أضف سؤال أو موضوع جديد          

الحل النهائي لمشكلة حذفية السيارة بدون سحب كمر كامري 2013

up 69 down 8
yasser77 712
قبل 5 سنه و شهر



السلام عليكم ورحمة الله وبركاته 
حبيت انقل لكم تجربتي في حذفية الكفر الامامي عشان الكل يستفيد
طبعا موتري كامري 2013 ماشي فوق 170 الف مشكلتي السيارة تحذف يمين طول الوقت طبعا وزنت كمبيوتر ثلاث مرات في محلات مختلفه 
كل المؤشرات في الكمبيوتر تعطي ok اطلع السيارة من عندهم احصلها تحذف ومن هنا بدت الوسوسة كل واحد يفتي من راسه وكلهم اقرو انه السيارة يبيلها سحب كمر 
ياهو اتقو الله كيف سحب كمر وسيارة جديدة لا حوادث ولا ارصفه  قالو من الحفر والمطبات القوية قلت ماني مقتنع بكلامك وانتم عارفين اسعار السحب من 300 ريال وانت طالع 
كشفت عالسيارة من تحت قلبتها عند البيت كل شي سليم سالت لفلفت عالورش كل شي سليم فحطت وتمحصت واكتشفت انه مسمار المساعد تخيلو هذا المسمار اللي يربط الهوب بالمساعد طبعا شريته من الوكالة بي 18 ريال حبه يسار ويمين 
هذا المسمار يتأثر من اللفات القوية ومن الحفر القوية ياتتكسر سنونه يا ينحني وهذا اللي يسبب الميلان في الكفر وحبايبنا في الصناعيه ما يصدقون خبر عالطول يقلك سحب كمر والنهاية والبلا من مسمار قيمته 18 ريال طبعا شريته وغيرته والحمدلله رجعت السيارة وكاله لا حذفيه ولا ميلان راح اتركم مع الصور
 











إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


جزاك الله هير توني اقرا موضوعك بعد م نزلته من سنتين ونصف وسويت سحب ل موتري وم فيه فائدة وشفت المسمار لقيته متكسرة سنونه جزاك الله خير اخوي ✋


up 1 down 0
93ayb 6
قبل 2 سنه و 5 شهر



جزاك الله خيررررررر


up 0 down 0
galaxy 909 -4
قبل سنه و 10 شهر