أضف سؤال أو موضوع جديد          

رأيكم في أفالون 2007

up 1 down 2
amer ahmed 566
قبل 5 سنه و 4 شهر



السلام عليكم. 
محتاج مشورة من الناس اللي جربت السيارة هذي.
معروضه علينا سيارة افالون سعودي 2007 و نظيفه جدا. 
و بسعر ممتاز و صاحبها انسان معروف. 
اللي ابغى أعرفه كيف السيارة من ناحيه الاستخدام؟ هل هي عمليه؟
و كيف هي من ناحيه أسعار قطع الغيار و توفرها؟
و جزاكم الله خير. 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الي اقدر افيدك فيه : اافالون لكزس كامري اوريون : كافة ان لم اقل غالب القطع الاستهلاكية والشبه استهلاكية واحده


up 2 down 0
صاحب سموه 533
قبل 5 سنه و 4 شهر



حلوه الافلون بس بقلك شي. تويوتا مو زي قبل الان والله القطع نار  دوده حقت الدركسون حقت كامري اشتريتها 2800   كمبروسر 3000 عكوس. 2500


up 3 down 2
سمرمد 234
قبل 5 سنه و 4 شهر



الافالون موتر و2008 افضل من 2007 في الواجهية
والتخشيبة الداخلية
لاكن اذا الموتر نضيف خذة وتوكل على الله
قطع الغيار متوسطه وفية بدائل بدل الوكالة
الموتر طرب ويعطيك في الخط وصبوور جدا جدا


up 2 down 1
الرفاعي33 13914
قبل 5 سنه و 4 شهر



عندي وحدة نفس الشكل بس٢٠٠٦ الحمد لله عمليه قطعها متوفره رخيص تركب اقمشة ومساعدات الكامري الغيوب مافيه اوكس ولامنفذ usb والطاره جلدها يتقشر


up 2 down 2
maximum speed 578
قبل 5 سنه و 4 شهر



اذا نظيفة اشترها اذا ماشيه اكثر من 300 الف ابعد عنها لانها بتحتاج قطع اكثر والقطع غاليه الافالون عملية مافيها كلام بس تطيح في النظيف بتخدمك بتشتري شي مضروب بتكرة نفسك


up 3 down 0
بريق الرياض 258
قبل 5 سنه و 4 شهر



المشكلة الوحيدة فيها عيب مصنعي بالقير خصوصا 06 و07 


up 0 down 0
عربة للسيارات 1665
قبل 5 سنه و 4 شهر



اي سياره نظيفه

انصحك فيها




up 1 down 0
ابوخالد1397 2892
قبل 5 سنه و 4 شهر



الافلون من 2005 وحتى 2012 محد يشاور فيها موتر لا يعلى عليه عملية وراحة مراتب وممتازة لكن بقول لك ملاحظة


اولاً اسمح لي على هالسؤال ولا تعتبره تدخل في شؤونك لكن لمصلحتك ، كم ماشيه الافلون وكم حادها عليكم ؟؟؟ هذا اولاً


وثانياً اذا سعرها قريب سعر مواتر موديلات احدث انصحك تطلع للجديد لأن ياخوك بعض الاحيان عمر الموتر يخليه يطلب بعض الاشياء بسبب الزمن حتى لو هو ماشي قليل


خوينا شرى لكزس 430 2003 ماشاء الله مامشى شي 179 الحين ماشي يوم ياخذه اعتقد اقل في هالحدود لكنه بين فترة وفترة يطلب وتهريب ومدري ايش رغم انه نظيف نظيف يوم ياخذه بس الزمن هده ، وهو سواقته هاديه 100 مايتعداها ولا يجفر ولا أي شي


وضحت لك الفكرة ، ما اقول لك الافلون سيئة بالعكس يمكن تصبر صبر ماصبره موتر ثاني غيرها بس اذا مبالغ في سعرها ولا ماشيه لين قالت بس ومنهده اشتر غيرها حديث افضل حتى لو قلت الفئة بس تشتري راحتك


لانها ان طلبت بتدفع فيها وذا اللي بتدفعه في القطع تحطه في سيارة ثانية احسن


بالنسبة لتقييم القطع ماينفع تاخذ كلام رح انت بنفسك وسعر القطع عشان تشوف تناسبك ولا غاليه عليك


وفقك الله


up 1 down 3
a.ibrahem 3169
قبل 5 سنه و 4 شهر



جزاكم الله خير جميعا على الردود. ممشى السيارة 160 الف. و السعر المطلوب حدود ال 35 الف.
الشيء الوحيد اللي مخوفني فيها أسعار قطعها, هل هي مبالغه او قريبه من قطع السيارات الثانيه اللي من فئتها؟


up 1 down 0
amer ahmed 566
قبل 5 سنه و 4 شهر



سعرها طيب اذا بودي بلد ومكينه وقير ممتازة
خذ بعض اسعار القطع الي غيرتها وشريتها بنفسي
1/سير مكينه 250 ريال اصلي
2/ فحمات امامي 280 ريال اصلي
3/ فحمات خلفي 220 ريال اصلي
4/ مسامير توازن الواحد 150 ريال اصلي
5/ رمان امامي الحبة 300 ريال اصلي
6/ فلتر زيت مكينه 45 ريال اصلي
7/ فلتر هواء 90 ريال اصلي
8/ فلتر مكيف 160 ريال اصلي
9/ فلتر قير 160 ريال اصلي
10/ بواجي روديوم اصلي عند عبالطيف 400 ريال
انا طلبتها من امريكا اصلي ب210 ريال ووصلت خلال 10 ايام
11/ مساعدات وكالة الامامي الواحد ب550 ريال
انا شريتها من موزع في جدة عدد اثنين امامي الواحد ب210
نوع اخو الوكالة اسمها مساعدات kyb ياباني
يعني مو شرط تاخذ مساعدات وكالة
12 / جلدة عكس داخلية مستعمل 70 ريال اصلي
هاذي القطع شريتها بنفسي والموتر لايفوتك
ممشاة طيب وامورة طيبة وخدوووم جدا ويصبر
وحتى صرفية البنزين مايصرف



up 4 down 1
الرفاعي33 13914
قبل 5 سنه و 4 شهر



الله يجزاك خير يالرفاعي على التفاصيل المهمه. و مشكورين جميعا على المشاركه. 


up 0 down 0
amer ahmed 566
قبل 5 سنه و 4 شهر



افالون 2007 ب 35 الف ؟


up 1 down 0
aazz1989 -22
قبل 5 سنه و 4 شهر



نعم ب 35 الف. غاليه او حقها؟ 


up 0 down 1
amer ahmed 566
قبل 5 سنه و 4 شهر



حقها طبعاً خذها ولا تشاور 


up 1 down 1
al_orainy 56
قبل 5 سنه و 4 شهر