كلمة حق وجب توضيحها

كلامك صحيح وبالمقابل موتر مايسوى ٥٠ اذا فتحت بابه ب ٤٠ كتبتك الاية هذا حراج وانا اخوك ما اعجبتك السومة تخطاها لما تحد الموتر ويجي واحد يتفلسف حقه وقتها يسوي اللي يبي 

صادق ولكن تعودنا في موقع حراج على موضوع البخس
وصارة عادة عند الاغلبية لكن رفع السعر اصبح نشاز والاسعار مكشوفة

اتذكر في رمضان كنت عارض اقلام وكبكات على 10 ريال الحبه
ومحد بموقع حراج او غيره يبيعها بأقل من 35 ريال للحبه
كان عندي تصفية
يراسلوني ناس يقولون نبي ناخذ 10 حبات تحسب لنا ب خمسة ريال
ارد عليهم لو حصلت ناقص عن سعري ريال خذها ببلاش
مافي داعي تحط نفسك في هالموقف

وما زال عندي اعلانات وعارض اشياء بأسعار مميزة ويجون يبخسون


(( رسالتي لهذولا الناس من هنا لأجل لا تبخس سلعة شخص ))

اذا اعجبتك سلعة معينة شيك على سعرها في الموقع والمحلات وقارن السعر
وقتها راح تعرف السعر المناسب للسلعة وفاصل لو حصلت زياده

اما الزبون اللي يسوي حالة فاهم ويحطك انت النصاب

انا عارض هوك اف جي صيني مكتوب علية تايون
وهو بالاصل صيني وعارضة على انه صيني
سعره 300 ريال يجيني يقول لي سعره بالسوق
250 ريال مع التركيب بعطيك جوك ولكن للعلم

سعره (( واصل للسعوديه )) يتجاوز 250 ريال طبعا اتكلم عن الجمله
والكميات اللي ما تقل عن 100 حبه سواء من الصين او من الامارات
وانا صاحب شغلة وعارف الاسعار ماني جديد عليها

كيف سعره بالسوق 250 ريال !!!


وللأمانة فية ناس يستمتع ويحس بالفخر اذا احد لعب علية

او اذا اشترى سلعة بضعف قيمتها 3 مرات ولما تجي توضح له ولا تبيه يخسر

يحطك انت النصاب ويقول لو السلعة اللي عندك اطيب من اللي بالمحل ما صار

الفرق بالسعر حوالي 500 ريال

هذا انا برد عليه هنا ايضا

انا كنت انزل كشافات اف جي بالموقع وابيعها على 300 ريال بدون تركيب
جاني واحد قال محصلها بمحل زينة اصلية مع التركيب ب 1200
قلت له صورها وارسل صورتها مع الاسف لما وراني الصورة حصلتها من اقل
درجات الصيني واقل جودة من اللي عندي بمراحل وينزلونها مندوبين الشركات
للمحلات على 180 ريال للطقم قلت له هذي سعر جملتها 180 ريال واقل درجة من اللي عندي
ووريته الفروقات من ناحية الكلبسات وكرستال اللمبه اقتنع ورجع يقول طيب والسعر
قلت له انا السعر اللي يرضيني حطيتة بمكسب بسيط اللي انت رايح له بيلعب عليك

قال هذا انتم تلموعون لأنفسكم وتبيعون البضاعة الرديئة على انها زينة لو هي زينة
كان صار سعرها غالي

ما اقول الا الله يخلف على اهلك


اعتذر على الاطالة تحمست وجيت كلي ^_^

المشكله هنا اذا سيارتك مثلا اسوى 40 الف انت حديتها ب 35 وراح تشوف السومات كلها تحت 30
اذا حديتها ب 45 تلاقي السوم في حدود 40 و 35 و ذا الشي صار معي كثير

عرضت سيارة وكلمني شخص من مدينة بعيدة وقال لي شريت بسعرك بس انتضرني لين اجيك اسلمك حقك كامل قلت له اوك الي تشوفه لكن اذا كلمني احد وخلص معاي راح تكون من نصيبه لأنك ماارتبط معي بعربون قال طيب والمهم اتصل علي بعدها شخص من نفس مدينتي وقال لي بشوف السيارة وتواعدنا بمكان معين وجاء شاف السيارة وعطيته العيوب والقطع الي تحتاج تغيير قبل لايطلع على طارتها قال شريت بحدك لكن تسويلي هالشغلات على حسابك وتسلمني الموتر جاهز قلت له واحد دفع لي حدي بدون مااصلح له وهذا نقص قيمة القطع يعني هذا دفع لي اقل وشفته جاد وانا انسان عندي دوام والتزامات فخفت ارتبط مع الزبون الي بعيد عن منطقتي فعطيت النية للي قدامي وكان وقتها ليل وقال لي بكرة ان شاء الله نفحصها ونخلص وقلت له ريال ماانزل ومالك غير ولد صالح 

يعني انسان جاك وقلب السيارة وعطاك سعر فأكيد انه عارف سعرها اذا مناسب او لا ويرجع يدق عليك الصباح يصحيك من النوم ويقول معليش بس السعر شوي غالي ويطرح لك خمس الاف ويقول لك هذا سعرها طيب واتفاقنا الي امس والزبون الي فركشت البيعه معاه بسببك 

مااقول الا الله يصبرنا ع البيع والشراء

والله هذا اسمه حراج لو السياره تسوى مليون وجاك واحد وسام بريال مافيها شي كلن يسوم بخراجه وماهو جابرك تبيع بااقل من السعر الي انت محدده في بالك وع فكره فيه ناس في البيع مايهمه السعر اهم شي يبيع وتحصل ناس مثلا سيارته تسوا 100 يبيعها ب 60 الف ولا 70 لانه غير مهتم

ثانيا الموتر النظيف يفرض نفسه وراعي السياره يتحكم بالسعر الي يبيه اما مثلا قرنبع ويبي سعر بسعر النظيف هذا نقول له عد النجوم لكن فيه ناس غشمان يشترون القرابع بسعر عالي

احسن شئ تكرف الموتر لين مايروح ماينعدم بعدها تبيعه تشليح من دون وجع راس يشيلها بالسطه وهي بمكانها لاتعال نتقابل

بالمكان الفلاني ولاشي وبيومها فلوسها بجيبك

وعلى ماينعدم الموتر وتضرب مكينه ويصير مايسوا ريال الا جمعتلك قيمة موترين اصفااااااااااااار

دائما تنزلون الاية ناقصة

اقرؤوها كاملة وتمعنو فيها وبتعرفون وش معنى الاية


يَا قَوْمِ اعْبُدُوا اللَّهَ مَا لَكُم مِّنْ إلَهٍ غَيْرُهُ قَدْ جَاءَتْكُم بَيِّنَةٌ مِّن رَّبِّكُمْ فَأَوْفُوا الكَيْلَ والْمِيزَانَ ولا تَبْخَسُوا النَّاسَ أَشْيَاءَهُمْ ولا تُفْسِدُوا فِي الأَرْضِ بَعْدَ إصْلاحِهَا ذَلِكُمْ خَيْرٌ لَّكُمْ إن كُنتُم مُّؤْمِنِينَ

فيه بعض الحمير حمار فعلا يواعد يومتحنك ولا يجي ويصرفك كنك تشحذه