بكره ماسك خط 1300كيلو

شيك ع الكفرات واذا محتاجة تغيير زيت مع الفلتر غيره وتوكل على الله

طيب الخط فيه عج؟؟

شيك عليها بنفسك مايبلها شئ
1شيك على مويه الرديتر اذا ناقص زيدها

2شيك على مويه المساحات

3غير الزيت المكينه لو محتاج تغيير

4شيك على الكفرات وملحقاتها والاسبير

5حط تغبيره على السياره او عازل

6ظلل القزاز الامامي من برا 00 عشان ﻻيرمل من الخط

7دق سلف وتوكل على الله

بس انتبه من ساهر عادة عند الكوبري و المدن

العج محد يدري حسب ظروف الاحوال الجوية

من الطائف لحد حصاة قحطان او بعدها تقريبا يبداء ساهر
يعني تقريبا 500 كيلو بدون الساهر المهم من حصاة قحطان او القويعيه قبلها يبداء ساهر

شويخ مالك لو ساهر يبدأ من بعد محطة البراك بعد نقطة تفتيش حلبان ب 32 كيلو .

اذا بتمشي بالنهار فيه طريق الرين من بيشة الى الرياض مختصر سيد واحد مشكلته مافيه خدمات وخطير بعارين بس بالنهار ممتاز ومختصر جدا ولايوجد فيه ساهر .

بالنسبة للسيارة شيك على هواء الاطارات وعلى الزيوت وموية الرديتر والاسبير وزبط ثلاجه قهوه وثلاجه شاي وتوكل على الله ولاتنسى دعاء السفر وتوصل بالسلامه ان شاء الله .

اولا ماشاء الله تبارك الله سيارتك مايحتاج لها فحص دق سلف ومشي 'شكلك ماجرب تسافر بكرسيدا بدون مكيف وممشاه ٥٠٠الف'توصل بسلامه

هذي أهم الاشياء والباقي الاخوان ما قصروا :
غير زيت المكينة مع فلتر ، تأكد من موية الرديتر ، شيك على السير ، شيك على الكفرات لا يكون فيها مسمار وانت ما تدري عنه.

وتوصل بالسلامة ،،

والله ياخوك ماسافرت بس معروف هالفتره شهر 6 ونص 7 ميلادي هذا وقت العج لان الجو ناشف والرمل يدور نسمة هوا مثل مايقولوا ومهما كان الجوو صافي لابد يجيك ترميل

خفيف ولو اسفل الصدام بالنهار تحديدا

وسفر الليل بهالفتره اشوفه طيب ومافيه عج الا ان كان في ظلم هذي عج ليل نهار الله يكفينا الشر ههههه

شكرا لكم جميعا 

خذ ماطور هوا منفاخ من باب الاحتياط واجب وفيه رقعة تنباع في محلات الزينة خليها في السيارة احتياط

اهم شي خل معك صرف فلوس لاتعتمد على الصرافات الي بالمحطات
وتاكد من كفراتك والاستبنه وعدة البنشر لان الوقت ذا حر يصلخ الكفرات
والله يوصلك بالسلامه

التشيكات ذكروها اللي قبلي
لكن فيه شي اللمبات بالذات لمبة الفرامل لاتنساها
والاسبير لاتنساه
وخويك رفيقك يمينك سلاحك لاتنساه
الطريق لاخدمات ولامحطات ولاعليه مدن مقطعه
عب بنزينك وكل محطه توقف عندها عب لاتأجل لقدام ثم ماتلقى محاط
الساهر على خبري والله يرحم ضعفي إنه قبل الرياض ب 300 كيلو من حلبان وانت رايح للرياض يبدأ يشتغل
لاتمشي بالليل ترا الليل ماله خوي ولاتنسى تركب عازل خصوصا ان موترك جديد
والله يستر عليك من يوم تمشي لين توقع

خط الطايف / الرياض
من أفضل الخطوط و أجملها
بالذات إذا كانت الرحلة عائلية ..
خط ٩٩٪‏ سيده و ما منه خوف .. بإستثناء ساهر
الخدمات متوفرة فيه كل ٣٠ كم تقريباً ..
الخط منعطفاته و تحويلاته محدودة جداً ..
الأفضل لك :
- تشيك على الكفرات و إذا فيه كفر محبل غيره ولا تناقش لأن الخط بعض الجزئيات معدومة من التريلات
- إذا الزيت ماشي ٢٠٠٠ أو أقل لا تغيره الا لين توصل
- الخط نادراً ما تلقى فيه سافي و عج لكن للإحتياط غبر الوجهية
- افحص موية الرديتر و شيك عليها
و توصل بالسلامة ان شاء الله

توي جاي مع الخط أمس واول مره اجيه الخط حليو
اما بالنسبة للسافي والعج انصحك ياتركب عازل وجهية او تفصل برقع مثلي وظلل القزاز الامامي زيرو زيرو من برا عشان لاينعدم لو فيها عج

توصل بالسلامة

انتبه انتبه من السرعة وانا اخوك