أضف سؤال أو موضوع جديد          

كثرة المحتالين...و بعض النصائح للوقايه منهم

up 31 down 3
المسلم اخو المسلم 417
قبل 4 سنه و 8 شهر



السلام عليكم ورحمة الله وبركاته




الاخوة الكرام.




مايكاد يمر يوم ادخل فيه موقع حراج الا واجد شخص منزل اعلان
يشتكي فيه من نصب احد الاشخاص عليه..وسرقة امواله بعد تحويلها له




والإدارة ماقصرت وضعت قائمة باسماء من يتبين احتياله..(القائمة السوداء)




ولكن ليس حل للمشكلة..لانه بيرجع باسم اخر




والملاحظ ان اغلب عمليات النصب تكون في
 الأجهزة الالكترونية+التعقيب!




وهذي بعض النصايح، لعلكم تؤيدوني فيها وتعطونا الي عندكم




اولا:كيف تعرف المحتال:-




1-من خلال تاريخ عضويته....اغلب المحتالين تجده مسجل بعضوية جديدة لان القديمة انفضح فيها او انها دخلت القائمة السوداء




2-من خلال مواضيعه....فالمحتال نادرا ماتجد لديه مواضيع بيع كثيره.




3- من خلال سعر السلعة المعروضه!...اذا وجدت سعر السلعه مغري جدا اعلم ان هناك احتمال كبير لعملية نصب
وحتى تتأكد اكثر طبق الملاحظتين السابقة(رقم2-1)
واغلب من تم النصب عليهم بسبب اغترارهم بالسعر
واحد عارض بلاستيشن بتراب الفلوس والاخر ايفون








ثانيا:نصائح لتجنب المحتالين:




1- اذا كنت شاك في المعلن وكانت السلعه المعروضه موجوده في مدينتك، والدعوه فرق بسيط بالسعر..فالافصل تركها.
من باب حديث المصطفى صلى الله عليه وسلم(دع مايريبك الى مالا يريبك).




2- استخدم بعض الحيل للكشف الفوري عن المحتال ومن امثلتها(ليس شرط ان تكون ناجحه تماما):-




أ- قله برسلك واحد يستلمها منك يد بيد...فالمحتال في الغالب يتهرب واستمر معه بعض الوقت
او اسأله ارسلك واحد قريب منك ولا تشحنها لي...فاذا اختار الصعب(الشحن) ع السهل فحذر..ربما تكون هناك عملية نصب




ب- خله يصور لك السلعه فيديو مثلا بلاستيشن يصوره لك من كل الجهات.
وحاول ان يكون هذا الطلب اخر الليل اذا كان متصل وبعد سؤاله عن كان بجوار السلعه




3- لاتجعل حلفه بالله دليل صدقه..فهؤلاء لاذمهة لهم.




اخيرا:رسالة للمسؤولين عن جرائم تقنية المعلومات
هم يعلمون ان نسبة كبيرة من الشعب يتعاملون بالشراء من المواقع ..واخص المواقع السعوية مثل حراج




فلماذا لاتكون هناك آلية لمن تمت سرقته
ورد حقه...وتجريم المتهم وانزال العقوبه به
فهم والله لم ينتشروا الا من علمهم بعدم وجود العقوبة
وان وجدت فطريقة الشكوى معقدة لعدم وجود آليه واضحه لها نمشي عليها.




والبعض يقول تشتكي على400 ريال!!
المقصد السارق لانه بيستمر دامه في آمان!








تمت كتابة الوضوع:-
من باب قوله تعالى(وتعانوا على البر والتقوى)
وحديث المصطفى صلى الله عليه وسلم
(مَثَلُ المؤمنين في تَوَادِّهم وتراحُمهم وتعاطُفهم: 
مثلُ الجسد، إِذا اشتكى منه عضو: تَدَاعَى له سائرُ الجسد بالسَّهَرِ والحُمِّى)




الموضوع يحتاج ارائكم ومقترحاتكم
أسأل الله ان يحفظ الجميع بحفظه
وان يجعل الذله والفضيحه ع من اراد المسلمين بسوء
في انفسهم او ديارهم




وصل الله ع نبينا محمد وع آله وصحبه اجمعين







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


موضوع ممتاز كثير من عملائي يخافون قبل لا يحولون الفلوس يقولون افرض سحبت علينا اقولهم هذا اللوكيشن ارسلي اي احد تبيه ماعندك مشكلة يطمنون مباشرة 


up 4 down 1
benz lover -77
قبل 4 سنه و 8 شهر



في موقع حراج يبغالك تتأكد انا عندي واحد حولتله فلوس... مبلغ مايستاهل البهذلة..
من رمضان ساحب لايرد على جوال... وفي الواتس يقول مشغول.. ارسلت للموقع وجاتني رسالة في الخاص من مشرف في الموقع تواصلت معاه... احر ماعندك ابرد ماعنده! لاقفلو عضويته ولاشي والمشكلة إن هذا النصاب كذا واحد حوله فلوس ومقفل الردود ماعرفت الابعدين لما شفت واحد مسوي إعلان عنه انه قد تخوزق منه... طيب وين إدارة موقع حراج..
لاحياة لمن تنادي.. الله يكفينا واياكم شرهم


up 3 down 0
ابو محمد 4723 126
قبل 4 سنه و 8 شهر



المشكله من الادارة نايمه المفروض صاحب الموقع يحط انظمه بدال مايطور شكل الموقع ع الفاضي
لازم يحط نظام


