أضف سؤال أو موضوع جديد          

تغيرزيت السيارة من 270 ريال الى 140 ريال مع موضوع ثاني

up 22 down 9
vip-yt 329
قبل 6 سنه و شهر



السلام عليكم كيفكم يا شباب عساكم طيبين صار لي فترة ما نزلت موضوع كنت مشغول في هالفترة 

بس اليوم حبيت اني انزل لكم موضوع عن تغير زيت السيارة ومشكلة في الزيت نفسه صارت لي 

قبل كم اسبوع كان نزل مطر قوي في مكة المكرمة وتحديد في الشرائع كان صار سيل 

وانا كنت مستعجل والوالدة كانت معي وسيارتي كامري 2004 اضطريت اني ادخل في السيل 
وامشي على مهلي وخايف لا يصير شي لسيارة واتعزق في السيل في وسط الشارع والسيارة كانت تنتع

كل ما احطها في الاول كانت تنتع معاي وكنت امشي على مهلي وادعي ربي يـيسر امري والحمدلله طلع من السيل
ووديت امي بيت خالتي وبعد ماخلص السيل تقريبا بعد 3 او 4 ساعات جيت اشغل السيارة و اشوفها تشتغل ولا لا
 
والحمدلله اشتغلت ولا كأنو صار لها شي وجربت القير وعشقته وسقته والحمدلله  السيارة سليمة

بس في حاجة ما كنت شوفتها اللي هوا زيت المكينة واليوم وانا كنت في جدة مع الاهل عندهم اغراض بيقضونها 
من جدة قلت خليني اشوف الزيت وافحص السيارة .. كذا بس من الفضاوة والحمدلله اني شوفته 

والله يا رجال طلعت لي بلاولي في الزيت . الزيت اللي استعمله Shll helx 5W-30 تخليقي 
وهو نوع ممتاز الصارحة يمشيك 8000 الاف كيلو مع السيفون تغيره 

السيارة كان ممشها يوم شفت الزيت كان 2000 الفين كيلو فقط يعني الزيت لسا نظيف المفروض يكون
فيه اكثر من نص العمر 
لكن طلع لي الزيت لونه اسووووود ومخلط مع شي ماادري ايش ووصخ عليه 

فا اخذت اهلي بعد ما خلصو مقاضيهم من السوق وامشي على مكة بشويش ماشي على الخط 100 الى 110 بالكثير
واول ما وصلت نزلتهم امشي على البنشري اشوف كم يغيرو الزيت حق المكينة مع السيفون 

انا دايما اغير الزيت بنفسي بس عشاني كنت مستعجل قلت خليني اروح البنشري يسوها لي احسن 
روحت البنشري اسئله بكم يسويها والله
يا اخوان انصدمت من كلامه قالي ياخذ على تغير الزيت مع السيفون 270 ريال والزيت هو Shll Helx 5W-30
يعني سعر العلبة الواحدة 50 ريال خمسة علب ب250 ريال والسيفون ب20 ريال يصيرو 270 ريال 

قلت له سلامو عليكو واسسسسسحب عليه واروح محل اللي اشتري من عنده الزيت والسيفون بسعر الجملة  
طلع لي الحساب 5 علب Shll Helx 5W-30 ب125 ريال+15 ريال للسيفون اصلي المجموع 140 ريال
من 270 الى 140 فرق 130 ريال بس زود عليه 10 ريال يصيرو دبل السعر  وهذا بس من سيارة وحدة 

بعد كذا اخذت علب  الزيت والسيفون ومشيت البيت ورفعت السيارة على العفريتة عندي في البيت 2 جحش 
اللي ينحطون تحت السيارة عشان ما تطيح 

وافك الصرة حقت الزيت وبعدها افك السيفون اشوف البلاوي الموجودة في السيارة صراحة والله شي يفجع الواحد 
كيف ماشية السيارة كذا وهذا الزيت جوتها والله احلى تحية للكامري اللي زي كذا 

وصورت لكم الفاتورة والعلبة كل شي  


الصورة الاخيرة تقطع القلب هههههه 

نسيت اذكر لم شي المحل اللي اشتري منه الزيت باع لي العلب مو بسعر الجملة الفعلي
 سعر الكرتون ال   Shll Helx ب 240 فيه 12 علبة يعني بالحبة يصيرو 20 ريال  



























إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


بصراحه تقرير رائع جدا 
ؤصادق البناشر 5w30
على طول 40 وفوق العلبة
بترومين مره سئلته كم تغير زيت بترومين 5w30مع 
السيفون قالي ب 350
والبناشر 240 اتوقع
المفروض كل واحد يغير الزيت بنفسه
اوفر له
بس ياليتك صورت طريقت الفك
عدنان نتعلم ياغالي 


up 1 down 0
هشاام 115
قبل 6 سنه و شهر



موضوع حلو وزين انك تغير الزيت بنفسك وبخصوص الزيت لاحظت ان تصنيفه قديم SL والآن افضل تصنيف هو SN وبالنسبه للزوجة انا موديل سيارتي اجدد واحط 10w30 وما فكرت احط اخف من كذا اشوف اللزوجة هاذي متوسطه وتناسب الأجواء عندنا 


