وين ألاقي أرخص معرض يبيع أفالون ستاندر في الرياض

عندك هاجد بن وزير بالنسيم أخبر أسعاره زينة لكن ماأدري هل هو الأرخص أو لا
وفيه الفلاح بالنسيم أيضا
المعرضين ذولي أكبر موزعين تويوتا بالنسيم

١٤و١٥ مابينهم فرق أبد
١٦ فيه تغير بالواجهة و الجنوط

عماد الدين ارخص واحد 

قيمتها بمعرض عماد الدين 110 الاف ريال وهذي السياره خش عالرابط

https://youtu.be/hxVApLwJHdk

جزاكم الله خير
اذا مافيه ذاك الفرق الكبير على كذا آخذ 2015 او 2014 لاني سمعت ان سعرها اقل من الميه
اوفر لي 10 او 15 الف وهي نفس السيارة من الداخل والخارج
فهل أحد عنده علم عن معرض يبيعها بسعر أقل
لاني اعتقد اني قريت احد الردود ان 2013 اصفار كانو يبيعونها ب 92 لكن نسيت اسأله عند أي معرض

والله ان أنها اطيب من الكامري والفرق في السعر قليل واطيب عندي من التورس والازيرا لكن تويوتا متمسكين في اسعارهم
اذا كان الخليجي يبيعونه هنا 16 ب 110 على كذا كم يجيبونها من الخليج وانتو عارفين تجارنا مايشبعهم المكسب القليل
ياليت يكون فيه وسطاء يستوردون لنا من الخليج وياخذون عمولتهم ونفتك من تجارنا وجشعهم
ولو باروح انا الخليج الفرق في السعر بيكون تذاكر وسكن وتعب مااستفدت شي

على فكره ردي السابق انا مااقارن الكامري بالافالون لكن اقارنها سعريا
لان الفل كامل كامري جلد وبصمة توصل 90 بينما الافالون ستاندر حول المية وهي سته سلندر وفيها 12 ايرباق وكرسي السواق كهرباء والمقاعد جلد وتكييف خلفي وش ابي أكثر من كذا

اذا نويت تشتري أفالون فأفضل حل تأخذ لفة على المعارض الشفا والنسيم وتشوف الأسعار
أنا شريت نفس الأفالون ولفيت المعارض وحصلتها بسعر مناسب
وعلى فكرة ترى تقدر تكاسرهم في السعر وماعليك من السعر اللي يعطيك يعني يمكن ينزل ألفين من القيمة وتكون شاملة رسوم نقل وتأمين ضد الغير

اسعار اقل فئة ب106....وهذا علان يبيعها ب107

14379111

والي بعدها الي تورننق..ب115 واشوفها افضل..جنوط..وتشغيل عن بعد..فتحة..وكميرا...يعني فرق يستاهل

اخوي متاكد الافالون استاندر 12 ايرباق هذي مرسيدس ماسوتها بالاستاندر

الفل والاستاندر نفس عدد الايرباقات بس ماادري كم عددها بالضبط يمكن ٨ 

الافالون 10 ايرباقات، 2امامية 2للركبة 2للمراتب الامامية و2للمراتب الخلفية وايرباقات ستائرية 1لجهة اليمين و1 لليسار، بعض الاعلانات يكتب لك 12 لانه فيها 12 كتابة للايرباق، ارباق الستارة الجنب اليمين فيها كتابتين لكن تحسب واحدة واليسار كذلك