أضف سؤال أو موضوع جديد          

شرح تغيير بعض اللمبآت الدآخليه للطبلون والأزرآر للهايلوكس

up 28 down 4
haraj-1434 505
قبل 2 سنه و 3 شهر



مسيكم / صبحكم بالخير


يالله حيهم 


كثير منآ يتضآيق لآشآف له لمبه طآفيه او محترقه .. خآصه دآخل طبلون سيآرته


يتوقع إن تغيير اللمبه صعب او فيه صعوبه وتحتآج المسأله تدخل كهربآئي 
وتكآليف قد تكون عآليه

موضوعي اليوم أوضّح فيه بسآطة تغيير بعض اللمبآت بأسهل الطرق وبدون كهربآئيين
وعلى موتري .. بحكم إنه شوي قديم "2008" وعندي ثلآثة أربآع لمبآت الطبلون احترقت 
وغيرتهن بنفسي لأن منظر الطبلون بالليل صآر كئيب صرآحه بدون لمبآت

طبعاً طلبت اللمبآت من الوكآله
وللأسف مآكآنن متوفرآت كلهن بفروع القصيم
اضطريت اطلب بعضهن من جده وبعضهن من برآ المملكه

بتلآحظون إن التصوير تم في اوقآت مختلفه
شي بالنهآر وشي بالليل .. حسب وقت الفضوه 


عآد تحملونآ 

طبعاً اللمبآت اللي تم تغييرهن هن :
* لمبآت فرّارآت المكيّف والهوّايه
* لمبة رآفع وخآفض النور الأمآمي " 2006 - 2015"
* لمبة زر الفليشر و لمبة زر A/C الموجودآت تحت المسجل

نحتآج فقط لـ مفكـ "سكروب" سآلب .. حجم وسط
رآح يكون التعليق والشرح تحت كل صوره بعدة طرق

.
.



بسم الله نبدأ


.
.


الطريقة الأولى :-


تغيير لمبآت فرآرآت المكيّف والهوّايه


أول شي .. هذآ شكل الطبلون الكئيب ولمبآته اللي طآفيه
نحتآج لفكـ ديكور المكيّف والمسجل .. والطريقه كالتآلي 


1-نسحب فرّارآت المكيّف هذي ونشيلهن من الطبلون 
2-نفكـ المسمآر الموجود عند السهم الأحمر "في حآل وجود مسمآر.. "2012 وفوق اظن مآفيه"
بعدين نسحب الديكور سحب بتدخيل الأظآفر بحدود الديكور بالجهآت الموضحه عند الأسهم الصفرآ
3-بعد فكـ الديكور شوي بنلآحظ الفيشين اللي عند السهمين الصفرآ مشبوكه
نفصل الفيشين هذي ونشيل الديكور ونحطه على جنب
4-هذآ جهآز المكيّف .. ويلآحظ بالوسط فيه لمبتين
هذي هي اللمبآت اللي تنوّر فرآرآت المكيف والهوّايه
هذي هي اللمبآت اللي بنغيرهن .. والطريقه كالتآلي


نفكـ جهآز المكيّف من مكآنه .. الجهآز فيه دقّارتين موجوده على جوآنبه
المحدده عند السهم الأحمر .. موجوده يمين ويسآر الجهآز
نضغط عليهآ بالمفكـ ونسحب الجهآز شوي من مكآنه هذآ شكل الجهآز بعد مآفكينآه وسحبنآه شوي من مكآنه
الحين لآزم نفكـ الفرّآر حق الهوآيه اللي فوق جهآز المكيف .. والطريقه كالتآلي


اول شي نحوّل فرّار الهوّايه ونخليه بالمنتصف .. كمآ هو موضّح مع الأسهم الحمرآ
بعدين تبآن عندنآ دقّآرتين .. المحدده عند الاسهم الصفرآ
نضغط على الدقآرتين بالسكروب .. و ندف "ندفع" فرّار الهوّايه لقدآم مثل مآ الأسهم الخضرآ تمشي بالصوره


