أضف سؤال أو موضوع جديد          

حادث زميلي الغامض ورفض المرور إعطاء تقرير للحادث

up 3 down 3
سلطان4040 1267
قبل 2 سنه و 10 شهر



السلام عليكم

زميلي سيارته افالون 2016 إيجار منتهي بالتمليك وعليها تأمين شامل

قبل إسبوع كان في خط المطار وحصل له ضربة قوية في الركن الأيمن الخلفي من سوناتا كان مطفي الأنوار
وكان يخيط بين السيارات وحاصت بخويي السيارة والحمد لله جات سليمة

أطراف الحادث :

الطرف الأول : زميلي وتضرر الجزء الأيمن الخلفي من السيارة ( تأمينه شامل )
الطرف الثاني : صاحب السوناتا وتضرر الجزأ الأيسر من السيارة بالكامل ( تأمينه شامل )
الطرف الثالث : صاحب ددسن وتضرر الجزء الخلفي الأيمن أضرار بسيطة ( تأمينه ضد الغير )

الطرف الثالث صاحب الددسن يقول انه فيه وحدة من السيارتين ضربت فيه مايدري أي سيارة
والطرفين الأول والثاني كل واحد يقول انه ماضربت في راعي الددسن

والمرور في البداية قال : إنه الحادث وهمي بس عشان تستفيدوا من التأمين
وفي الأخير قال : خلاص راجعوا المرور عشان يعطيكم تقرير الحادث

لما راجع زميلي المرور قالوا مافيه حادث مسجل عندنا
وقابلوا الشخص اللي خطط الحادث وقال الحادث مو صحيح لإنه راعي الأفالون مكسور الإصطب من أول لإنه
 مالقينا بقايا الإصطب وصاحب السوناتا كان يفحط في مكان ثاني وضرب بالسيارة واتفق مع زميلي يسوون 
حادث وهمي عشان يستفيدون من التأمين

الحين زميلي كيف يقدر يصلح سيارته على التأمين
هل لو دق على نجم وقالهم انه الطرف اللي صدمه هرب ومشت الأمور .. هل التأمين الشامل يصلح له في حال
كان مافيه طرف آخر ؟؟؟







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



سيارات للبيع

الردود


رح يدفع تحمل على حسب الشركة التامين


up 1 down 1
abo alnoor 05 235
قبل 2 سنه و 10 شهر



يعني انه تأمينه الشامل بيغطيه ؟


up 1 down 0
سلطان4040 1267
قبل 2 سنه و 10 شهر



الزبده انه مسوي توقوموري
 ما اشوف فيه اساس باني عليه هالشي وكله سوء ظن و توقع
اذا فيه صور مصورينها للحادث وروها لغيره او عسكري ثاني 
وحدثوا العاقل بما يعقل قولوا معقوله بنستفيد من تامين على موتر وكاله 2016؟ اقلها اشتري لي مستعمل ومن الاساس ماتجوز



up 4 down 0
mmshaari 6
قبل 2 سنه و 10 شهر



ليش زميلك ما اتصل على نجم في وقتها ؟؟؟
او اي طرف مادام كلكم معاكم تأمين


up 4 down 0
العمدة 1434 1177
قبل 2 سنه و 10 شهر



الأخ العمدة 1434
دقوا على نجم في البداية
بس كان ردهم انه خط المطار خط سريع والخطوط السريعة
يغطيها المرور


up 4 down 0
سلطان4040 1267
قبل 2 سنه و 10 شهر



يشمله التامين اذا بلغ ضد مجهول

يدفع تحمل بالكثير الف ريال


up 3 down 0
coco13 837
قبل 2 سنه و 10 شهر



الله يلعن الحوادث كانت معي سياره خويي كامري 2016 عند اشاره كانت خضرا وابي الحقها الى الغشيم قدامي راعي كابرس ويضرب ذاك الفرامل بغيت اخش فيها الى راعي يارس متعلق فيني ويصدمني من ورا والمشكله سياره جديده وانزل الى هو صغير قلت عند الاشاره مادري وش اسوي لك لكن تدري روح الله يستر عليك ماهي منك من الغشيم الي قدامي وهو يسمع راعي كابرس وخليته يروح ولد صغير ماتدري وش  تسوي وانت الله يعين خويك الضاهر دام هذا رد العسكري ردد ياليل مطولك وهذا نظام عندالمرور اذا تحركت السيارات  اعتبر حقك ضايع ياما صارت لي واحرك السياره علشان الزحمه واخر شي تطيح براسي واتحملها وامشي 


up 4 down 3
سكودر 14893
قبل 2 سنه و 10 شهر



1- لا يجوز الكذب والغش على المسلمين فكيف تأتي خويك راحة البال والضمير وهو يريد أن يكذب على شركة التأمين
وشركة نجم بأن اللي صدمه هرب ( يعني يبي يأكل مال حرام ) فأتقوا الله . . . . . 

2- لا يستطيع خويك يصلحها على التأمين إلا بتقرير من المرور أو شركة نجم وإن كان تأمينه شامل . . . . 

3- لا حل لكم إلا أن تقنعون العسكري اللي يبي يكتب التقرير أن الحادث صحيح

أو أنكم تتصالحون وكلن يصلح سيارته . . . . . .


up 1 down 1
خارج الوسط الرياضي -3
قبل 2 سنه و 10 شهر



هي علا كيف ابوه العسكري يخلي هاالحادث مفتعل باالغصب
لايكون شركة التامين حقت ابوه بس
واذا هي خاربه وقف موترك باي مكان وقلهم طلعت وحصلتها مصدومه
واتصل بنجم يخطط الحادث
هم يبون النظام هذا هو نظامهم 
هم كذبوك انت سو مثلهم 
ولاحد يجي يفتي حرام اصلا التامين كله اكل فلوس منشار
طالع واكل نازل واكل


up 6 down 1
باترول 2020 2488
قبل 2 سنه و 10 شهر



الله يعوضه بالله احسن منه 

والخيره فيما اختاره الله


up 0 down 0
متفائل... 31
قبل 2 سنه و 10 شهر



العسكري عنده خبر وانا اعرف واحد المطالبات بشركة تامين يقول دائما نحول ناس للمباحث بسبب التحايل . يمكن مباحث مراقب الحادث خصوصا طريق المطار ملغم بحث وراعي الددسن وين راح ويش سوااااااا


up 0 down 0
سعد الحريري 69
قبل 2 سنه و 10 شهر



يا اخ سلطان الرجاء التواصل على 
0599892921


up 0 down 0
aboodehh
قبل سنه و 8 شهر