اهل الخبره في نظام تكافل الراجحي ياليت يعطونا تجاربهم

تجربتي مع تكافل الراجحي قبل 4 سنوات صدمني شخص من الخلف واتصلنا على مرور

جاء المرور وقرر الحادث وقال الخطاء على الي صدمني وعطاني اوراق وقال راجع التامين

المهم الغلطه الي سويتها اني ارسلت اوارقي لتكافل الراجحي عن طريق البريد الممتاز لنهم ضيعو اوارقي وبعد عده محاولات حتى فتشنا الاوراق وملفات من كل مناطق مملكه عندهم ولا حصلتها حتى ايست منهم وسحب عليهم والله يعوضنا

ثاني حاجه غلطتي اني اتصل على مرور لن لو جيت ابي اخذ اوراقي النسخه علشان التامين ضيعها نظام المرور قديم ومعقد

كان مفروض اتصل على نجم لن نجم معلوماتي محفوضه عندهم وعندهم النسخه في حاله احتجتها

السلبيات في تكافل الراجحي زحمه شديده طبعن اذا انت بالرياض موقعهم عند الفحص دوري طريق جابر لصباح

واخر شي صلحت سيارتي على حسابي هذي تجربتي اتمنى الي يبي يستفيد منها يستفيد

شكرا اخي الغالي سكودر ع الافاده
  اذا الشخص صدم  كيف طريقة تعامل التأمين معه هل يصلحها
كم نسبة التحمل للاصلاح  واين يصلحها
اذا السياره تالف هل يسقط الاقساط عنه بسرعه ام يتعلعل  ويجلس فتره طويله لذالك
 وبارك الله فيكم
وماهي نصائحكم لمن معه سياره منهم 

اي يتلفونها وراح تشوف ورا عماره حقتهم سيارات كثيره مصدومه ومسوين عليها مزاد بنسبه اذا الغلط عليك انت 100 في 100 يخذون عليك نسبه على حسب الاضرار

هذا الي اعرفه عنهم واسمح لي ماعرف اذا يسقطونها منك ولالا

الراجحي البنك الوحيد الي ماسمعت احد يمدحه
انا شخصيا فاتح حساب عندهم لان اغلب الناس عندهم صراف الراجحي تفيدك وقت الحاجه اذا جيت تحول لاي احد او احد يحولك
الصراحه وبكل اسف اسوء بنك على وجه التاريخ هذا وانا ابعطيهم فلوس واكون عميل اجل اشلون لو اني اباخذ حقي منهم

انت افتح حساب عنهم وشف تعقيداتهم وشف بعد موقعهم البدائي كانك داخل موقع عمره 200سنه ماهو مفهوم ويعلق وحالته حاله
واذكر يوم فتحت
حساب عنهم قالي تعال بعد الظهر!! ليه ي مدير والله بطايق مافيه بالله هذا بنك!!! المهم جيت بعد الظهر متاخر شوي قالي احمد ربك
باقي اخر بطاقه المهم اخذت البطاقه
وجاء واحد وراي يبي بدل فاقد قاله تعال بكره خلصت البطايق المهم ان الرجال تهاوش معاهم يقول هذا 4فرع مافيه بطايق!!!

اختصار تبي تصير عميل عندهم وتعطيهم فلوسك يذلونك ذل ويعقدون كل شئ

اجل لو بتاخذ منهم مبلغ السياره لو راحت تالف!!
اسف على الاطاله لان الكلام بقلبي من زمان ابطلعه من البنك الغبي ههههههه

تكافل الراجحي يجيب المرض اخوي راحت سيارته تالف واسقطها عنه بعد 11 شهر من الحادث بعد مماطله وملعنة وجلس طول ال 11 شهر يخصم قسطها ويوم اسقطوها رجعوا له مبلغ بسييط والباقي مادري كيف حسبوها له المهم انه اسوء تأمين على وجه الارض تكافل الراجحي 

انا سيارتي راحت تالف وبعد ٨ اشهر قفلو العقد  وماقفلوه الا بعد شكوى لموسسة النقد السعودي 
بصراحة مغصوبين مثلك