هاوي بر و محتار بين لاند كروز و شاص

ما يبيلها واضحه اف جي يا طويل العمر بتحصل النظيف بالمبلغ اللي معك

اذا جيب مخصص للبر مالك غير ربع تويوتا او ربع نيسان او كروزر 

اف جي ثقيل بالنفوذ ماهو مثل الي ذكرتها لك

إذا ماعندك حلال أنصحك تستبعد الشاص 

ماتطلع للبر بروحك وانت جديد على البران بتتوهق نصيحة اخ خل احد يخاويك افضل 

عليك ب FJ وابعد عن اللاند 2007 مكروف واسعاره فوق طايره 

باترول فتك       

الرجل محتار بين سيارتين  يا جيب لاند او شاص وش جاب الافجي والباترول

اذا انت مامعك عائله فانا اشوف الشاص يفي بالغرض وفق الله الجميع

شوف يالغالي مادامك جديد على نفود وطعوس شوف واحد يعلمك كيف ترقى طعوس فيه بعض طعوس متحرك وبعضها على راس اطعس يجيك مشطوف ويقاله سيف واغلب اصحاب لخبره يتجنبونه وعندك حرك لومعك افضل الاجيوب ولا تعرف تسوق طبعا لكل يعرف يسوق فالخط ولكن نفود له طريقه مختلف راح تعرز اذا معك مرض سكر او قلب لا ترورح لحالك اذا جيت نفود باليل امشى مع اكثر اثر ماشي عليه اسيارات ليه لانه اغلب اصحاب لحلال يبعدون عنه واذا جاك الاعجاج الاتمشي لين يخف لاتدخل واجد داخل نفود يعني خلك من خمس كيلو عشر باكثير اما اذا بتروح اكثر مره لزوم مجموعه من سيارات لاسمح الله الاخوياك معك عندك الاخفاس اذا وقعت فيه يالله وبالقوه يطلعه اما من ناحيه الاجيوب ربع فتك قوه٤٨٠٠ربع تويوتا٤٥٠٠اشاص مشكلته يعلق بطنه بكثر بحكم صول شاصي ولاتنسي جهاز الاكنود عليه مخالفه اذا انت بوسط المدينه بس فك الانتل وموفق خير  

إذا هالموترين فقط الشاص اقل اعطال ومشاكل من الاند خصوصآ ال2007 مكروووووف كرف

والــ70 اتوقع تجيب لك موديل 2012-2013 وحاول تأخذ 8 ريش اخف مطب

لكن إذا تبي رأي دورلك** اف جي او فورتنشر او فتك ربع ** اريح واقوى عزم

عن تجربة بموتري
والله اني ابلش بالعزبه والخيمه واختصر اشياء واجد لاجل اكشت
لكن لو موترك صندوق تحمل اللي تبي لو تبي تروح للربع الخالي ماعندك مشكله

لكن كل شئ له ضريبه
الصندوق يحرمك من الاخوياء والمراتب تحرمك من شيل الاغراض انت تحدد وضعك اللي تشوفه
اما بالنسبه لوضع السياره انت من يحددها لا تتبع الناس مااحد بيخسر الا انت

مادام انك حاصر الاخيارات بين شاص ولاند انصحك في الاند افضل من شاص اريح واوسع وقل صرفيه بانزين ودور vxr قير عايدي v8 اما شاص قاسي يبي يتعبك