أضف سؤال أو موضوع جديد          

والحمدلله نجحت

up 6 down 8
kookoo2014 45
قبل 4 سنه و 5 شهر



السلام عليكم 
صبحكم الله بالخير 

اخيرا يا جماعه نجحت تخيلو من رجب وانا ف نزااع مع المدرسه ذي 
والمشكله لمن رسبت اول مره اعطوني ٣ حصص خلصتها 
واختبرت ورسبت ثاني واعطوني ٥ حصص 
والمشكله الاستقبال يقول كلام والمدربين الي بالميدان كلام ثااني 
الاستقبال قلي رح الحين الصبح خذ خصه واليوم العصر 
وبكره الصباح وكذا خلصت تستنا الاختبار 
المدربين يقولون لا كل يوم حصه وحده بس ونص ساعه 
والله يرفعون الضضضغط 
المهم جا رمضان وانا ماخلصت غير حصه من ال5
وقلت والله مستحيل اطلعها برمضان العسكري رسب النص واكثر اجل ف رمضان محد بينجح 
وصلنا نص رمضان خويي قلي ليش مارحت قلتله ماراح تطلع 
قالي رمضان سهاااالات انا خلصت وبستلمها ٢٣ رمضان 
قلت خلاص بشوف واسطه والله وكيلكم عندي واسطات لكن للاسف الي قالي مشغول والي قال مسافر والي قال .... 
١٠ ايام راحت من شوال بس كذا المهم جا 
خالي قلي جرب الثالثه وصدقني بتنجح ونص ساعه باليوم منت خسران شي !!
وانا ماني مقتنع بكلامه مررررره حاول معي هنا وهناك 
قلت خلاص ياخالي ذي المره عشانك بروح لكن لو رسبت بطلعها من الحناكيه 
قلي جرب جرب وقلت اوكي خلصت ٤ حصص بنفس الاسبوع اخر حصه ١٦ شوال  
واختباري كان بعد ١٠ ايام يعني ٢٦ صحيت الصباح اليوم استغفرالله مالحقت الفجر جماعه 
قلت ياحبيبي ذي بدايتها اجل وش بسوي هناك الله يستر 
ورحت دورت ع تكاسي وصلت المدرسه ٧ و٥ دقايق متاخر ٥ دقايق 
والله القاعه زحححححححممممه كتتتتمه مافي مكيفات نطلع برا العسكري يعصب ويدخلنا ثاني 
ومن حسن حظي خويي واحد ثاني كان معي والصراحة انحرجت قلت ذحين اختبر قدامه لو انا رسبت وهو نجح 
موب حلوه بحقي !!! 
انا اخترت اوتوماتيك لاني مرتين جربت عادي والوضع خيااس 
وهو اخذ عادي لا وكمان متاخر ساعه !!!
انا ملطوع من الساعه ٧ وما زهمني العسكري 
وفجاه زهمني والله ياشباب توتتتر مو طبيعي 
جيت عند التلبيقه لبقتها بس كانت شوي عالخط انا قلت رااسب 
وفي اثنين قدامي واحد نجح واحد رسب ماصدقت العسكري قلي يلا رح عالاكس 
والحمدلله مرت ع خيرررررر 
ودفعت رسوم ١١٠ ريال عشانه تصريح طبعا غير حق الاستقبال ٤٣٥ رياال 
وبس والله اجازتي راحت وانا رايح جي منهم ههههههه
والحمدلله ربي ييسر الامور 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


مبرووك عليك و الله يوفقك يالغالي


up 0 down 0
fowad 122
قبل 4 سنه و 5 شهر



مبروك 
مستعجل حتى ماعرفت انك بتاخذ التصريح الا في الاخير ههههههههه


up 0 down 0
استاذ سلمان 82
قبل 4 سنه و 5 شهر



توني مسددها قبل اسبوع 100 ريال ف الصراف كيف 110


up 0 down 0
ommar7725 204
قبل 4 سنه و 5 شهر



الله يبارك فيك ي فؤاد 
ههههه استاذ سلمان الله يبارك فيك والله من الحرقه 
عمر سددتها كاش انا بيد الموظف وعشان رسوم خدمه كمان ١٠ ريال 


up 0 down 0
kookoo2014 45
قبل 4 سنه و 5 شهر



هي الحين امشي عند كل تفتيش وطفشهم ههههههههههههه


up 0 down 1
loody_23 363
قبل 4 سنه و 5 شهر



احسب انك نجحت في مسابقة وظيفة


up 1 down 1
سلطان لعقار الرياض 1
قبل 4 سنه و 5 شهر



اهم شي تنتبه في السواقة وبلاش من السرعة والتجاوزات واحمد لله عندك سيارة ورخصة تقضي مشاويرك ومشاوير اهلك وربي يحميك


up 3 down 0
العمدة 1434 1188
قبل 4 سنه و 5 شهر



ههههه يوم ماطلعت الرخصة انتظر العسكري يوقفني بس اول كل شوي لبق لبق 


up 1 down 2
benz lover -82
قبل 4 سنه و 5 شهر



الله يوفقك وعقبال الرخصه
نصيحتي لك انتبه السرعه والسواقه المتهوره لاتصيبك دعوة مسلم ولا تكون ممن قال فيهم الرسول صلى الله عليه وسلم ( من آذى المسلمين في طرقاتهم وجبت عليه لعنتهم )


up 1 down 0
fanar1 664
قبل 4 سنه و 5 شهر



المفروض نجحوك البنقالي يجي ولا يعرف يسوق وينجحونه وانت ولد الديرة ماتنجح


up 1 down 1
بريق الرياض 259
قبل 4 سنه و 5 شهر



الحمدلله انا ماحب السرعه ولا التهور ياكثر الحوادث الي شفتها ): 
واهلي مو بايعيني اذا انا مافكرت بنفسي هم يخافون علي اكثر من نفسي
الله يحفظ اهالينا ويحفظهم من كل شر
بريق الرياض
والله يا انه في اجانب اول مره يمسكون طاره بحياتهم يطيح ام العواميد
ويطبح ارصفه وينجح خههههه مدري كيف 

بس عندي سؤال السياره باسم قريبي ومؤمنه اقدر اسوي لها تفويض عشان يشملنني التامين بموقع ابشر ؟؟؟
ولا كيف ياشباب  


up 0 down 2
kookoo2014 45
قبل 4 سنه و 5 شهر