رسالة من تويوتا ايش معناها

يعني ممكن معناها مافيه الموتر اللي تبي باللون اللي انت تبي ، مر عليهم يمكن عندهم الوان ثانية وشف اللي يجوز لك واشتره

شركة داجة
دامك دفعت عربون ووقعت يعني المفروض يحجزن السياره بالبطاقه الجمركية وتسجل لك 
مستحيل تدفع عربون على سياره غير متوفره  وش اللعب ذا

دام انهم قالوا تجي بعد اسبوع
يعني مسكو لك بطاقه جمركيه والسياره موجوده هذا المفروض يصير

بس دامك دفعت عربون وبعدين قالوا غير متوفره فيعني اصلا مافيه سياره ولعبوا عليك
لانهم فالعاده اذا مافيه سياره متوفره مايقولون للعميل هالشي عشان يخافون يفلت منهم ويروح لشركة ثانيه
فهم وش يسوون ؟
يسحب منك العربون ويقولك بعد اسبوع تستلم  السياره وحجزناها لك 
وهم في الاساس ماحجزو سياره وغير متوفره 
بس مسكوك بالعربون لحد ماتتوفر السياره سواء بعد شهر او 3 اسابيع 

اختصار الموضوع
بدل مايقول مافيه سياره تعال بعد اسبوعين او شهر وهالشي ممكن يضايق العميل ويروح يشوف غيرهم
فهم يكذبون عليك ويسحب عربونك على اساس السيارة محجوزه وفيه وبعد ماتروح يخمونك برساله انها غير متوفره
اذا رجعت لهم بيقولون انتظر 
يعني شغل مماطله وتلاعب
المفروض مع دفع العربون يحجز البطاقه الجمركية عشان يثبت لك انه حجز سياره متوفره عنده 

حسبي الله ونعم الوكيل فيهم 

انا صابر 4 شهور اطلع سيارة والحين شكلي بنتظر اكثر 

عشان عندي دوامين وسيارتي متعبتني 

اغلب الوكالات كذا 
يمسك العميل بعربون ويوقعه اوراق والسياره غير متوفره ويطلعه بعدين على كيفه

لو انك رحت للبنوك الي عند معارض السيارات 
تلقى السياره واقفه قدامك فالمعرض وبطاقتها الجمركية عندهم
تقدم اوراقك عند فرع البنك فنفس المعرض وتخلص سريع سريع

البنوك تجد فيها السيارة المطلوبة ولكن مشكلة البنوك ان فترة الايجار خمس سنوات فما لك الا تنتظر عبداللطيف جميل .. تنتظر شهر افضل من ان تقسط سنة اضافية 

اول مرة اسمع وكالة عندها عجز خصوصا تويوتا

اشتر من المعارض عن طريق البنك وريح راسك

أخوي صاحب الموضوع كلهم يفتونك من راسهم رح الوكالة و استفسر عن الموضوع ... قسم خدمة العملاء عندهم فعال جدا و ان شاء الله بتمشي امورك

الواسطة تخلي اللي موب موجود يطلع من تحت الارض !! الشكوى لله بس 

الله يجزاكم الخير 

هذا الموظف اللي سوالك المعاملة ما قال لك السيارة مو موجودة عشان يربطك لأن كل موظف له نسبة على المبيعات 

مافي احسن من المعارض تشوف الموتر قدامك وتدفع وثاني يوم تستلمه 

الكلام الأكيد يا غالى من صاحبى موظف فى تويوتا
السيستم يرسل لك رسالة الاعتذار أوتوماتيكيا عندما يكون المخزون داخل فروع المملكه صفر
حتى لو شيك الموظف وتأكد إن السياره بالمواصفات المطلوبه بتوصل ثانى يوم
لأن ببساطه رقم الشاصى والبطاقه لم يفعل على السيستم بعد

ابشركم اليوم مريت على الوكاله وقال لي الرسالة اترسلت بالغلط

شكرا على تفاعلكم في الموضوع