أضف سؤال أو موضوع جديد          

رجة في الافالون عند السرعات العالية

up 5 down 2
saudisale 66
قبل 5 سنه و 6 شهر



السلام عليكم
اخواني غيرت الكفرات جديدة من وكالة بريجستون خريص 
أخذت السيارة اجربها بعد تركيب الكفرات مشيت ١٤٠ رجة قوية في كل شي الدركسون والكراسي تهز هز قووي
رجعت للوكالة اول شرحت لاحد العاملين  قال هذي الافالون الشكل الجديد ماتضبط ١٠٠٪ لازم ترج قلت ايش هالكلام قال اذا تبيها تضبط لازم ترصص ارضي هذي الافالون دايم يرجعون الزباين ونقولهم رصصوا ارضي ويضبط معاهم
المهم  سمعنا مديرهم وقال نغير الترصيص من جديد ولايهمك وشاف الكفرات قال جديدة مافيها شي او تحبيل
 و فكوها ورصصوها من جديد
وجربتها نفس المشكلة موجة رجة قوية ا عند ١٤٠ وفوق والرجة في الدريكسون والكراسي
من بكرة رصصت ارضي 
طلعت اجرب الرجة غير موجودة حتى اوصل ١٥٠ تقريبا  وفوق تبدا الرجة لكن اخف من قبل كثيرر وتبقى ملاحظة بشكل خاص على الدريسكون ( وتحت) الكراسي 

ضيقت صدري ودي امشي ١٦٠ بدون اي رجة شيكت على الجنوط عند مخرطة قال ثلاث يبيلها خرط ووزنية والرابع مافيه شي قلت كيف ياخي قال هذي تويوتا تجي جنوطها احيانا فيها مشاكل من المصنع وغير مضبوطة يعني تلقى جنوط مضبوطة وجنوط مو مضبوطة انت وحظك لانه هذي صناعة تويوتا
قلت اخررط ياعم وخرط ثلاث جنوط
وركبت ترصيص ليزر عند اطاراتي
ونفس المشكلة موحودة من ١٥٠ وفوق رجة خفيفة على الدريكسون وتحت الكراسي
ايش رايكم ارصص ارضي ثاني مرة واجرب ولا الليزر نفس الشي
والله احترت الله يعافيكم وابي مشورتكم مشكووورين .







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


امكن واحد من الجنوط مشعر ومسبب لك الزحمة هاذي كلها .. والتشعير في العادة مايبين


up 0 down 0
by me 225
قبل 5 سنه و 6 شهر



تايوتا كلما لها تضيع الجوده تقلل التكاليف . بالولايات المتحده رجعوا اكثر من 2 مليون سيارة تايوتا


up 4 down 4
سعد الحريري 70
قبل 5 سنه و 6 شهر



شيك على العكوس و الاذرعة الخارجية


up 2 down 0
hb19801988 224
قبل 5 سنه و 6 شهر



شف طال عمرك أول حاجه تأكد  من العكس وكارونه القير ....إذا سليمة  علمنا ونشوف وش  الله يكتب


up 1 down 1
ميلاني4114 63
قبل 5 سنه و 6 شهر



سين سؤال .. هل موترك قبل تغيير الكفرات فيه شي ؟؟


up 1 down 0
صوت الأرض 94
قبل 5 سنه و 6 شهر



بغيت اسالك نفس السؤال اللي فوقي

هل موترك قبل تغير الكفر كان يرج ؟؟؟


up 0 down 1
coco13 893
قبل 5 سنه و 6 شهر



السلام عليكم ورحمه الله وبركاته 
انا مثلك عندي افالون 2015  بعد ماشريتها ب5شهور 

صارت فيها رجه قويه كرهتني بالموتر 

طبعا الرجه من 140 وفوق  احس فيها بدواسه البنزين  والطارة والمرتبه  

المهم قعدت عندي الرجه شهرين وبالفتره هذي كرهت اسوق السياره 

لين ماقررت ورحت شريت فحمات اماميه وخلفيه من الوكاله 

ووديتها لورشه محترمه وخليته يغير الفحمات مع خرط هوبات  

وبعدها رجع موتري وكاله  لكن فيها رجه خفيفه لاتذكر ويمكن بسبب احد الجنوط
طبعا ممشي موتري 45 الف 

