أضف سؤال أو موضوع جديد          

جاري و كفرات سيارتي

up 13 down 3
افكار جديدة 662
قبل 5 سنه و 4 شهر



السلام عليكم و رحمة الله و بركاته 
كيفكم حبايبي عساكم بخير  . أكيد من الموضوع عارفين ايش بقول  ههههه جاري هداه الله رجال كبير عمره  50  .  المشكله اني كل يوم اطلع من البيت احصل كفر سيارتي مبنشر و يوم احصل فيه مسامير  المشكله  اني واقف عند بيتي و  لست جهة بيته و موقفه يبعد عني  تقريبا40 متر  انا قلت يمكن الورعان اللي يبنشرو الكفرات و كانت المفاجأه أن هذا الشايب هو اللي عدم كفرات سيارتي  ركبت جهاز إنذار في سيارتي و شافني وقت شغلته و صاح علي  تعاااااال  قلته انت اللي تعال انا  ابغاك  وقال ليش توقف هنا قلت عند بيتي و ماني جهتك  ايش تبغا و بعد أخذ و عطا بالكلام شاف وجهي تغير  و حشرته  بين سيارته و جدار و قال تعال اوقف عند بابي و الله ما اكلمك  . اللي بقوله ليش يا جاري تأذيني  انا لو اشوف عليك مضره من شخص او على بيتك او سيارتك  ما  يرضيني و لكن انصدمت من حركتك  و الآن صحيت و حصلت باب سيارتي مصدوم  و لكن ما اتهمه لأني ما شفت اللي صدم سيارتي  و بصراحه يوم كان جاري على قد حاله كان احلى من العسل و الآن بعد صار عنده فلوس و سيارات فخمه تغير 180 درجه .  كل بعد مده اغير كفر بسببه  حسبي الله و نعم الوكيل عليه 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


الحمد الله اني عايش في صحراء قاحله ب العرض والطول 

الدنيا وساع لو بوقف اسطول طائرات قدام بيتي محد قال شي 

الله يعينك والله بلاوي المدن واجد ونفوسهم ضيقه اعوذ ب الله

دايم مشاكل وازعاج سيارات ومزاعق العالم  الله يعينكم والله 

انا اذا رحت جده معد ارقد اسبك وامرض ويجيني اكتئاب لاكن الله يعينكم ي اهل المدن ##


up 15 down 2
abo abdalazzez 25
قبل 5 سنه و 4 شهر



ركب كاميرا على البيت تصور الشارع

وإذا تصرف أي تصرف خاطئ واجهه بالفيديو وقل له المرة تنبيه فقط ولو صار في سيارتي أي شيء رح أشتكيك للشرطة حتى لو مو أنت لأن الفيديو عندي وهذا دليل ضدك


up 8 down 2
مفقود 955
قبل 5 سنه و 4 شهر



يمدحون تجلده تخليه يعض الأرض دامك منت غلطان ولا ماراح يهجد


up 7 down 7
danger712 20
قبل 5 سنه و 4 شهر



الله يبعد عنا وعنكم هالعينات المؤذية
بعض الجيران زي العسل تحطه على الجرح يبرى
وتقول ربي يسعد الساعه الي جاء فيها هالجار
وبعضهم والله انك تكرة الساعه الي جاء فيها هالجار مثل جارك


up 5 down 1
الرفاعي33 13914
قبل 5 سنه و 4 شهر



مالك حل الا انك تركب كاميرا عالشارع 


up 1 down 0
loody_23 363
قبل 5 سنه و 4 شهر



أعجبتني فكرة الكاميرا بس ما اعرف كم تكلف 



up 0 down 1
افكار جديدة 662
قبل 5 سنه و 4 شهر



ركب كمرات في نفس الجدار حق الحوش او العمارة وتكون موجهه للسيارة 

التكلفة على حسب الكاميرا وعلى حسب الجهاز اللي بتستخدمه لتخزين المقطع الفديو 

التكلفة تقريبا من 200 الى 400 ريال شاملة التركيب 


up 1 down 0
الصمت كبرياء 328
قبل 5 سنه و 4 شهر



ياخي مدري وش قصة هالعالم 
بكل حارة لازم تحصل كم واحد يشتكي 
يحصل سيارته مكسره ولا فيها خدوش 
واللي يبنشرون سيارته مدري وش فيهم على هالحركات !!
هي عادات وتقاليد بكل الحارات ولا وش وضعهم 
ياخي سيارتي الفورد كنت كل ماغسلها اشوف خدوش 
اقول قديمه ومره توني راش الصدام ثاني يوم فيه كله خدوش 
هنا استوعبت ان فيه احد يخرب سيارتي ههههه 
وبعد ماشريت الكامري اخذته بودي بلد مافيه خدوش 
والحين كل يوم احصل فيها طقات وخدوش هالعالم مدري وش تبي
سياراتي وواقفه قدام بيتي يجون يخربون وش يبون !! وش يحسون فيه 


up 4 down 0
w.asa 2027
قبل 5 سنه و 4 شهر



الله يكون بعونك اخوي و ياخي استغرب من الناس الى كذا 

ياخي جارك وش فيها لو وقفت قدام بيتي ولا انا وقفت قدام بيتك 

اذا نحن مو متفاهمين و غير متعاونين ولا نثق بيعض هذا ونحن جيران !!!!

