ماهو الأفضل باترول أو لاندكروزر ؟

من ناحية القوة الباترول
اما من ناحية الصبر والتحمل الاندكروز ولا يهربد بسرعه

الفتك سيارة قديمة خصوصا" من داخل
تحس الزمن وقف معك من 2003
اللاند 2016 افضل داخلية و صرفية
و القوة ما في ذاك الفرق
280 HP للباترول و 270 للهدد
هذا كانك ناوي تشتري جديد

الاند كروزر افضل من كل النواحي

الفتك افضل من ناحية قوة العضلات والمحركات بفرررق كبير

الاند افضل بالعزل وجودة الديكورات وشكل جديد

لكن بقيمة الاند تقدر تأخذ باترول بطل الدروب افضل من الاثنين راحة-عزم -رساوة-عزل-فخامة

الرجال يبيه قير عادي حق بر و مطامر
حرام ياخذ باترول SE

^^^
الباترول ينفع مطامر وكل شيء عند اخوي 400 حصان من ال2011 وكشتات ومطامر وكرف والموتر ماشاءالله
ان بغيت بر او طريق كلها بطل فيها على اسمه بطل الدروب
فيه نوع XE يجي قير عادي والداخلية رصاصي ومكيفين وثلاجه
بس مدري هل ال2016 جاء فيه قير عادي ولا على العموم الاوتو الان بسيارات الدفع الرباعي قوي ويؤدي الغرض

شف كل واحد فيه ميزه عن الثاني مثل باترول النشاط الخفه قوة دبل وعيبه كل شوي تبي تربط فيه وتشوف جلده وتحمل الصوات اما لاند صبور مايتفكك صرفة افضل من الباترول عيوبة ثيقل سواقته وراحه لك عليها انت شف اي واحد تتحمل عيوبة 

اما خوينا اللي يمدح بطل دروب ويقول طامر فيه ماعندك سالفة افضل شي صنعوة نيسان 97 وا vtc اما غيرة لا دور بترول وشف اهل الطرد وراعين الكشتات وش يستخدمون vtc اما جديد وقفه في الكراج ولحفه اخو يوكن  

والله ودي بالتماتيك لكن اخاف مايتحمل رجال حق هبقات طلوع ونزول عقيب جبال كل شيء ما يوقف مره سيارتي في المدينه وخارجها وابغى شيء يدق كان معي لاند ٩٧ مشا ٤٠٠ ماطلب شيء سوا الزيوت والفحمات ( القطع الاستهلاكيه ) ولايوقف وماشاء الله 

والله اللي ماعندك سالفة انت واسلوبك المعفن اللي مثلك

تختلف معي بشيء ناقش وعرف تحترم الناس يامعفن عشان يحترمونك

نعرف السيارات يادادا مايحتاج تعلمنا اقرأ ردي الاول وافهم يا....

ياخوان المنتدى كل واحد له رائي المفروض نحترم اراائ بعض مو يعني الي يخالف رائي ما يفهم كل واحد له وجهة نظر اهم شي الاحترام وحنا في شهر فضيل

إلي يبي يشري سياره يقارنها ببعض:
1-الوكيل أهم شي وقطع الغيار.2-المزيا الداخليه والخارجيه.3-السعرعند بيع السياره.3-قوة المحرك بين السيارتين ونضام التعليق
نسبة إستهلاك الوقود.
هذي وجهت نضري ولاتشاور أحد نهائ لانه كل واحد يقول خذلاند عشان معه لاند خذباترول لأن معه باترول وتوجع راسك على
غير فايده.وشكرا