up 1 down 1
fowad 123
قبل 4 سنه و 8 شهر



وتذكر قوله تعالى : ( وَلا تُطِعْ كُلَّ حَلافٍ مَهِينٍ ) الله عز وجل امرك
وحتى بعضهم تشتري منه ويقعد يتاخر او شيء
واهم شيء يعرض لك اكثر من صورة تراها ما هي صعبة
بعضضهم يعرض سيارته مثلا ويصورها ثلاثث صور؟؟
ماادري ليه المفروض اقل شيء 5 ومن الداخل بعد
والله ياما نصحنا ونبهنا وحذرنا
ان شاء الله لو واحد يستفيد


up 2 down 0
صوت العزاوي 523
قبل 4 سنه و 8 شهر



تعاملنا كثير مع الموقع وعندنا عملاء ولله الحمد لديهم الثقة الكاملة بعمليات الشراء معي لكن انا استغرب من الناس الي يستقبل حوالات ومبالغ ويقفل جواله لا ويرجع ينزل اعلانات هذا يبغاله شنق بدون محاكمة

والله مبلغ صغير يجيني في الحساب من عميل اني اشيل هم واقلق متى انجز له بأسرع وقت لأني اعرف ان حتى هو قلقان ايش قلوبهم هذول يقفلو الجوالات وقلة حياء كيف ينام وكيف يرتاح يخرج ويجلس مع الناس ويصلي وهو حرامي وهو عارف نفسه ومستحقرها والله الدنيا ماتسوى تنهب وتاكل حق الناس 

انا قرأت عن معلومة تفاجأت منها وماتوقعت ان الدنيا صعبة لهذي الدرجة وان لكل شي ثمن 

لو شخص اكل اهله حرام هل تعلم انه يغلي في بطونهم وهو السبب 

طيب لو سألت هم مالهم ذنب والجواب ان هذا الشخص جنى عليهم وكسبهم من الذنوب مالا يطيقون بدون علم


up 2 down 0
عربة للسيارات 1665
قبل 4 سنه و 8 شهر



موضوع مميز

+1


up 0 down 0
معالم التقنية 144
قبل 4 سنه و 8 شهر



إللهم صل على محمد 
موضوع مميز وكفيت وفيت
ولو صاحب الموقع يحط له مندوب بكل مدينه
وله نسبة من العمولة 
هاالمندوب شغلته يستلم سواء جهاز او يفحص سيارة
حسب مافهمت ان موقع حراج مدخولة باالملايين 
وباالتوفيق


up 0 down 0
باترول 2020 2624
قبل 4 سنه و 8 شهر



اعتقد موضوع ربط ارقام الجوالات بالبصمة وتطبيقها فعليا بعد يومين راح يحد من عمليات النصب، لأنه بيصير كل واحد جواله بإسمه وتجيبه بالراحة لو سحب عليك


up 1 down 0
الحويزي1 1128
قبل 4 سنه و 8 شهر



والله يا أخي الكريم بالنسبة للنصابين هذا بينه وبين ربه

البيع ذمة وضمير وربك ما راح يحلل لك الريال اللي تاخذه حرام والمصيبة انك تكون على دراية انه حرام ونصب واحتيال

لكن حسبنا الله ونعم الوكيل


up 1 down 0
الاحترافي 1437
قبل 4 سنه و 8 شهر



بالنسبة لي اشتري من المحلات يداً بيد والمواقع مستغني عنها 


up 0 down 0
استاذ سلمان 82
قبل 4 سنه و 8 شهر



في رمضان لقيت ايفون  64G قيقا عارضه ب900 اتصلت عليه 
وما يمداني اخذ واعطي معاه الا قال حولي الفلوس على الصرافه سلامات قلت له 
كيف احول وانا حتى ما اعرف اسمك قالي كلمني واتس وكلمته واتس
وصرف لي اسمك من الرخيص قلت له عشان اضمن حقي خل موقع
سوق اللي بيننا انت حط اعلان وانا بشتريه يصير انا اتعامل مع الشركه<<<(هذي مهي دعايه للموقع)
والمهم بعد ذا الكلام كل ما اكلمه يقول ابشر بحط اعلان ومن رمضان ليومكم هذا
ما حط اعلان ولا كلمني وسلامتكم"-


up 0 down 0
v8..... 61
قبل 4 سنه و 8 شهر



انا ما انصح احد يشتري سلعه وهو في مدينه ثانيه لان غالبًا تكون نصب

الافضل تستلمها يد بيد وتفحصها وتعطيه فلوسه كاش

اما بخصوص المعقبين فيه موقع اتوقع اسمه معقبين العرب او اتحاد المعقبين هذا نظامهم ربط بينك وبين المعقب

تحول الفلوس عليهم وماراح يعطونه الا لما يخلص شغلتك

وبالاول والاخير الله يحمينا


up 1 down 0
راعي الفرررت 91
قبل 4 سنه و 8 شهر



صاحب الموقع جنى من الموقع منذ افتتاحه 600 مليون ريال 
الله يزيده اضعاف ما جاه 
لكن صراحة هو تارك الدرعى ترعى لا بد من تغيير نظام الموقع بالكامل 
النصب و النهب صار شي طبيعي جدا عندنا في السعودية 
و لا حولك احد و لو رحت تشتكي لقيت تطفيش و تعقيد و ضياع وقت و تهون وقتها


up 0 down 0
rraammooss 965
قبل 4 سنه و 8 شهر



الادارة محذرة من تحويل الاموال يعني مشكلتك ما تفهم


up 0 down 0
mfh2009 364
قبل 4 سنه و 8 شهر