رأيكم في أفالون 2007

الي اقدر افيدك فيه : اافالون لكزس كامري اوريون : كافة ان لم اقل غالب القطع الاستهلاكية والشبه استهلاكية واحده

حلوه الافلون بس بقلك شي. تويوتا مو زي قبل الان والله القطع نار  دوده حقت الدركسون حقت كامري اشتريتها 2800   كمبروسر 3000 عكوس. 2500

الافالون موتر و2008 افضل من 2007 في الواجهية
والتخشيبة الداخلية
لاكن اذا الموتر نضيف خذة وتوكل على الله
قطع الغيار متوسطه وفية بدائل بدل الوكالة
الموتر طرب ويعطيك في الخط وصبوور جدا جدا

عندي وحدة نفس الشكل بس٢٠٠٦ الحمد لله عمليه قطعها متوفره رخيص تركب اقمشة ومساعدات الكامري الغيوب مافيه اوكس ولامنفذ usb والطاره جلدها يتقشر

اذا نظيفة اشترها اذا ماشيه اكثر من 300 الف ابعد عنها لانها بتحتاج قطع اكثر والقطع غاليه الافالون عملية مافيها كلام بس تطيح في النظيف بتخدمك بتشتري شي مضروب بتكرة نفسك

المشكلة الوحيدة فيها عيب مصنعي بالقير خصوصا 06 و07 

اي سياره نظيفه

انصحك فيها

الافلون من 2005 وحتى 2012 محد يشاور فيها موتر لا يعلى عليه عملية وراحة مراتب وممتازة لكن بقول لك ملاحظة


اولاً اسمح لي على هالسؤال ولا تعتبره تدخل في شؤونك لكن لمصلحتك ، كم ماشيه الافلون وكم حادها عليكم ؟؟؟ هذا اولاً


وثانياً اذا سعرها قريب سعر مواتر موديلات احدث انصحك تطلع للجديد لأن ياخوك بعض الاحيان عمر الموتر يخليه يطلب بعض الاشياء بسبب الزمن حتى لو هو ماشي قليل


خوينا شرى لكزس 430 2003 ماشاء الله مامشى شي 179 الحين ماشي يوم ياخذه اعتقد اقل في هالحدود لكنه بين فترة وفترة يطلب وتهريب ومدري ايش رغم انه نظيف نظيف يوم ياخذه بس الزمن هده ، وهو سواقته هاديه 100 مايتعداها ولا يجفر ولا أي شي


وضحت لك الفكرة ، ما اقول لك الافلون سيئة بالعكس يمكن تصبر صبر ماصبره موتر ثاني غيرها بس اذا مبالغ في سعرها ولا ماشيه لين قالت بس ومنهده اشتر غيرها حديث افضل حتى لو قلت الفئة بس تشتري راحتك


لانها ان طلبت بتدفع فيها وذا اللي بتدفعه في القطع تحطه في سيارة ثانية احسن


بالنسبة لتقييم القطع ماينفع تاخذ كلام رح انت بنفسك وسعر القطع عشان تشوف تناسبك ولا غاليه عليك


وفقك الله

جزاكم الله خير جميعا على الردود. ممشى السيارة 160 الف. و السعر المطلوب حدود ال 35 الف.
الشيء الوحيد اللي مخوفني فيها أسعار قطعها, هل هي مبالغه او قريبه من قطع السيارات الثانيه اللي من فئتها؟

سعرها طيب اذا بودي بلد ومكينه وقير ممتازة
خذ بعض اسعار القطع الي غيرتها وشريتها بنفسي
1/سير مكينه 250 ريال اصلي
2/ فحمات امامي 280 ريال اصلي
3/ فحمات خلفي 220 ريال اصلي
4/ مسامير توازن الواحد 150 ريال اصلي
5/ رمان امامي الحبة 300 ريال اصلي
6/ فلتر زيت مكينه 45 ريال اصلي
7/ فلتر هواء 90 ريال اصلي
8/ فلتر مكيف 160 ريال اصلي
9/ فلتر قير 160 ريال اصلي
10/ بواجي روديوم اصلي عند عبالطيف 400 ريال
انا طلبتها من امريكا اصلي ب210 ريال ووصلت خلال 10 ايام
11/ مساعدات وكالة الامامي الواحد ب550 ريال
انا شريتها من موزع في جدة عدد اثنين امامي الواحد ب210
نوع اخو الوكالة اسمها مساعدات kyb ياباني
يعني مو شرط تاخذ مساعدات وكالة
12 / جلدة عكس داخلية مستعمل 70 ريال اصلي
هاذي القطع شريتها بنفسي والموتر لايفوتك
ممشاة طيب وامورة طيبة وخدوووم جدا ويصبر
وحتى صرفية البنزين مايصرف

الله يجزاك خير يالرفاعي على التفاصيل المهمه. و مشكورين جميعا على المشاركه. 

افالون 2007 ب 35 الف ؟

نعم ب 35 الف. غاليه او حقها؟ 

حقها طبعاً خذها ولا تشاور