أضف سؤال أو موضوع جديد          

كامري امريكي و مشكلة بشداد سير الدركسون

up 4 down 1
alkathiry 706
قبل 5 سنه و 7 شهر



السلام عليكم ،،

يا اخوان انا امتلك كامري ٢٠١١ - Le - امريكي - ٢.٥ 
اربعة سلندر
-----------------
وعندي خراب اللي هو :

شداد سير الدركسون ،، و ماحصلته في اي مكان ومختلف عن الكامري السعودي

لان الامريكي فيها سيرين 


احد يدلني على مكان الاقي فيه هالقطعة او الوكالة يرضون يصلحونها لي حتى لو يطلبونها 
او ممكن فقط رقم القطعة عشان ادور لها بالوكالة وممكن تطابق سيارة اخرى من تويوتا و لكزس 

وهذا رقم الشاص : 


4T1bf3ek6bu182006


تكفون اللي يقدر يجيب لي بس رقم القطعة بيخدمني كثير 
او اللي حصل بتشاليح بريمان كامري امريكي(٢٠١٠-٢٠١١) ٤ سلندر يدلني عليها 

حتى الوكالة بنفسها يرفضون يغيرون لي زيت القير والله مهزلة مو وكالة هذي 
عشان كذا غاسل يدي من هالوكالة 
و مريت محل الميزان و مالقيت القطعة ويقول لي نادرة اصلا ولا يعرف رقم القطعة 

و سألت شخص و رسل لي صورة لها بس ماني متأكد اذا هي فعلا او لا 







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


عليكم السلام
ياغالي نفس مكينة ٢٠١٢ ممكن شكله يختلف لكن يركب عليه
انا حصلت معي بس ٢٠٠٧  حقتي استخدام وشكل الشداد يختلف واخذت حق
السعودي وركب تمام روح عند ميكانيكي خبرة وقله اذا فيه اختلاف او لا افضل
اذا مختلف في القواعد يبغالك طلبية اهم شي القواعد عشان تركيبها 
موفق..


up 2 down 0
ابو عبدالله احمد 3530
قبل 5 سنه و 7 شهر



اخذت حق الكامري السعودي و طلعت القواعد مختلفة جداً 

بس المكينة وحدة و الاختلافات مثل ماذكرتها فوق 

لاني ماكتبت هالموضوع الا بعد ما تمرمطت بالروحات والجيات

و كلمت شخص هو يطلب قطع من النت ، قال جيب لي اسم القطعة بالانجليزي و رقمها 

وانا لو اعرف رقم القطعة بجيبها من الوكالة او حتى اطلبها بنفسي

شاكر لك يابو عبدالله 



up 0 down 0
alkathiry 706
قبل 5 سنه و 7 شهر



مالك الا اخونا العضو

الرفاعي

هو الفاهم فيها


up 3 down 3
asalami 2180
قبل 5 سنه و 7 شهر



اللي عند الرفاعي ستة سلندر 
و اللي عندي اربعة سلندر 

تفرق عن بعض بالشدادات و السيور 


up 2 down 0
alkathiry 706
قبل 5 سنه و 7 شهر



اكتب في قوقل       toyota 16601-0V010 و اختر صور و شف هي نفس الشكل او لا . 
و هذا رقم الشداد الثاني     16620-0V010

و ان شاء الله تكون هذي القطع 

 تحياتي لك ....


up 2 down 0
khalidoo 1167
قبل 5 سنه و 7 شهر



انت مستعجل على القطعة؟ ممكن اقدر اجيبلك إياها من امريكا


up 2 down 0
dell2012 1044
قبل 5 سنه و 7 شهر



مالك الا الرفاعي 33


up 2 down 2
لينكولن 2011 440
قبل 5 سنه و 7 شهر



اخوي ورا ماتحاول تحول الشداد الى سعودي ؟! اسال عن هذي النقطة اكيد في حل الشبحات كان يحلونها يلغون طرمبة البيئة ويرهمون بكرة عادية وتسلك بالتالي الياباني اسهل المفترض


up 0 down 0
benz lover -79
قبل 5 سنه و 7 شهر



صاحب الموضوع

القصد ماهو عشان معاه سته ومعك اربعه سلندر

القصد الرجال فاهم في الكامري الأمريكي ويعرف اماكن قطع غيارها...

