تويوتا تندرا ماشية مليون و 600 ال كم و لا زالت بحالة ممتازة

ما شاء الله مليون و 600 الف كم سيارة جبارة بصدق

احس الممشى كثير على الموديل
يعني سياره عمرها 9 سنوات لو حسبتها بيطلع متوسط مشيها في اليوم الواحد قريب 500كم
!!!!!!!!!!!

يا طيب الممشى صحيح كبير لكن ممكن تحقيقه و خصوصا ببلد كبيرو مترامي الاطراف مثل أمريكا ... لكن اللافت أكثر هو أن الغير اتوماتيك و المحرك ما اتوضبوا و على حالتهم من المصنع

شف بأمريكا اغلب السيارات تمشي واحد  وقليلة الخرابات  كد قريت  صابونة كابرس ماشي مليون وخمسمئة  
وغيرها كثير ماشي واجد  عادي تلقى سيارات موديل ٩٠ ولازالن ماشية زي الساعه   
وكل هذا يعود الى مراكز الصيانه والخبرة بتعامل مع السيارة  

ماشاء الله
ياترى كم شفطت لتر بنزين خلال المليون ميل ؟؟؟؟؟
حسبتها استهلكت تقريبا 228000 لتر لو كل لتر بيمشي 7 كيلو
عاد شوف كم سعر اللتر في امريكا
بيطلع سعرها أضعاف قيمتها..

امريكا كله خطوط واجواء باردة وصيانة احترافية ليه ماتعيش مافي شي يمنع

شوارع امريكا نظيفه ومساحتها كبيرة
ومعروف عندهم البيك ابات الكبيرة مرغوبه وراعين رحلات وشغل

فيه بعد فان فورد مشى مليون ميل تقريبا ومديله مب قديم وماغير فيه الا طرمبة مويه وصيانات ثانيه بسيطه بدون فك مكينه او قير

السياره تكون مرتاحه فالخطوط اكثر من المدينه

سيارات تويوتا سياره المليون كيلو فعلا 
ليس غريب إذا تويوتا دايمن تتربع على عرش الجوده كل سنه في كل استفتاء 
تويوتا صحيح بخيلة في المواصفات لكن الشركه فلسفتها غير تصنع سيارات بأعطال قليله جدا 

وين اللي يسبون في تويوتا يشوفون . تويوتا سيارات عملية من الطراز الاول

ياشباب لاتطيرون بالعجه بتويوتا
فيه سيارات طقت هالمسافه مو بس تويوتا بالذات فامريكا

http://m.leftlanenews.com/greek-taxi-driver-hits-1-million-kilometers-with-2003-mercedes-e-class.html

هذا مرسيدس 2003 تكسي طابق المليون

ما شاء الله ماشي مليون وشكله تقول باقي وكالة محافظة ممتازة
لو انه من ربعنا كان وصلت 70 الف و هي دمرانه و مسمكرة ستين سمكرة و داق الصدام بثلاث مسامير عشان لا يطير

لاعجه ولا شي 
اي سياره تطبق فوق المليون غير اليابانيه هذي تلقاها في بلاد بره جو بارد وأمطار غصب السياره تعمر 
لدرجة بعض الشركات في الصيانه لاتغير زيت القير مدى العمر 
وفي امريكا بعض الولايات يغيرون زيت المكينه على 20الف وهذا معروف عن الأمريكان ليش 
لأن الجو بارد وكل شي في السياره يعمر 
هنا عندك النكبه درجة حراره توصل 50 وجودة المكينه 300 درجه وغبار يدخل جوه المحركات وفوق هذا المكينه الي يقصر عمرها المكيف 
وزحام وووو...الخ شي طبيعي السياره ينقصف عمرها تنقبر من بدري 

وبعدين  الممشى  فقط طرق سريعه لايثر على السيارات عموما لو تمشي  مليونين   لا كن العبره طبيعة الاستخدام   عندا هنا بالسعوديه بأجوائنا  وقيادتنا  وفيه سيارات شارفن المليون   وانا بنفسي واقف على سوبربان  نقل معلمات  ٢٠٠٢  ماشي ٨٠٠ الف   وبرضه جميع القطع الي فيه شد بلد فقط  غير طرمبة البنزين  والكمبرسر  والباقي شد بلد  بس اغلب ممشاه طرق سريعه يمشي باليوم تقريبا ٤٠٠ كيلو  
وعندك مثال التريلات وخاصه المرسيدس.  اذا ماشيه من ٦٠٠ الف وتحت تلقى سعرها مرتفع بحجة انها مامشت  والغالب عندنا ماشي فوق المليون. رح بس بنفس الموقع بقسم الشاحنات وشف ممشاهن   
وطبيعة الاستخدام  هي التي تحدد  

هذا يطرح سوال هل الاستخدام الامريكي
عندنا ملعوب بعداده خاصه ان اغلب الي 
يشتروا لا يسالوا عن الكارفس.....
مصير هذه السيارة تطيح بيد شريطي عندنا
وتخصل اعلانها ( مخزنه ماشيه 50 الف)

ليه تايوتا غاليه 
من جودتها

ياصاحب الظل توك تمدح فتويوتا التندرا
والحين يوم جبت المرسيدس تقول هناك اجواء بارده ونظيفه

طيب حتى امريكا فيهل اجواء حاره مثلنا
واذا على التندرا
ترا فيه سيارات امريكيه فامريكا طبقت المليون بعد وفي ولايات حارة مثل التندرا
انت بس تبي تمدح التويوتا
الموضوع ماهو محصور عالتويوتا
وقد نزل موضوع هنا عن كابرس طابق ال 700 الف

المووضع بسيط
اكتب فقوقل اي سياره تبيها
ford 1000000km
bmw 1000000km
او اسم اي سيارة واكتب قدامها مليون كم
وراح تطلع لك فكل العالم جميع انواع السيارات ماشيه مليون

ياشباب لاتنسون الطرق هناك مو زي هنا هناك مافيه حفر وشوارع مكسره زي عندنا

يا اخ شاقح اي شركة باجواء جميلة تمشي مليون كيلو

لكن شكلك ماتدري انه لكزس اي سيارة من المصنع اختبار بكل الاجواء بالعالم بكل الظروف الصعبة اقل شيء 1 مليون ميل 

ماهو مستخدم المصنع نفسه يسوي كذا ولا شركة ثانية تسوي كذا 

وللمعلومية لكزس اختبرت LSلمسافة 2.7 مليون ميل يعني 4.320 مليون كيلومتر 
من الشركة نفسها مو مستهلك طبعا فولفو مشت سيارتها من مستهلك موديل 66 مسافة 3 مليون ميل يعني 4.8 مليون كيلو
ومرسيدس بعد بس موديل ستينات مسافة 4.6مليون كيلو
لكزس موديل حديث من المصنع 4.320 مليون كيلو اختبار ذا وش تسميه 

تويوتا ما تاخذ افضل اعتمادية بالعالم من عبث ومايتفوق عليها بالشيء ذا الا لكزس
تويوتت ماتجي نهاية كل سنة وتبيع اكثر شيء من عبث ماهو عالم كريزي يجي يشتري وبس
مايشترون الا لانها تستاهل كل ريال