ماهي عقوبه الهروب من المرور

الحبس مافيها كلام 
غير الفشله 

وليش الهروب ان كان صدمت او خالفت بقطع اشارة او اي سبب لو هربت رايحين يجيبوك عقوبتها سجن مضاعف وغرامة وغير التفتيش للمركبة لأن الهروب شبهة وضعت نفسك فيها ة

صاحب الظل الطويل. كلامك صحيح

السالفه ماهيب على العسكري ، لو يرفع فيك بلاغ جابوك لو من تحت الارض
يعرفك ولا مايعرفك ، تبي شوري كلم الرجال مادامه يعرفك وتعرفه واقصر الشر ، تراك بالنهايه انت الخسران

سبحان الله وش ذا العسكري اللي يعرف دوامك ويشوفك على طول ومايغير مكانه لو انه جاري ماشفته !!!!

سبحان الله يا بعض الاعضاء هنا والله المستعان 

الا بيكذب الرجال او بيطلع عليه زلة 

ليش مشغل نفسك في خلق الله 

عليك بالظاهر عندك اجابه افيدة ما عندك مر مرور الكرام 

فيه اثر عن تابعي او صحابي ناسي  يقول والله لو رايت رجل ابتلت 

لحيته من الخمر لقلت  انسكبت عليه 

ولو رايت رجل فوق جبل يقول انا ربكم الاعلى  لقلت

يقرا ايه من القران 

وصاحب الموضوع  الله يصلحك كان وقفت وتفاهمت معاه كا

طلعت باقل الخساير  

صادق يالحربي الرجال جاي يستفسر تجون تعاتبونه ما تدرون وش ضروفه الله يهدي الجميع بس
الهروب يوقفون خدماتك ولازم تراجع المرور وفيها توقيف

شكلك من وراعين شطر بطر طشرنا الوكت كلها االحين يالزاف ...3>

صادت لي قبل 4 ايام
كان فيه تفتيش اخر الليل وجيت مهدي و نيتي اوقف..
بعد ما قربت ما شفت او ما انتبهت فيه احد واقف من قوة
انوار السفتي حق الدورية واكمل والا اسمع صوت واحد يقول ارجع
ورجعت وقروشني يقول انت ما تشوف احد ولا معبر احد
واخذ الرخصة والاستمارة ويسجل المخالفه وكتب المخالفه
(تجاوز نقطة التفتيش وعدم التوقف) وانا مزعجه وناشب له
الين ما غيرها وكتب عدم ربط حزام الامان
اقوله والله ما انتبهت...وانا ما ابغى اخذ في ذمتي شيء لكن
كأن ما احد كان واقف ويبغى يجحدني
المهم المخالفه الين اليوم ما نزلت الحمد لله

الحربي : لم اطلب منك إبداء الرأي في ردي قل خيرا او اصمت 

نحن من نعلم موقع حراج والمنتدى ومايدور فيها من مواضيع ومدى الصدق من الكذب

صباح الخير 

ترى والله عنده صلاحية يرمي ويعطب بعد

الله لا تبلانا 

ان جاء بالريق الحلو فكنا الله

شفته معصي الشكوى لله وانتهى

بالوضع الحالي الهروب من نقطة كارثة لهم صلاحية يطلقون عليك 

وش اللي يخليك تهرب وضعت نفسك في موقف صعب كان نزلت رميت له كلمتين حلوات ومشيت 

اشتغلو الورعان بالدسلايك ويش الخطى بكلامي واحد هارب من نقطه اكيد فيه شي 

اذا عرف لوحة موترك ايقاف خدمات وبلاغ عليك عند اي دوريه او تفتيش حجز اما اذا ماعليك بلاغ محد حولك بس الاغلب يتصلون عليك يقولون راجع القسم الفلاني 

بالنسبة للمخالفة اللي اقول ما نزلت
جاتني الرسالة بعد اسبوع الله يلعنه افكر انه رمى المخالفه
معنى التاخير في وصول المخالفة انهم ماهم قادرين
يلحقون من كثرتها

الهروب من الأمن
جريمة كبيره وشبهه،،

و تعريض الأنفس للخطر

التحلي بالصبر
والركادة زينه

وطاعة ولاة الأمر واجب
والمخافة من الله حق على كل مسلم

اهبوو الرجال يشميلكم ونتم ياجفعزالبلاز