أضف سؤال أو موضوع جديد          

الكورلا الجديده

up 3 down 13
ابو عبد العزيز 305 417
قبل 6 سنه و 6 شهر



السلام عليكم ورحمه الله وبركانه 
يا اخوان عندي استفسار بخصوص الكورلا 2016 فل 
امس جربتها مع الخط وفصلت على 190 كم السرعه 
طبعا يا اخوان انا ماني راعي سرعه ولا اطيقها بس استغربت مع ان معنا كورلا 2011 تجيب 200 سلام بسلام وش الحكمه يعني عشان قير الكورلا الجديد سي في تي ولا ايش 
وهل بالامكان فك الفصله 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


يا ابني رحم الله والديك وش لك ووش الفصلات اهم شي سيارة تمشي وتودي وتجيب الناس اللي تسرع على مر التاريخ حوادثهم اليمه يتقطعون وينفرمون ولا اعتقد تبغى يصير هذا لاي عزيز وغالي.. اتذكر واحد من اقاربي ولد صغير كان بييشتري اوريون الجديد ويوم اكتشف ان طبلونها 240 بطل بحجة ان القديمة 260!! ذاك اليوم بغيت اجلده بالعقال.. عموما بجاوب على سؤالك قير السي في تي عموما مايجيب سرعات عاليه وهو مصمم للراحة وتقليل استهلاك الوقود..
نصيحة ياشباب رحم الله والديكم تكفون خل ممشاك 140 ونازل ولاتفكر تطلع عليها اهاليكم وعيالكم واطفالكم يبغونكم كل صيفية نفقد لنا ناس بسبة ذا السرعة..



up 17 down 0
ابو ميس العمري 61
قبل 6 سنه و 6 شهر



الحين تقول منيب راعي سرعة وتسأل عن فك الفصله


الله يثيبك ياشيخ ذا المواتر لوسط البلد وحتى لو كان الموتر مزود بجميع انظمة السلامة والثبات السرعة ما تعرف ذا الاشياء ، انتبه لعمرك لا تروح من كيس اهلك بسبت طيش ماله لزمه


وعلى فكرة ترى الحين طبق رسمي حجز المركبات والاشخاص المتجاوزين لسرعة 160 ويعطونك مهله واذا ما جيت توقف خدماتك


ثمن تعال تشك عندنا احد يعرف واحد يشيل عني ايقاف الخدمات




up 3 down 2
a.ibrahem 3169
قبل 6 سنه و 6 شهر



كرولا وزعلان ليه ما جابت 200 وجابت 190
يا رجل انا اكسبلولر ولا اذكر تعديت 110 او 120
اذا مو حايف على روحك الله لا يردك لكن وش ذنب
الناس الي بتبتليهم وش ذنب عائله يبتلوا
بمثلك حسبنا الله ونعم الوكيل


up 9 down 6
غريب 111 455
قبل 6 سنه و 6 شهر



كورولا وتدور فصلة العداد يااخي ارحم نفسك
ماورى السرعة خير



up 1 down 1
تركي ابو فارس 82
قبل 6 سنه و 6 شهر



والله ما من السرعه خير وياليت كل السيارات ماتتعدى 150 كحد اقصى وكفانا الله وياكم شر السرعه


up 1 down 0
ksa-999 144
قبل 6 سنه و 6 شهر



لا لا فيها خلل مصنعي لازم تجيب 240 رجعها الوكالة يصلحوها على الضمان يارجل 120 كثيرة على الكورولا البدي ورق


up 1 down 0
business to consumer 1163
قبل 6 سنه و 6 شهر



ياناس وش فيكم انتم انا اقول مجرد استفسااااااار ترا عمري فوق 40 عام وابوز عيال وعاقل انا اقول ليش يسوون فصله  وبعدين في الازمات تحتاج السرعه 


up 0 down 1
ابو عبد العزيز 305 417
قبل 6 سنه و 6 شهر



برد على كلامك ونيابة عن الشباب الباقين


انت تقول عمري 40 أمنا بالله ، يعني هذا اعظم لو انك صغير بنقول مراهق طيش شباب والله يهديه وبكره الدنيا تعلمه لكن كبير وابو عيال وتمشي 190 على كورلا بعد


وبعدين يسوون الفصله لعدة اسباب اولاً : ان السيارة هذي مثل ماقلت في ردي الاول مخصصة لوسط البلد ومكينتها ما تتحمل السرعات العالية خطر تنفجر والأمان صفر عالشمال لو يدقها احد على خفيف ما ردها الا السياج لا رساوة ولا شي


وبعدين وشي الازمات اللي تحتاج فيها السرعة ؟؟؟ مافيه شي الا المستشفى الله لايقوله واذا كانت الحالة فعلن حرجة وتحتاج السرعة ، ومحد ميت قبل يومه يعني بتمشي 200 في وسط بلد عشان توصل مريض


يارجل التشارجر والكوابرس بعضها تفصل على 208 او 216 وهو مكينته كبر الحمار


خلاصة الكلام : انتبه لعمرك وانتبه لعيليلك لا تروح منهم لاقدر الله في غمضة عين


ترى ناس واجد من اللي صار لهم حوادث على سرعات عالية كان يعتقد انه يمديه يتصرف اذا صار شي ويتصرف في بعض المواقف لكن بعض الاحيان يصير شي لاقدر الله غير متوقع ينفقع كفر توطى شي سيارة زحفت أي شي صار، واخرتها منتاب قادر تصطير على الموتر بهالسرعة وبيكون الحادث شين


وغير الحجز اللي طاحوا فيه الحين فوق 160 سطح موتر وودي توقيف




up 0 down 1
a.ibrahem 3169
قبل 6 سنه و 6 شهر



هاذا والله الناس الي ماتفهم الحين انا قايلكم بفك الفصله وبمشي 240 ولا قايلكم السياره ابيها تطير ولا قايل لكم ابي امشي وصط البلد 190 انتم مخ فيه ولا مافيه  
يا عرب ياهوووه انا استفسرر  عمري ماتعديت 140 في سفر طويل  وبعدين تقول ماتحتاج السرعه انا احتاجها شخصيا انا مصاب بدا السكر واحيان ينخفض علي السكر في المزرعه والمزرعه عن البلد 75 كم واحتاج لسرعه فهمتو


up 0 down 0
ابو عبد العزيز 305 417
قبل 6 سنه و 6 شهر