كيف الناس الى برا تبي توثق فيهم و تتعاون معاهم !!!

وبالنسبة للكاميرا اذا انت بالرياض روح البطحاء عماير الراجحي العمارة الى فيها فندق الشيرتون الدور الثاني في محلات كثيرة تبيع اشكال و اللوان طب و تخير براحتك  


up 0 down 1
saif48 65
قبل 5 سنه و 4 شهر



يا أخي انا واقف عند بيتي و لأني قريب بيته 


up 2 down 0
افكار جديدة 662
قبل 5 سنه و 4 شهر



السلام عليكم ،، جارك هذا غريب ليش ينسم كفراتك وانت واقف عند بيتك وحتى لو واقف عند بيته المفروض يحمي سيارتك ما يضرها ،، حنا مسلمين ولا ايش

بقولك قصه واحد من اخوياي معه جيب تايوتا فورتشر المهم كل شهر او شهرين يدخل مسمار في كفره
وقلت له هذا اكيد جارك وقالي انه ما يوقف عند جاره ويستبعد كلامي بس انا شاك في جيرانه لان الحي الي ساكن فيه سمعته شينه

وانا انصحكم بالجار قبل الدار والله الجار مهم يا مسلمين الجار الجار قبل الدار وسلامتكم


up 1 down 0
فواز ١٤٣٦ 41
قبل 5 سنه و 4 شهر



ههههههههههههههه هذا والله النشبه  الله يعينك 


up 0 down 0
سلطان شفيق1 7
قبل 5 سنه و 4 شهر



لا تخليها على جدار الحوش يكسرونه بالراحه خلها فوق على جدار البيت بس يوجه على بوابه الحوش مدري اذا فهمتني
لكن لو خليتها فوق الجدار بيشوتونها الورعان 


up 1 down 1
محمد حمدان هلال 19
قبل 5 سنه و 4 شهر



ههههههههه روح تعاقد مع محلات الكفرات عشان يكون ارخص 
الله يعينك على هذا الجار 


up 0 down 3
salah.e 472
قبل 5 سنه و 4 شهر



إذا بتركب كاميرا لا تخليه يشوفك يوم تركبها وركبها في مكان محد يشوفه وتكون زاوية التصوير كويسة


up 1 down 0
الحربي2222222 2
قبل 5 سنه و 4 شهر



صراحة مشكلة لما تلقى ناس كبيرة عمر و صغيرة عقل !
طيب يجي يكلمك أول ! يتفاهم معك و تنحل المشكلة !
زي كا قالوا الأخوان كاميرا لك و للزمن و كل ما تلقى مشكلة في بودي السيارة روح شيك على الفيديو
الله لا يبلى مسلم بهذه النوعيات الهمجية ألي حدها عام 2010 أنا الحمد لله مرتاح مع الجيران و مواقفنا سوا كل واحد يوقف في المكان ألي يبيه بشرط يوقف كويس عشان تكفي المواقف


up 1 down 1
عبدالله خالد 19 367
قبل 5 سنه و 4 شهر



كان الله في عونك
, اذا بنشر كفر سيارتك اتصل بالشرطة وقدم بلاغ قبل أن تحرك سيارتك من الموقع
, أحياناً السكوت عن هذا النوع من الناس يزيده تمرد ولكن قدم بلاغ بالشرطة وخلهم يستدعوه للشرطة واطلب فقط أن يكتب تعهد عنبعدم معاودة تصرفه هذا وثم سامحه لوجه الله و لحق الجيرة .


up 0 down 0
- المستشار -
قبل 5 سنه و 4 شهر



ي ولد والله ماينفع معهم الطيب هالاشكال لو يوصل عمره 90
الحل تمسكه تجلده لين يعض الارض تلقاه ينضبط معك 


up 0 down 0
غريب الدار١٣٢ 79
قبل 5 سنه و 4 شهر



هذا وانا اخوك مريض نفسي ماهو طبيعي ابد
والا باالله وش يبي بسيارتك وانت تقول اربعين متر بينك وبينه
صدق من قال الجار قبل الدار
كان الله بعون الجميع


up 1 down 0
باترول 2020 2624
قبل 5 سنه و 4 شهر



السلام عليكم 
نفس مشكله اعيال خالتي والله في ناس اجانب ضيوف يجون من برا 
الرياض وشارعهم ضيق احياناً ما يكون في موقف الا عند بيت جيرانهم 
وبيت جيرانهم ماعنده الا سياره وحده للبيت كله 
ولما احد يوقف عندهم يبنشرون الكفر وكثير تهاوشو مع العالم 
بس السؤال اللي عنده معرفه بالقانون وش يقول بالحاله هذي 
ي ليت احد يفيدنا 


up 0 down 0
محمد المطيري 503
قبل سنه و 10 شهر