بنلآحظ فرّار الهوّايه بعد مآندفه بشوي رآح يدقّر "يوقف"
الطريقه الآن .. نحوّل فرّار الهوّايه الى الجهه اليمنى .. كمآ هو موضّح مع الاسهم الحمرآ
بتطلع لكـ نفس الدقآره بس بفتحه ثآنيه تحت الفتحه اللي بالصوره السآبقه .. كمآ هو محدد عند السهم الأصفر
تضغط على الدقآره .. وتدف الهوّايه من عند الجهه اللي عند السهم الأخضر وتمشي مثل مآيمشي السهم
يبقى عليكـ الحين ..تسوي نفس الطريقه مع الجهه الثآنيه
تحوّل فرّار الهوّايه إلى الجهه اليسرى .. وتسوي نفس الطريقه
تضغط الدقآره .. وتدف الهوآيه لقدآم وبكذآ تكون فكيت فرّار الهوّايه كله من جهآز المكيّف

بعد فكـ فرّار الهوّايه من جهآز المكيّف نثني جهآز المكيّف علشآن نشوفه من ورآ .. لين يكون بهالشكل ذآ


بنلآحظ بوسط الجهآز من ورآ .. فيه دآئرتين .. اللي محدده عند السهمين الصفر
هذي هي اللمبتين .. 


5-طريقة الفكـ .. ندور اللمبتين بالسكروب عكس اتجآه دورآن عقآرب السآعه
ندورهن أقل من ربع دوره فقط وتنفكـ اللمبتين وفكينآ اللمبتين من مكآنهن


6-نجيب اللمبتين الجدد .. هذآ شكل اللمبه الوحده وهذآ رقم القطعه حقهن و
ركبنآ اللمبآت وجآء وقت نجرّب نشغلهن علشآن نتأكد إن الوضع لحد الآن في السليم


7-نرجّع فرّار الهوّايه لمكآنه كمآ كآن .. ندخله بمكآنه فوق جهآز المكيف بعد تثبيت فرّار الهوّايه بمكآنه .. نرجّع جهآز المكيّف لمكآنه ونرجّع ديكور المكيّف والمسجل .. ومآننسى نشبكـ الفيشين بامكآنهم
رجعنآ الديكور لمكآنه وبقي نركب المسمآر "في حآل وجود مسمآر"
ونركّب فرآرآت المكيّف بامآكنهن الشكل النهآئي بعد تغيير اللمبتين


الطريقة الثانية :-


* تغيير لمبة رآفع وخآفض النور الأمآمي " 2006 - 2015 ''


1-هذآ شكل رآفع وخآفض الأنوآر اللي محترقه لمبته 
2-نشوف ديكور الأزرآر اللي يسآر الدركسون .. اللي هو معهن
3-نفكـ أي غطآ من الغطيآن الفآضيه اللي مآبهن زر
4-نسحب ديكور الأزرآر من فتحآت الأزرآر الفآضيه ونطلّع الديكور من مكآنه
5-من ورآ الديكور اللي فكينآه .. نطلع رآفع وخآفض الأنوآر من مكآنه 
بدون مآنفصل فيشه .. نفس مآهو موضح
6-نفكـ الغطآ اللي على الرآفع والخآفض وبنلآحظ بعد فك الغطآ يمين الرآفع والخآفض فيه دآئره .. اللي محدده عند السهم الأصفر
هذي هي اللمبه .. نفك اللمبه وبنفس طريقة فكـ لمبة فرآرآت المكيّف
أقل من ربع لفه .. باتجآه عكس دورآن عقآرب السآعه
7-فكينآ اللمبه ونجيب اللمبه الجديده ونركبهآ .. هذآ شكلهآ ورقم القطعه
8-الشكل النهآئي لرآفع وخآفض الأنوآر بعد تغيير اللمبه المحروقه

الطريقة الثالثة والأخيرة :-


* تغيير لمبة زر الفليشر ولمبة A/C مثل مآتلآحظون زر الفليشر وزر A/C لمبآتهن محترقه 


1-نفكـ ديكور المكيّف والمسجل .. وبنلآحظ من ورآ الديكور فيه مسآمير تمسك الزرين 
المحدده عند الاسهم الصفرآ .. نفك كل المسآمير ونطلّع الزرين من الديكور

