ارجو الدخول ضروري

شوف السياره جديده ماشاء الله ودها للضمان يمكن عيب مصنعي

الكامري أصبحت سيارة رديئة للأسف بعد ماكانت الأجود

خذ لفة في المنتدى شوف الملاحظات عالسيارة وهي اخر موديل

الله يعين اللي يشتري اسم بس (كامري) عشان شيك في الجيب

راح زمن التويوتا خلاص الحين زمن هونداي وكيا والصيني قادم

الصيانة باقيلة 700 كيلو وارحلهم 

والله انا مرتاح مع السيارة والمشكلة ما همتني دام في ضمان باقي عليه .

سالت عشان اطمئن بس ولا الضمان موجود ويعطيكم العافية اخواني

هذي تصير بسبب التظليل اولا وثانيا بسبب رداءة التصنيع
تخرب لما تفك التظليل القديم وسحب التظليله من القزاز تنخلع قواعد القزاز من مكانها بعدين تصير تطلع من مكانها اثناء رفع القزاز لفوق

والله مدري حتى سيارة اخوي مازدا cx9 2016 نفس المشكلة وعنده قروب كلهم نفس السالفة . 

اول صيانة راح اشوف وش يقولو .

الله يعطيكم العافية

نرجع للقزاز الهندل ابرك؟ الله يخلف سيارات قديمه ماتحصل فيها مثل
هالتخلخل

خلو عنكم التعصب ياشباب لشركة معينه
وتكريه الناس في السيارات الثانيه
انا عن نفسي احب السيارات الكوري بالذات هونداي وكيا
والبيت عندنا اغلب السيارات كوري وصيني ماعدا الوالد معاه تويوتا كامري
وبصراحة ماني متعصب واذكر كل شيئ بمصداقيه وسبق تكلمت في الرد
السابق عن مشاكل الاكسنت ولاكن وشجاني الديس اكثر من اللايك 
يعني على مبدأ ياتمدح سيارتي يا اعطيك ديس ما حد يبي يقول الحقيقه


يا صاحب الموضوع
انا شخصيا صارت لي هذي المشكله في الإلنترا حقي والمشكله كانت
الزجاج وقت الرفع يميل وبعض الاوقات يخرج من مساره وفيه فضاوه كمان
والمشكله ماهي جودة ولا شيئ المشكله اني غير الزجاج بعد ما كسرولي الزجاج 
الامامي حق السائق بحجر بعدها بدت المشكله المهم اني اضطريت افك ديكور الباب
بعدها اتضح ان الزجاج مو داكب ولا مثبت صح بعدها ركبته صح وسلك والحمدلله

يعني الوضع عادي ويصير في اي سيارة 
وانا شاكك انه صار لك بعد التضليل

المشكلة مالها علاقة بنوع السيارة المشكلة عندك اما بالمجرا تبع القزاز

او من المسامير الي ماسكه القزازه بالمكينه يبيلك تفك الديكور

i love geely hyundai kia




























الله يعطيك العافية جربت في سيارة نفس موديل سيارتي وعنده نفس السالفة يعني كل السيارات الكامري كذا وانا ما همتني اهم شيء السيارة تخدم الي حقين الديس لايك يا اخي خلهم يحطون ديس لايك لبكرة لا بتقدم ولابتأخر في البشر بشي .
انا ملاحظ ناس كثير الي كاره تويوتا ولا كاره هونداي والي اكورد والي نيسان كل واحد يمدح سيارته كل واحد عنده عقل يشتري السيارة الي يبي بس في ناس مسويه انا الناصح الي بغير الشعب عن تويوتا ما تقدر تغير ابداً ...انا خذت كامري عن قناعة تامة ويجيك الحين واحد يسوي ديس لايك عشان مدحت تويوتا ....... افضل السيارات في الخدمة بس انا مع الي يقول سعرها شوي غالية ...... وشكرا لكم ع ردودكم وموفقين ان شالله ...

الحمدالله فكيت التظليل وزبطت الامووور الحمدالله 

اخر واحد اعطاني دس لايك  الله يقويك هات كمان هههههههههههه

والله من قوة الفضاوة