبداللطيف جميل

لاتاخذ المعروضه كم واحد ركبها وصك بابها وشغلها
ويجرب ذا ويفك الشنطه ويجرب المكيف
خذها باكياسها مايركبها الا انت والاحد قريب
والف مبروك مقدما يعطيك خيرها ويكفيك شرها

و عليكم السلام ورحمة الله و بركاته

والله اذا كان نفس السعر ما راح ينقصون لك شيء لا والله ما أنصحك تأخذه

المفروض ينزل من سعرها حتى لو الاكياس ماهي موجوده تعرف كم لها واقفه بالوكاله حوالي سنه

بخلال السنه هذي بالساعه الوحده يركبها ما يقل عن 10 اشخاص يتفحص و يطقطق بالديكور يشوف

و يفتح و يسكر الباب و الشنطه و غيرها

يعني باليوم لو تحسبها حوالي 100 شخص يركب و ينزل و يطقطق فيها

تحسبها خلال شهر حوالي 3000 مره تم ركوب السياره

خلال 10 أشهر تقريبا تطلع حوالي 30 ألف مره و هذي أرقام واقعيه بدون مبالغه

تتوقع راح تكون مثلها مثل الجديده من خلال اصوات الديكورات و غيرها

صحيح هي جديده ولكن طبيعي ما احد بيركب السياره خصوصا تويوتا يقولون أصوات ديكور

يبي يجرب بنفسه يطق على الابواب و الطبلون و يجرب بنفسه

صدمه صح ادري غيرت رأيك خلاص غير الموضوع هههههههههههههههه

المفروض ينزلون لك 10000 من قيمتها كذا معقولة أما بسعر اللي بقراطيسها ما تنفع انتظر ليوم الأحد و أن شاء الله خير

الله يعطيكم العافيه وماقصرتو وبنتظر للاحد ان شاء الله

إن في العجلة الندامة و في التأني السلامة

الله يعطيك خيرها و يكفيك شرها

ابعد عنها ربع الشعب تحصله مسحها مسح

الحركة هذه الوكالات مايتركوها رغم ان المستودعات مليانه خاصه تويوتا لكن يقولك بنعطيك المعروض بحجة ان نفس اللون او السيارة غير متوفرة الان يا عزيزي انا دافع مبلغ وقدره على شي جديد مو عرض للرايح والجاي ومن البجاحة بنفس القيمة اعوذ بالله منهم 

الله يعطيكم العافيه
وبنتظر ليوم الاحد ان شاء الله

وماقصرتو ربي يسعدكم

ابي اسئلك كم الدفعه و القسط حق الكامري استاندر وشكرا):

والله ماعندي علم لكن بسأل عنها بكره اذا ودك

انا عن نفسي مابطلعها من عندهم الا بغبارها 
ولكن تعقيباً على رد yahya alajlani
ان اشوف ان الشغلة ماهي بجاحه بالعكس شي طيب انه وضح للمشتري وعرض عليه الخيار ومن حقه القبول أو الرفض
كان بمقدورهم يدخلونها المستودع  أو الصيانة وكم قطعة تجليد وشوية تغبير وترجع شغل مصنع ولا احد بيدري 

ياحبيبي اصبر وش عندك والله ما اخذها خذ شي بغباره واكياسه تحس الطعم

اخوي الصبر مفتاح الفرج لاتستعجل العجله فيها الندامه

اصبر كم يوم عشان تاخذ الجديده

الاخ حسين تعقيبا على كلامك انا قصدت بالبجاحة ان سعر المعروض نفس سعر المخزون 

سيارة العرض واحد اعرفه اخذها بخصم خمس الاف لان اللون الي يبغاه غير متوفر ولعبها عليهم يوم قالوا له ماراح نجيب منه خذ سيارة العرض قالهم جيبوا فلوسي قالوا لا خلاص نخصم لك ومشت معه صح

ماانصحك ابداً تاخذها
اصبر الاحد الاسبوع ولا شئ

ي رجل اصبر اللين يوم الاحد صبرت كم منت قادر تصبر ٥ ايام
والله يعطيك خيرها ويكفيك شرها مقدماً

سيارات الوكالة 3 أنواع . . . .

النوع الأول هو : سيارات المستودع وهذه ما أحد يركبها سوى عمال الوكالة فقط

النوع الثاني : سيارات العرض وهي سيارات اللي تجدها في صالات الوكالة

النوع الثالث : وهي سيارات التجارب يجي الواحد ويركبها ويسوقها ويجربها وهي قليلة

إذا كانت السيارة من النوع الثالث فلا تقربها أبداً . . . . .

أما إذا كانت من النوع الثاني فقل لهم تنقصون لي 10 - 5 الآف ريال وآجيكم الحين لأنها سيارة عرض مو من المستودع ,,,,,

كم واحد ركبها ,,, وكم واحد حط رجلها على دواستها ,,, وكم واحد فتح شنطتها . . . إلخ

وأنصحك تستغل الفرصة . . . .

خصم 7 الآف أو 8 الآف أو حتى 5 الآف ,,, تحطها بجيبك مبلغ كبير بصراحة ماينفوت . . . .

والسيارة أولها وآخرها على الضمان . . . . . و واقفة داخل الصالة ماتتحرك . . . .

ويمكن ماحد شافها من داخل ولا ركبها إلا عدد أصابع يديك . . . .

لأنها بصراحة ( كامري ) مو جيب لكزس أو مرسيدس الكل فيه فضول يشوفها من داخل !!!!

أنا أتكلم بالعقل وأنا أخوك بعيداً عن العواطف وأرجوا من الجميع احترام رأي فيه . . . .

الله يعطيكم العافيه وتم استلام السياره جديده يوم الاحد

لكن لاحظت نور الكشافات ضعيف بشكل عام في موديل 2016