آفيدوني عن محلات التآجير

شوف بدجت وذيب والمفتاح ذولي ماعليهم غبار وما يختلف عليهم إثنين وما يغثونك مثل المكاتب الصغيرة بالنسبة للاسعار حسب موديل ونوع السيارة 

جربت بدجت وذيب في رمضان سعرهم للشهر فوق 2000
وبعد الخصم  يادوب تصل ١٩٠٠  ، 
المفتاح دقيت عليهم عندهم عضوية فضية
من ثاني مرة  تستاجر من عندهم
فيه خصم وبعد الخصم ١٨٠٠
وودي بارخص 

كورولا ب١٨٠٠ ما اعتقد تحصل شي كويس
انا اذكر لقيتها ب١٨٠٠ قبل سنه بس موديل ٢٠١٣ مجلووووووده
والله ما كملت معي كم ساعه ورجعتها
الشركات الكبيره مثل الوفاق وذيب تحصل عندهم نظيف بس يرفعون السعر شوي

الشركات الكبيره بتحصل شي نظيف لكن غالي
المكاتب الصغيره بتحصل رخيص جداً لكن مكروف، وفيه مكتب حط اعلان يارس الشهر ١٣٠٠
يوم جيت اخذها كانت كارثه .. لمبة المكينه والعه والمكيف خربان وقير عادي والمكينه الظاهر مضروبه وتنفض
تعوذت من ابليس وخذت صني ٢٠١٥ ب١٦٠٠ اظن او ١٨٠٠ ناسي والله ..

بالتوفيق واحرص على تصوير السياره قبل تاخذها علشان ما يوهقونك بحكة فيها 

جزاك الله خير يبو عمر ، على قولك نزلت جدة الرخيصة دمار