2-هذولي الزرين .. نفك منهن الديكور الأسود اللي عليهن
كل زر فيه دقآرتين يمين ويسآر عند الاسهم الصفرآ
نضغط عليهم .. وندف الديكور الاسود حقهن باتجآه الاسهم الخضرآ

3-بنلآحظ لمبة زر A/C موجوده فوق ولمبة زر الفليشر موجوده تحت "زر الفليشر مقلوب بالصوره لتوضيح مكآن اللمبه "
نفكـ اللمبآت زي مآفكينآ اللمبآت السآبقه .. ونركّب اللمبآت الجديده

4-هذي اللمبآت الخآصه بكل زر .. مع ارقآم القطع
نركبهن ونرجع كل شي لمكآنه 

5-الشكل النهآئي بعد تغيير اللمبآت المحترقه



وصلنآ لنهآية الموضوع




إن شآ الله يكون بسيط وأفآدكم ونآل رضآكم




بالنسبه لأسعآر اللمبآت :




* لمبآت فرّارآت المكيّف والهوّايه = 23 ريآل × 2 حبه = 46 ريآل
* لمبة رآفع وخآفض النور الأمآمي = 15 ريآل
* لمبة زر الفليشرآت = 11 ريآل
* لمبة زر A/C للمكيّف = 19 ريآل




تركب جميع اللمبآت على اي موديل من 2006 إلى 2015




ملحوظة بسيطه بخصوص لمبة زر A/C الوكآله والموزعين مآعندهم بالسستم إن زر A/C له لمبه
علشآن هالشي للي بيطلب اللمبه .. يطلبهآ برقم القطعه اللي موضّح بالصوره فوق
او يطلبهآ بمسمى لمبة زر REAR COOL حق تشغيل المكيّف الخلفي حق الفورتشنر
لأنهآ نفس اللمبه .. بس زر REAR COOL يجي لمبتين .. انت اطلب لمبة وحده بس للــ A/C  


ورجعنا الهايلوكس وكالة وشكراً لمتابعتكم




















































إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يعطيك العافية مجهود رائع وشرح واضح وبالتوفيق


up 1 down 0
tnt13 12
قبل 2 سنه و 3 شهر



شغلك نظيفة ما شاء الله تبارك
انا كنت اصلح بعض خرابات السيارة بنفسي
لكن كل ما جيت اصلح شيء كسرته ولا خربت الشغلة كلها
بعدين هونت صرت ما اصلح الا عند الورش


up 6 down 0
ghost1 577
قبل 2 سنه و 3 شهر



اكره شي عندي اشوف لمبة ديكور محروقة 

شغل جبار اهنيك +١


up 1 down 0
benz lover -82
قبل 2 سنه و 3 شهر



انت صراحة مثلي اي شيء بالسياره تغير اروح ارجع اسويه توقعت بس انا


up 1 down 0
يزيد الشمالي1 57
قبل 2 سنه و 3 شهر



كمل سيارتك بشاشه تطلع اجمل ، يعطيك العافيه عالشرح


up 1 down 0
يزيد الشمالي1 57
قبل 2 سنه و 3 شهر



ماشاء اللَّه عليك .
ممتاز +1


up 1 down 0
ابومشعل2010 153
قبل 2 سنه و 3 شهر



شغل تمام لكن لو حطيت لمبات led بيضا او زرقا تطلع اقوى و اجمل


up 1 down 0
mb 320 192
قبل 2 سنه و 3 شهر



موضوع ممتاز وتشكر عليه , لكن كان ودي تكتب انه منقول من موقع تويوتا .


up 2 down 1
ابو سعود629 4656
قبل 2 سنه و 3 شهر



فعلا اللليد اجمل واقوى ولا فيها ضعف من جهه تغطي كامل الزر بس تأكد انها تشتغل قبل ماترجع الديكور

وترجع تفك


up 1 down 0
300
قبل 2 سنه و 3 شهر



ياليت تحط المصدر
http://www.toyota4arab.com/forum/t291296.html
ويعطيك العافيه


up 1 down 0
saus 19
قبل 2 سنه و 3 شهر



ما شاء الله
سؤالي هو هل اقدر استبدل فرارات المكيف حق 2008 بفرارات موديل 2012 مثلا


up 0 down 0
الخوجلي 103
قبل سنه و 3 شهر