الرجاء الدخول للاهمية ؟

اتصل على الأمانه 940

كان دغيت بالبصل هههه
ماتشوف شر 

وينه ذا المطعم ب اي ديرة عشان تحذر الناس منه

بعدين اسمه ناعورة حمات يعني يخليك تتسمم غصب اسمه بس

ي زين اكل البيت يرجل متدري وش االي يحطونه لك ه المطاعم 

عشان الناس تعرفه بس هو عند اشارة المخدرات بالرياض لوحته سوداء والكتابة بيضاء 

المطاعم ومحلات الحلويات والمعجنات انتشرن بشكل رهيب
الحريم ماعاد يطبخن 
الا من رحم ربي
سالفتهن انقز جب غداء انقز جب معجنات 
تصدقون قبل اسبوعين البلدية قفلت محل حلويات
يحط البول اكرمكم الله 
ومصورين القارورة وتشوف انواع الغاذورات بمعمل الحلاويات
وهاالعماله ماتدري وش مذاهبهم 
حمانا الله وياكم

مرتين اتسمم من المطاعم  اذكر كليت من مطعم وبعدها جسمي صار تعبان بمره مااقدر اشيله وجاني غثيان وطلعت الي في بطني والحمد الله خفيت بس باقي وجع ورحت مستفشى وعطوني مغذي ومضاد حيويي وابره وجلست فيه ساعتين وسالت دكتور قالي وش كليت قلت كليت من مطعم قال تسمم وانقهرت ومشكله يوم جيت اشتكي لقيت مطعم ذا عليه شكاوي وتقفل سبحان الله في نفس يوم الي تسممت فيه وقد تسممت مره ثانيه وبعدها كرهت اكل مطاعم 

انا تسممت من مطعم تركي..
اكلهم لذيذ لكنه مسموم ..
واصبحت لدي مناعه ضد الاكل المسموم.


فكرت ان اشتكي عليهم لكني ..
لم اشتكي عليهم ..
بسبب انني لا اريد قطع ارزاق الناس ..





تقبلوا تحياتي/الثامنه مع داوود

جبتولنا الجوع ياشباب العشا عندي اقلطو ؛) 

الحمدلله على كثر م اكل من المطاعم ماقد تسممت 

غير الخيال مانقبل يابنز هههه

ناااعورة والله من تقرأ الاسم يجيك تسمم 

انا واخويي عددنا خمسه رحنا مكة بحملة 

ويوم الرجعه للرياض اكلنا من البوفيهات اللي تحت برج الساعة 
مقابل ساحة الحرم 
وجانا تسمم والم في البطن في الطريق 
كل نصف ساعة ننزل في البر 
وخر شيء دقينا على الاسعاف
 وجانا الى المحطة ورحنا مستشفى الخاصرة
واعطونا إبر وعلاجات 

والباص مشى علينا 

وكان باقي على الرياض حول 500 كيلو دقينا على خوينا 
وجاء بعد اربع ساعة واخذنا للرياض 

ومن ذاك اليوم واحنا عندنا عقدة نفسية من الباصات 

في تسمم
و في نزلة معوية تصير خفيفة أو ثقيلة
بعض الناس باطنيته حساسه ﻷي أكل او بعض الاكل مثل المقلي يتعبه
و ما شاء الله بعض الخلق معدته V8 هههههه  ياكل محروق و زيت و أي شي و لا يشكي من بطنه
الوكاد ما في مثل أكل البيت للي يلقاه صار نادر

الثامنه مع داوود مسوي حنون ماتبي 
تقطع ارزاقهم 


لكن عادي يقطعون ارواح الناس ؟؟؟؟؟ 

اجل انا بطني v8 يابو نجوى خخههههههههههههه 
الله يقومك بالسلامة وماتشوف شر ياراعي الموضوع 

نصيحه لا تتعب نفسك تشتكي لان لو اشتكيت ماراح تاخذ تعويض بالعكس البلديه هي الي بتاخذه نظام بالمقلوب
انت الي متضرر التعويض. يروح للبلديه هههههههه
حتى لو تسكر بس يومين ويرجع يفتح 

الي معطيني دسك لايت احد مزعلك يالنفسيه

اعطيتك ﻻيك ﻻتزعل↑↑↑بعدين تقول البلديه تاخذ التعويض بالطقاق تاخذه
هي وﻻالملك اهم شئ ابلغ عليهم هذي فيها ارواح ناس اهم من التعويض واكون
سبب في انقاذ الناس وابرد قلبي وافضحهم ويسكرون محلهم ويغرمون
يعني تبيني اتسمم واسكت وﻻابلغ عشان البلديه تاخذ التعويض!!
تفكيرك مادي بحت ماتهمك الناس الي بتجي بعدك!

الثامنة مع داوود ؛ استغرب من برودة ردة الفعل !!!!!! شكلك عندك مطعم

باقي  للحين   ماطلعت   نتايج  التقرير  الطبي   بس  الدكتور     


يقول هذا تسمم  اطعمة  اليوم  بستلم  تحيليل  الدم    اسمه   cbc


انا  بدق   على الامانة       940  واعطيهم   التقرير   ويقبلوه  من ي حتى لو  مني سعودي ؟



   قالي الدكتور  هذا  سببه  اظافر العمال   تلقاها وصخة