صيانه 40الف للهايلكس عند بترومين

اول حاجه الله يعطيك خيرها ويكفيك شرها
شي ثاني لاتغير شي بدري ع كل هالكلام
نصيحه مني لك غير زيت مكينه وفلتر فقط 
ولاتغير زيت الدفرنس 
موترك ماشاء الله جديد ميحتاج شي 
بس شيك ع الفلتر وبس 
تقبل مروري

زيت الدفرنس مايتغير واذا القير عايدي مايتغير زيت القير معايا فتك ماشي 267 الف ولا غيرت زيت دفرنس ولا قير

ولد زيت الدفرنس والقير. لا تقربه ابد. عندنا ددسن 92 الئ يومك هذا الدفرنس ماغيرنا زيته
ومع اخوي هايلوكس 2012. ما عمره قرب من زيت الدفرنس والقير 


وهو راعي. قنص. وطرد. والدعسه علئ الاخر

كم كيلو بالظبط لازم تمشيه عشان تغير زيت القير
ما اعرفه بالضبط ، الوكالة تساعدك ، قل لهم اغير زيت القير ع كم بضبط
الي اعرفه انو اذا تعديت المسافه الي المفروض تغيره فيها و ماغيرت
خلاص لاتغير ابد لانه بيخبط عليك

اخوي خبط عليه قير كامري ٢٠١٥ قبل شهر
غير زيت القير ع ممشى ١٢٠ الف و هو المفروض كان يغيره ع ٦٠ الف
عموما وفقك الله .

حياك
القير العادي والدفرنس شيك فقط 
واذا انت ملزم تغيرهن عندك الكتالوج شف المسافة اللي موصية
فيه الشركة وغير
واذا حبيت تغيرهن لزم الزيت تاخذة من الشركة نفسها
او تغير عند الشركة افضل لك
وباالتوفيق

هلا اخواني مكتوب فالكتلوج زيت القير يستبدل على 40 الف اذا كانت السياره تستخدم على سرعات عاليه واستخدام شاق
اما زيت الدفرنس ماعرفت اطلعه فالكتلوج والبواجي (شمعات الاشعال)
استبدال على 40 الف
ابي بس اعرف وش نوع زيت القير العادي وكم درجته والدرفنس ماني مغير زيته

السلام عليكم,

زيت الجير يتغير اول مرة على ال 40,000 كيلو و بعدها 80,000 كيلو.  سيارتي النيسان و على كلام الفنيين اللي بالصيانة

و حتى بترومين يقولون كل 40,000 كيلو يتغير زيت الجير.  يفضل اول مرة بالوكالة يعني ابو جميل يسويها و بعدين المرة

الثانية بترومين لو بغيت.  الوكالة غاليين صح بس تضمن الزيت اللي ينحط و القطع و ناس خبرة.

وعليكم السلام ، مثل ما تفضل اخوي بدر ..
زيت القير يتغير كل 40 الف كيلو بحيث اول 40 الف يتغير زيت قير فقط بدون فلتر ،
وعلى صيانة الـ 80 الف يتغير زيت القير مع فلتر وكذا وانت طالع مرة بفلتر ومرة بدون.
بالنسبة للدفرنس يتغير كل 60 الف .

بصراحة ما بكذب عليك ، أنا مغير زيت قير فورتشنر عند بترومين والحمدلله الامور زانت والقير صارت تعشيقاته سلسلة
مع اني مشيت على القير 140 الف بدون تغيير زيت ، ولكن من باب حب لأخيك المسلم ما تحبه لنفسك
ما انصحك تسوي تغيير زيت للقير او الدفرنس او زيت البور خارج الوكالة ، لأنهم هم يعرفون يضبطون لك ويسوون برمجة ان احتاج
ويحطون لك المعيار المناسب بـ مل .

بترومين يحطون زيت قير خاص فيهم اسمه 5 او 4 على ما أظن كذا اسمه بترومين iv مش مذكر بأمانة ، وهذي مصيبة بحد ذاتها انا سويتها بالسيارة!
السيارة لها زيت قير مخصص تحصله بقطع الغيار في علبة فضية بحوالي 200 الى 300 ريال ، اذا انت مصصم تغير عندهم على الاقل اشتر الزيت الاصلي وغير.

زيت القير غيره 100 الف واكلمك عن سابق تجربه لي  
واتوقع زيت تويوتا لزوجة 90w75 GL4

زيت الدفرنس تلقاه مكتوب في الدفتر ( زيت الترس التفاضلي )
وشف كم لزوجته بتحصله يساره ... وهو يتغير كل 40 الف
بالكثير 50 الف وانتبه من زيوت بترومين للقير او الدفرنس 
وانتبه من زيوت البناشر بعد !!

زيت القير يفضل تويوتا 
زيت الدفرنس يفضل تويوتا او موتر كرافت او اسديلكو كلها ممتازه
ولايكون زايد ولا ناقص ،،،، وخله ينظف برغي الصره للدفرنس والقير

والله يوفقك

سيارتي النترا زيت القير غيرته بعد 130 الف كيلو
والمفروض اغيره على 60 الف
بس غيرته ولقيته اسود وبعد التغير القير تحسن تبديلاته وصار انعم

لذلك عن تجربة زيت القير لاتطول عليه
وما خبط عندي بعد ماغيرته بعد 130 الف لكن ماعاد بتاخر في تغييره

المهم بخصوص الهايلوكس
افتح الكتلوج وشوف جدول الصيانة
نوع الزيوت موجود وخذها من الوكالة عشان تضمن انها اصلية
وغيرها عند اي بنشري
واذا خايف احد يلعب لك فتغيير زيت القير او الدفرنس
خل الوكالة تغيرة لك بس ترا راح تدفع مبلغ اكثر

ليش ماتغيره في الوكاله أضمن لك زيت الجربكس خاص بتويوتا عندهم وزيت الدفرنس برضه خاص بتيوتا
وزيوت التروس ترا لها عمر معين وتنتهي وتبدا التروس تتآكل يعني كل أربعين ألف غير أول بأول
ولي يقول لاتغير إلا بعد المية ألف عزالله أبشر بصوت الكرونات وتجيمت القير

انا مغيره زيت القير والدفرنس على ٢٥٠ الف وطلع جديد
ياخسارة ١٥٠ ريال بس