اذا تصبر حدود اسبوعين اقدر اطلبها لك من أمريكا وما ابي منك عموله


up 2 down 0
asalami 2180
قبل 5 سنه و 7 شهر



السالمي ماقصر 
وانتظر يطلبه لك احسن من الترهيم
وزي ماقالو الااعضاء الرفاعي فاهم باالكامري الاامريكي
حاول تراسله خاص
وباالتوفيق


up 3 down 0
باترول 2020 2624
قبل 5 سنه و 7 شهر



هلا وسهلة فيك اخوي وموضوعك ان شاء الله عندي

انا  دخلة موقع يعطيني كتلوج السيارة عن طريق رقم الشاص ودخلت عليه ولقية لك القطعه الي تبيها وفعلا فيه اختلاف عن الشداد للمكاين السعودية وقارنتها بي سيارتي

المهم تواصل معي على الخاص عشان اوريك القطعه واطلبها لك وتجيك بعد سبوع ان شاء الله بالبريد السعودي او اذا تبي رقمها اعطيك بس انت تواصل معي عشان تشوفها وتتاكد منها

وحنا تحت امرك وامر الموجودين كلهم


up 4 down 0
مجيد1 198
قبل 5 سنه و 7 شهر



Khalido 

فعلا هو نفسه بالضبط الشداد .. راح امر على اغلب محلات تويوتا ولكزس و اتأكد ممكن احصله جزاك الله خير
وفرت علي حتى لمن اطلبه من برا .. بيض الله وجهك 

Dell2012
والله ياخوي صوت الحنة زايد و ودي اغيره قبل لاينقطع السير او يخرب الشداد لان له سنة كاملة والحين الصوت زاد عن حده


لينكولن٢٠١١

ماقصر معي الرفاعي و كلمني خاص هذا دليل انه يدور للخير ولا يبي يتفاخر قدام احد ،، ونعم الرجل مثلكم و شرواكم


Benzlover
سبق و رحت لورشة قال لي مايقدر يتأكد اذا حتقبل تترهم للسعودي الا اذا فك المكينة و شاف قواعد الشدادات من الدينمو للكمبروسر وغيرها بس قال لي احتمال انها ماحتضبط معاه عشان قلت اخذ القطعة و اركبها بأي وسيلة بدل الترهيم


Asalami
حبيب قلبي مو المقصد ان الرفاعي مايفهم فيها ، المقصد ان القطعة مو نفس اللي تركب عنده يعني ممكن ماقد مرت عليه ، و الرجال تواصل معي و ماقصر و كلكم فيكم الخير و اذا مالقيت القطعة مالي الا اطلبها و ابشر بسعدك و اتعابك محفوظة ربي يسلمك

باترول2020
ماقصرتوا جميع و الرجال تواصل معي 

مجيد1
سجلت رقمك عندي وبس بشوف القطعة بمحلات قطع الغيار قبل و ان مالقيتها بطلبها منك او من الاخ و تسلمون جميعاً ماقصرتوا و رايتكم بيضاء 

-------

اشوف اللي يحصل معي و اخبركم بإذن الله و الله يكتبها في موازين حسناتكم 


up 0 down 0
alkathiry 706
قبل 5 سنه و 7 شهر



اسم القطعه للفائده   belt tensioner 

اكتب بقوقل  Camry 2011 drive belt tensioner وتلاقي مرادك ان شا ءالله 


up 0 down 0
abdullah.ags 395
قبل 5 سنه و 7 شهر



متوفر عند تويوتا الخنيزي
0594444734


up 0 down 0
hamkk
قبل 4 سنه و 8 شهر