تجربتي لكامري 2007 لمدة سنه تفضل واستفيد مشاكل وكل شي؟

12 6

لايمكنك التصويت حتى الحصول على 20 نقطة على الأقل
إضغط هنا للإخفاء

ibrahime 1196
قبل 12 سنه و 2 شهر

هذا احد اخوياي حاب يذكر تجربته في الموقع عشان الجميع يستفيد قد يكون في ناس معاهم نفس المواتر وماشيه زي العسل وفي ناس




عكس ذلك بس هذي التجربه الشخصيه للرجال وانا وقفت عليها بنفسي 




اخواني انا  من مستخدمي الكامري لايقل عن 12 سنه ومااركب غير كامري




شريت كامري 93 وقعدت سنتين موتر مافيه كلام ولا اي عيوب
شريت كامري 98 وقعدت سنتين موتر مافيه كلام ولا اي عيوب
شريت كامري 2004 وقعدت 4شهور الموتر شاريه كانت خربانه المكينه وصلحتها والي صلحها ماضبطها لي فكانت تجربتي قصيره وبعتها
شريت كامري 2001 وقعدت 4 سنين الموتر مافيه كلام ولا عيوب من رخص قطع ومكده المكينه ماشيه 600 الف وشد بلد
شريت كامري 2007 وقعدت 1 سنه وفيها مشاكل وراح اجيكم فيها عشان الكل يستفيد منها








شريت الموتر من راعيه وكاله وكانت ماشيه 230 الف كيلو 




المهم ركبت كفرات وغيرت سير ومساعد ومشيت بعد 4 شهور نسم معاي الفريون لان فيه تهريب في رديتر المكيف وسبب التهريب الوجهية
حقت السياره متاثره بالسافي لحد لما صار فيه زي الخرم المهم تركت السياره زيما هي لان البرد دخل وقلت خليها لصيف الجاي




1-تبريد الموتر كان ممتاز تحطه في 1 نفس درجة التبريد لو تحطه في الاخير 




جاء الصيف سوي لحام لرديتر المكيف وجيت اعبي فريون طلع صوت في الكمبرسر وقالي الكهربائي انتهى الكمبروسر يارجال مافيه شي 




قالي مافيه امل والنوع هذا لما يفضي من الفريون يخرب على طول لانه شغال على طول سواء مطفي المكيف او مشغله ولو تلاحضون




مافيه شبكيه في المكيف زي الكامري القديم يشبك ويفصل لا هذا شابك على طول المهم قلتله وش السالفه 




قال بتجيب كمبرسر من التشليح راعي التشليح مايضمنه لك من يوم ماتطلع من التشليح وانت وحضك صالح او طالح 




قالي ركب حق 2005 احسن ويكد قلت يله واشتري كمبرسر من التشليح بالملعنه ب 900 ريال وقص مواصير المكيف وركبت 




روس مواصير المكيف حق 2005 وغيرت السير حق المكينه بسير مكينه 2005 (المكاين وحده لكن السير يختلف باختلاف الكمبروسر)




وشغلنا المكيف طلع كويس ولــــــــــــــــــــــكن صرت لما امشي بخط يقول الكمبروسر يشبك الي يطلع ريحة ثلج ويفصل الين يطلع صحرواي
وعلى هذي الحال اكلم الكهربائي يقول هذا حساس الثلاجه وقيمته ب 100 ريال لكن تغيره يكلف 1500 ريال فك الطبلون كامل




يارجال قالي نعم قلت خليه وصار لما اوقف في الظهر التبريد ضعيف وهوا المكيف ضعيف نظفت الفلتر مافيه فايده ولايقارن ب كامري 2001
بقوة الهواء حتى ثلاجه 2001 نظفتها انا فكها الكهربائي في خلال 5 دقايق والله سهله جدا بدون فك طبلون هذي المشكله الاولي




2- نور السياره الواطي والله كاني مطفيه غير موجــــــــــــــــــــود والحل مع هذا النور الفاشل قالولي عشان العدسات يلعن العدسات
والي صممها حط شمعه دايركت احسن من العدسات الي مااشوف شي فيها 




رحت ركبت زنن (مافي فايده)




كلمة واحد قال ركب زنن قوة 55 وات وبيطلع اوكيه واطلب واحد عن طريق اي باي صيني بس من امريكا وشغل مضبوط ومواصفات




المهم النور صار كويس وارتحت وركبت كتاوت لانه بدون كتاوت صار الكيلو حق الطبلون يشتغل ويطفي تضعف الكهرباء 




3-بعدها بشهرين طلع صوت ونه فحصتها قالولي الدينمو (عطاك عمره) يارجال قلت خلاص بغير له فحمات وصلى الله وبارك مثل الكامري
2001 صارت ماتعبي الدينمو بعد سنيتن استخدام فيكتها وجبت فحمات ب 15 ريال وركبتها والين بعتها وهي زي العسل ونور الزنون شغال
على الواطي 24 ساعه




