أضف سؤال أو موضوع جديد          

الرفاعي واجهزة زنون F7 حياكم

up 27 down 21
الرفاعي33 13911
قبل 4 سنه و 10 شهر



السلام عليكم ورحمة الله وبركاته

امسي بالخير على اعضاء منتدى حراج
كيف حالكم ان شاءالله مبسوطين ومرتاحين
اخواني الاعضاء كما وعدتكم اي تجربة او شي جديد عن سيارتي
وعدتكم انزلها ونفيد ونستفيد

المهم ياحبايبي احب اشكر العضو الاخ الفاضل مدرس عاطل
لان والله الرجال تعبته معي تعب مر ههههههههه
الله يوفقه ويوفقكم واهنية على اخلاقة وسعة صدرة.
تجربتي كانت امس.

وبالمختصر قبل 3 ايام طلبت من اخونا مدرس عاطل
زنون F7 ووصل امس العصر واستلمته
طبعا طلبته مع كتاوت لحالة ومع لمبات ياكي 9005
اللون 5500
وصلت البضاعه امس الظهر
وقلت ابد كالعادة لاكهربائي ولا غيرة بشتغلها بنفسي
جبت الموتر في الحوش وجبت العدة 
واشتريت ربطات اثبت فيها الزنون 10 حبات بريال
وبديت افك البلاستيك الحامي
عشان الكتاوت يبيلة توصيل واخفية بين الرديتر والشبك 
المهم والله وصلت الكتاوت
وركبت الاجهزة فقط للتجريب
لاني قلت ممكن ماتشتغل
يعني لازم اتاكد من الشغل وبعدين اثبتها على راحتي
المهم جيت اشغل ماشتغلت
الحين الساعه ممكن 6 المغرب
باقي ساعه على الافطار
احاول يمين يسار فك فيش ركب فيش غير وصلات
وارسل لاخونا مدرس عاطل الحقني يالامير
والله ماقصر ساعدني وعطاني بعض الحلول
بس مافية فائدة اذن المغرب فكيت الاجهزة والمبات 
ورجعت كل شي زي ماكان لان عندي مشوار بعد المغرب ابو 100 كيلو وقلت اخلص مشواري وارجعلها على روقان
خلصت مشواري ورجعت على 12 نصف اليل
المهم الحين مروق وبشغلها غصب
واخونا مدرس متواصل معي ومهتم في الموضوع

المهم من جديد ركبت كل شي وايضا ماشتغلت
الحين اخونا مدرس قالي اقولك تركيبك فية شي غلط
اشوي قالي اقولك فية سلكين سالب تركبها في اي مسمار
في البدي ركبتها 
قلت لاوالله قال اها وتوك تتكلم من العصر
واركبها طبعا هالسلكين واحد للجهه اليمنى والثاني يسار
والحمدلله اشتغلت الاجهزة 
وتحمية جيدة خلال 5 ثواني ويفرش الخط
هاذا ماعندي اليوم
واعذروني اذا طولت عليكم
اليكم بعض الصور اثناء الشغل امس
في حفظ الله ورعايته   ....
                                  موفقين جميعا  .....




اخوكم/ الرفاعي3



























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


ماشاء الله تبارك الله فارش الخط فراش

Led على البريوس يفرش الخط فراش ههههه

صدق ترى ledعلى البريوس افضل سيارة في العالم 

والاختبارات ذا شفته من ذا حقت السلامة بالطرق السريعه بامريكا

اعتقد اسمها nhats و اختها iihs


up 1 down 0
mohammed1368 154
قبل 4 سنه و 10 شهر



السلام عليكم اخوي الرفاعي كيف حالك
عساك طيب
ياخي ودي في موتر مثل موترك ما تبيعه بالله


up 0 down 0
vip-yt 328
قبل 4 سنه و 9 شهر