up 2 down 0
088mansour 799
قبل 6 سنه و شهر



طيب يا تركي انا سيارتي اخذها خطوط دايما واكرفها كرف وكل شغلي عليها 

والله الى الان ما حرقت ولا قطرة زيت من الزيت اللي احطه والزيت نفسه يمديه يمشيك 1000الالف كيلو بس انا 
اخليه 8000الاف كيلو والسيارة ماشية معاي زي العسل 


up 2 down 0
vip-yt 329
قبل 6 سنه و شهر



وبالنسبة للزيت هو الزيت اللي مكتوب في كتالوج السيارة 5W-30 


up 1 down 0
vip-yt 329
قبل 6 سنه و شهر



تقرير متميز وتصرفك مع البنشري ممتاز 
لكن لفت نظري ان الزيت تصنيفه SL قديم جدا!!
وجاء بعده تصنيف SM ثم اخر تصنيف SN

يعني المفروض تستخدم اخر تصنيف SN 
وعلى فكره ماعليك من اللي يقول استخدم زيت ثقيل 
وانه افضل !! 
اذا الزيت الخفيف مافيه نقص ولاعندك مشاكل في المكينه 
فاستمر عليه ،،، والله العظيم سيارات في اليوتيوب قديمه جدا جدا
ويستخدمون لها زيوت خفيفه وماشاء الله تبارك الله
(( لا احد يجي ويقول عندهم حرارة الجو ووووو 
حرارة المكينه وحده وكل مكينه لها دائره تبريد كامله ))

ملاحظتي لك لو تغير الزيت تخليقي بالكامل او نصف تخليقي
اهم شيء يكون تصنيفهSN 

والله يخلي لك والديك ويرزقكم برهم ويوفقك انت 
والجميع 


up 4 down 2
عبدالله 711 791
قبل 6 سنه و شهر



طيب انت تقول الزيت محروق وشكله مدري وش فيه

يعني الزيت مو تمام والا وش السالفه 

م فهمت من موضوعك الا اسعر فقط 

يرجل معنا كامري من نغلها الا من ابو 15

ريال الثقيل الكامري تحمل وش له زيت غالي

وخرابيط حط اي زيت ون جاك فوجهي

كامري م تشرب الا ثقيل ... 






up 2 down 3
abo abdalazzez 24
قبل 6 سنه و شهر



الزيت ما يناسب سيارتك دام انه ينحرق في 2000 كيلو . سيارتك تحتاح لزوجة . 


up 0 down 1
aliyy-2010 241
قبل 6 سنه و شهر



الشي المعروف ان المديلات الحديثه تاخذ زيت خفيف والقديمه ثقيل بحكم عمر المكينه يبدا يضعف وشكرا على موضوعك الجميل


up 0 down 1
السنافي الحبيب 17
قبل 6 سنه و شهر



والله انك ذيب يا vip 

سؤالي كيف تضمن المحل ان بضاعته اصلي وغير مغشوشة مثل بترومين وطقته 


up 0 down 0
عربة للسيارات 1665
قبل 6 سنه و شهر



اشكرك على الموضوع , بس اظن ان في موية اتخلطت مع الزيت عشان كذة متغير لونه


up 1 down 0
dawwy 266
قبل 6 سنه و شهر



يا رب توفيقك 2014  المحل معتمد وموثوع من قبل بترو مين 

Aliyy-2010 
اقراء الموضوع بالكامل وشوف ايش القصة 
انا سيارتي اضطريت اني ادخل فيها سيل وموية والسيل دخلت المكينة
عشان كذا طلع لونه زي كذا اسود وعليه وصخ 

والى لما اغيره على 8000الاف كيلو يطلع لون زي الزيت المستعمل
ما يطلع اسود كذا وحرووق 


up 1 down 0
vip-yt 329
قبل 6 سنه و شهر



حياك
اول شي انت فعلا مخسر نفسك باهاالزيت
عندنا كامري 2003 ماشيه 500 الف زيتها تايوتا 20/50
وبعدين لو دخل الماء المكينه مايصير اسود علا طول يقلب لونه
حليبي وتخبط المكينه بااقرب وقت
الزيت اللي تحطة حق مناطق باردة يعني درجة الحرارة تحت الصفر
وباالتوفيق


up 1 down 5
باترول 2020 2623
قبل 6 سنه و شهر



ماشاء الله تبارك الله
دامك مجرب الزيت استمر وماعليك من احد
تغيره ب 140 ريال يمشيك 10 الاف 
احسن ما تغير زيت ثقيل علبته ب 15 ويطلع عليك 5 علب ب 75 وفلتر 20 يصير 95
ويمشيك 5 الاف وثقيل وصرفية بنزين وصوت مكينة اعلى وعزم اقل 
140 وعزم افضل وصوت اهدا وممشى 10 الاف
ولا 
95 وعزم اقل وصوت اعلى وممشى 5 الاف
كل واحد عقله براسه 




up 2 down 0
ليزو 481
قبل 6 سنه و شهر



السلام عليكم اخوي  شوف هذا المقطع يفيدك

https://www.youtube.com/watch?v=M48z1q4SJKY

وهذا المقطع من الهيئة السعودية للمواصفات والمقاييس والجودة

https://www.youtube.com/watch?v=hR53aWTlQVk


up 0 down 0
asd01 91
قبل 6 سنه و شهر