قلت خلني اجيب فحمات واركبها قالي الكهربائي هذا صوت بويبنه قطعه داخل الدينمو وهذا ماتجي الى كامله مع الكتاوت وسعرها فوق 1000 ريال
اما 2001 تجي الدينمو مجزئه يعني كتاوت لحال والبويبنه لحال اما الكامري 2007 قطعه وحده
يارجال رحت الوكاله قالولي الدينمو بحدود 1700 ريال رحت التشاليح اسعارها من 700-1000 ريال اخذت واحد ب 700 وركبته
وطلع خربان وزهقت من نفسي قالي واحد ركب حق النهدي ضمان 6 شهور ب 800 ريال وفي ياباني 400 ريال بدون ضمان




الضمان فقط للتشغيل اخذت الياباني وركبته وقعد بالضبط 3 شهور وخرب معاي صار مايعبي




والحل مع هذي المصيبه واروح ادور في التشاليح حصلت واحد ب 700 قالي حق 2011 ماشي 20 الف بس مو على السياره
لان المكينه بعناها قلت هاتها (ضمان 24 ساعه) ورحت ركبتها وطلعة مثل وجه خربانه




والحل 




قالي الكهربائي خلني افك الدينمو الياباني واشوف وش الخربان فكيناه طلع يختلف عن حق 2007 في التصميم الكتاوت لحال والبويبنه لحالها 




جاب كتاوت حق فورنتشر 2006  من عنده مستعمل وقيمته جديد حدود 400 ريالوركبه على الدينو الياباني طلع مثله بالزبط وانا معاه
وركبنا الدينمو تحسن كثير ولكن التعبيه 12.5 وقام فكه مره ثانيه وغير البويبنه قطعه مدوره من عنده حق لكزس 400 
وركبناه طلع 13 قالي ماشي حاله لان الكتاوت انا مغيره من السياره واتوقع فيه ضعف ولكن انا مااضمنك تجيب كتاوت جديد ب 400ريال
وانت بكيفك قلت يارجال خلني امشي حال ومشيت على الموتر شهر وبعدها بعته




4-الجير التوماتيك في الكامري السياره كويسه وعزمها ممتاز لكن تعرف كم سعر توضيب الجير 8 الاف ريال وربك يستر مايخرب بعد 




6 شهور او سنه وفي التشاليح على 8 الاف ريال كانت مع صاحبي




وعيب الجير التوماتيك انك ماشي 30 وتبي تزود السرعه شوي يقوم يرد اول وبعدين يبدل للثاني كان الجير شلون اوصفلكم 




تخيل معك جير عادي بعض المواتر نشيطه لو تمشي بالثالث وانت 10 تمشي فيها نشاط لكن الكامري 2007 تحس الجير اكبر من المكينه
والدليل على ذلك انك تمشي 160 وضغط المكينه على 3 فقط وهذا كويس مااعيب فيه لكن لو تبي تمشي بسرعه عاليه




فرضا تبي تمشي 200 لمده نص ساعه (انا ا مااحب السرعه ولاانصح احد بالسرعه لكن اقولكم جميع الجوانب )
تقوم السياره ترجع الرابع وتقعد ماسكه على الرابع نص ساعه لحد لما تولع لمبة المكينه كامله دليل السياره مافيها حيل تمشي بالخامس 200




تقولك فك رجلك لو رفعت رجلك بدلت للخامس وتلقى العزم ضعف وصارت تمشي 180 لو تبي اكثر لازم الموتر يرد الرابع ويقعد ماسكها




ولو تلاحضون 2012 نزلوها 6 تعشيق لكن المكينة كبروها عشان تعوض العجز خلوها 2500 سي سي 




انا اشوف ان الجير العادي افضل في الياباني لانه توضيب الجير ناااار وماتظمن ممكن يخرب عليك بعد انتهاء الضمان 




لكن الفورد كراون فكتوريا كانت مع اخوي 95 نشتري طقم كلتشات ب 350 مع شغل اليد يكلف الف ريال وكد ابوها 7 سنين الين
باعها 




اللكزس 400 جيرها ب 1500 ريال 




وانا اشوف ان الكوري صار كويس يمكن الاشكال الجديده من الالنترا والسوناتا فيها مشاكل في الجير والمكيف 




لكن الالنترا الشكل القديم الي هو 2009 ممتاز وقطعه رخيصه وتوضيب الجير حقه ب 4 الاف ريال ويمدحو فيها حتى يقولي




يشتغلون لموزين على جير توماتيك وتكد والكمبرسر حقها ب 750 كوري والاصلي حق الوكاله 1300 ريال والدينمو ب 200 ريال 




بعد الاصلي والقطع رخيصه وعمليه 




هذي تجربتي وعندي خلفيه عن الكامري بجميع موديلاتها لاني مستخدمها واي سؤال انا حاظر 




واذا قعدت على هذا الموال يخرب الجير واحتمال المكينه لانك الموتر يرد نمره في سرعات عاليه 180

إبلاغ

الردود