زيارتي لمصرف الانماء

حياك صراحه ماتعاملت مع الانماء
لاكن اذا تعينت باذن الله ابعد عن الاهلي والراجحي
انا راتبي على الاهلي لاعندهم عروض ولا شي
شفت عروض الرياض والبلاد والانماء عروضهم طيبة
وعندهم عرض لموظفين وزارة الصحه والتعليم
افضل من الاهلي 

ما بالكلاب كلب طاهر وانا اخوك 
كلهم زي بعض ... جاي بتفتح حساب ولا تطلع سيارة ولا تاخذ قرض
الكشره من الاذن للاذن ... بعد التدبيسه لو تطلبه فنجال شاهي بالفرع يحاسبك عليه 

لكن بالنسبه للقروض اللي بدون رسوم عندك بنك الرياض يعطيك قرض يتسدد بست شهور بدون رسوم

ممتازين جدا وسلسين بالتعامل يعيب بعض الفروع مافي الا موظف واحد يكفي ان حسابك تقدر تسويه فيزا او تسكره على مزاجك عن طريق النت حسابي ذهبي عندهم ماشفت الا كل خير من ذا البنك للامانه

الراجحي يوم تفتح حساب كانك بتتوظف بوظيفة عسكرية مايخلي ورقة الا يطلبها ويعامل الناس كانهم يتشحذون منه لعنه الله عليه من بنك

مهما خدمك البنك او عطاك قروض وعروض تأكد انه مستفيد منك فلايهمك الدعايات انت دور على البنك اللي تعاملاته اسلاميه وكفايه

انتبه لايغرونك بعروض وبعد التوقيع يطلع لهم وجههم الثاني

الشي الثاني قروض بجون رسوم تلقاهم حاطين الرسوم مع فوائد القروض 
البنوك ماتهرول عبث

عندك البنك الامريكي يعطيك قرض بدون فوائد بس يكون القسط على 12 شهر فقط

البنك  هذا مايعطي قرض زي الراجحي قروض عاليه  ونسبتهم متوسطه مثلن تاخذ قرض 100 الف ياخذون عليك فوائد 24 الف بينما بنوك ثانيه تاخذ 17 الف واذا اخذت قرض مثلن اخذت 40الف والحد الادنى لك 100 الف  على حسب راتبك طبعن وتبي تاخذ قرض اضافي مايعطونك  صحيح الي يميز فيه ان مافيه زحمه لكن مو ذاك الزود واذا  تبي تستفسر كم باقي عليك او كم يطلب لك البنك خطاب مديونيه لزم تقعد اسبوعين بينما  بنك الاهلي تاخذها وانت واقف 5 دقايق 

سبحان الله اذا الواحد فتح موضوع عام وتكلم فيه وماعجبكم قلتوا الموضوع خارج عن السيارات وخذ لك مسبات ولا ينحذف الموضوع 
واذا عجبكم الموضوع وجاء على هواكم طايرين بالردود وطبعا اتكلم عن البعض

أبو ثامر موضوع البنوك أساس لموضوع شراء سيارة أو تقسيطها
قليل اللي معه كاش و يكون مبلغ بسيط 30 او اقل
فضروري ندعم مواضيع التمويل من البنوك و حل المشاكل القانونية و الشكاوى التجارية بالمنتدى

واحد من الشباب معلم
اخذ قرض من بنك الرياض 100 الف ومجموع الي بيدفعه للبنك 109 الاف يعني فوائدهم 9 الاف على 5 سنين شي مره طيب

فائدتهم 1.45 للمعلمين او للموظفين بوزارة التعليم

هالبنك الصراحة اعتبره من أفضل البنوك يكفيك خدمة العملاء 

مو مثل بقالة الراجحي 

السلام عليكم خل عنك مافي افضل من الراجحي يكفي انه حاصل على المركز الاول في الصيرفه الاسلاميه على مستوى العالم ،
يكفي انه بنك سعودي موب مثل بنوك الوكالات
واقصد الفرنسي والبريطاني وغيره


اغلب الي يهاجمون الراجحي نفسيه وفيهم مرض نفسي وشايف نفسه ويبغى البنك يخدمه وهو في بيته عشان معه طفسه في الحساب يحسب انه اشترا البنك فيها




النقطه الاخيره : كل البنوك عندنا مستفيده من تشغيل فلوسك وماتعطيك فوائد والمفروض تطالبون بفوائد سنويه على اساس رصيدكم البنكي

النقطه الاخيره : كل البنوك عندنا مستفيده من تشغيل فلوسك وماتعطيك فوائد والمفروض تطالبون بفوائد سنويه على اساس رصيدكم البنكي

تشغيل فلوس ايه ياعم
اكثر الموظفين 10 ايام وحسابه مصفر