والسالفه الثانيه كان موتر الوالد جيب لكزس وفيه رجه مزعجه 

ويوم رحت فحصت الكفرات صار فيه احد الجنوط فيه عفط بالحديد  ووديته للمخرطه وصلحه 

ورجع 100\100




up 1 down 0
ابواحمد2090 1523
قبل 5 سنه و 6 شهر



قد يكون نوع الكفرات ولو كان نوعها ممتاز قد يكون تخزين سيء او معاد تصنيعها

اذا كانت الرجه بعد تغيير الكفرات مباشرة فهذا هو حلك مافيه شيء ثاني 


up 0 down 2
التركي 1234 -19
قبل 5 سنه و 6 شهر



قبل تغير الكفرات فيه رجه ولا لا    هذا السؤال المهم




up 0 down 1
abdullah.ags 395
قبل 5 سنه و 6 شهر



 حصلت معي و لكن الرجة كانت على سرعة 80 تبدأ الرجة بعدين اكتشفت ان في واحد من الكفرات فيه شق و الكفرات جديدة و لكن اشتريناها مخزنة للاسف فشوف يا اخي تاريخ صناعة الكفر ات اذا كانت قديمة يعني مخزنة فهذا باذن الله هو السبب و اكيد لازم تغيرها 


up 0 down 1
أحمد سامي أحمد حمزة 140
قبل 5 سنه و 6 شهر



و التزم بضغط الهواء الموجود على الباب 


up 0 down 0
أحمد سامي أحمد حمزة 140
قبل 5 سنه و 6 شهر



أخواني أشكركم جميعا على التفاعل بخصوص العكوس انا شيكت على السيارة من تحت عند ميزان شافها الفني بالنظر وقال الموتر موزون ومن تحت ماتشكي من شي
عاد العكوس من جوا أعتقد يبيلها فك ولا اظن انه منها وحاليا لو اعرف ميزان الكتروني عندهم كمبيوتر جيدومحدث بوديها أتوقع الكمبيوتر ادق من النظر
وبخصوص قبل ما اركب الكفرات هل فيها رجة أو كان فيها لكن بشكل خفيف رغم انه الترصيص العادي اللي عند البناشر لكن بعد ماغيرت الكفرات ورصصت عند بريجستون زادت الرجة 5 دبلات على سرعة 130 و 140 واضطريت ارصص أرضي وفعلا خفت كثير وصارت ماتلاحظ إلا عند 150 وفوق وبشكل أخف لكن مازالت موجودة وملاحظة
والكفرات غير مخزنة وتاريخها جديد .
أخي أبو حمد رايك على العين والراس لكن اللي اعرفه انه الفرامل اذا مو مضبوطة ترج اذا ضغطت عليها فقط .
إلا اذا احتمال الهوبات مندمرةوفيها نتوئات وتضاريس لكن عندي أشوفها ناعمة ولا لاحظت عليها اي شي .


up 0 down 0
saudisale 66
قبل 5 سنه و 6 شهر



اجل الكفرات ي صاحبي 

ارجع للضمان يبدلونها لك


up 1 down 0
aziz66000 44
قبل 5 سنه و 6 شهر



الطلائع برجستون عندهم ترصيص وميزان الكتروني لازم تسويها بعد تغيير الكفرات بالذات الافالون  الترصيص الارضي قضى عليه الدهر وشرب قد رصصت جنوط معفطه ويعطيني 100 %  صارت لي نفضه في السيارة بعد ماغيرت الفحمات وخرطتها عند العضيب وخرطتها في ورشة عند هندي وطلعت 100% اذا باقي الرجه عندك وسيارتك على الضمان بعد كل هالامور ودها للوكاله يغيرون لك العكوس يمكن فيها عيوب مصنعيه والوكاله بتنكر هالشي لان العكس مكلف جدا وتويوتا ماعندهم لارقيب ولاحسيب ولامسوين استدعاء مركز القحطاني بعد كارفور على خريص ترصيصهم وميزانهم ممتاز 


up 0 down 0
بريق الرياض 258
قبل 5 سنه و 6 شهر