وش الطريقة لوحة سيارتي الامامية انسرقت

الطريقة بلغ المرور

دق 999 يفيدوك بالتلفون قبل لاتتعنى مشوار للإدارة واذا كانت للمرور 999 نفسهم راح يحولوك مباشرة

اهم شي تسوي بلاغ
بااسرع وقت 
عشان تضمن حقك لو صار شي 

اذا انت في الرياض ، لازم تجيب خطاب من قسم المحفوظات والوثائق في الروضه وبعدها تجيب اثبات سكن وبعدين لقسم الشرطه الي تابع له الحي الي انت ساكن فيه يسولك بلاغ وبعدها للمرور حتى يعطيك لوحه بدل فاقد

كلام الاخ حازم صحيح 100% والله يعينك يااخي الكريم ,,,,, اجراءات فقد اللوحه اصعب من حرب فيتنام وغزو الكويت واصعب من اختراع المصباح الكهربائي ,,,,,,, ولذلك اقول دائما : يضيع ولدك ولاتضيع لوحة سيارتك الله يسهل امرك

انا لومكانك ماقول مسروقه او فقد اسهل في الاستخراج

فعلا هذا الي صار معاي اول شيء رحت لمركز المعلومات بالروضة واخذت خطاب موجة للشرطة وختمته من عندهم
وطلعت لمركز الشرطة ومعاي الخطاب وفاتورة الكهرباء لاثبات السكن وسويت بلاغ فقدان لوحة واعطاني خطابين واحد للحاسب الالي لعمل البلاغ
وخطاب للمرور اخذته وطلعت لمرور الروضة وعبيت النموذج وسددت الرسوم 100 ريال وطلبت الوحة
طبعا على كلامهم ماراح توصل الا بعد اسبوع

والله حرام ... إنسان كاف شره عن الناس ماعنده من الشيطان طاري يطلع
من بيته يلقى اللوحه مسروقه وش ذنبه يتمرمط .. بعض الإجراءآت عندنا معوكسه
اولها التأمين ... المصدوم الي له الحق 100% ( ما أخطى ) يتشحطط بين مرور وتأمين و ساما 

ابي ديسلايكات انا حالف اوصلها 1000 ديسلايك .. خرفان :)

انا فقدت وحده من اللوحات ورحت للشرطه
وطلبو صورة من الاستماره و حضور صاحب السياره
وترفع بلاغ ويعطونك الورقه انك فاقدها و بعدها تسدد رسوم اللوحات اللي هي 100ريال سواء لوحه او لوحتين تروح للمرور
ويطلب منك استمارة السياره
ويعطيك برنت فيه معلومات السياره
وتروح للاستقبال وتعطيه الاستماره والبرنت
ويطلب لك لوحتين
ويعطيك ورقه انه يسمح لك بقيادة المركبه داخل وخارج المدينه خلال 15 يوم من تاريخ الطلب
وبعد 15 يوم تجي ومعك الورقه ويعطيك اللوحات
ولكن اهم شي لاتضيع ورقة البلاغ من الشرطه
لاسمح الله يجي بلاغ على اللوحه ولا شي تنفعك

الشرطه تاخذ منك 10دقايق
والمرور 10 دقايق
وعلى حسب الزحمه
لكن اهم شي الاستماره غير منتهيه

وائل ابشرك الشرطة اخذت فيها من بداية الدوام الساعة 7 الى الساعة 1 الظهر وبحب الخشوم خلصت