أضف سؤال أو موضوع جديد          

سيارتك والتفتيش ترى الوضع طبيعي

up 37 down 7
أنيق 17573
قبل 9 سنه و 2 شهر



مساكم الله بالخييير جميعا
اليووم قصه وقصيده وإرشادات
أوول ما أستلمت ماركيزي من عمي ياسلام أيام حلوه
المهم صادفت أيام أختبارات
يعني يوم الخميس
ويوم السبت أختبار رباضيات ياكرهي لها هالماده
المهم
تخبرون أنيق إذا لخبط يعني لخبط 100%

المهم
شغلت الماركيز
ومشيت وطربان بالصووت أول مره أركب فورد ههههه
المهم
وأطلع الشارع ويقابلني ذاك التفتييش ههههه أوول تفتيش بحياتي كلها
مامعي لارخصة ولا أستماره ولا إثبات هههههه يعني بسير مرقة ماجي
ويجيني ذاك المغص من الخوف
المهم
من الطفاقة والدلاخه والخوف الزايد جنبت الماركييز ونزلت قبل التفتيش
عشان أنحش ههههه
وأحلى شي أن التفتيش يقابله قصر أفراح (عرس)
قلت أحلى شي منها أهرب من هالتفتيش وأروح أتعشى في القصر عشاء ببلاش وببسي ومفطح ياسلالالام وإذا خلص التفتيش أخذ الموتر واروح البيت
هههههه والله فكره

المهم
بغيت أقطع الشارع عشان أروح القصر
إلا العسكري حق المرور يناديني
ياولد ولد
قلبي طاااح عالرصيف
المهم جاني قال وين موترك قلت وقفته هناك
قال وش فيك هارب معك شي ممنوع ؟ قلت لا بس عشان خفت منكم وجاني مغص بغيت أروح أتعشى بهالقصر !!! هاهاها قال العسكري جيب السياره
وجنب عندي هنا
بغى يوديني التوقيف لكن الله نجاني
كلمت الضابط قلت يرحم والديك عندي اختبار يوم السبوت وأخاف يفوتني اعتقني لوجه الله هههههه قال خلاص لاعاد تعودها

الخلاصة
إذا جاك تفتيش لاترتبك ولا تخاف الامر طبيعي
يا يعطيك قسيمة ولا سامحك
لاتسير زيي جبت الشبهه على نفسي حسبوني مجرم لأني بغيت أهرب مر التفتيش طبيعي




وألفت قصيدة في ماركيزي عساها تعجبكم

:-
كنت أسبح في بحرن كله أسماك
بغيت أغرق بس غسلت ماركيزي بفيري
ياويلي ياماركيزي سويتي خرابات
نظفتي جيوبي وأنا ماتهنيت بالمكافئات
بغيت أرقد ولقيت الزينون شغال
قمت طاير ميتين لجل الغلا رحال
ههههههه وسلامتكم


تحياتي لكم
&أنيق&








إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


خخخخخخخخخخخخ القصيدة مابها قافية ولا وزن


up 0 down 0
kaka90 150
قبل 7 سنه و 10 شهر



وش السالفه،،،،،،


up 0 down 0
jnon_707 435
قبل 7 سنه و 8 شهر