أضف سؤال أو موضوع جديد          

ماهو الحل مع معرض السيارات مانقل الملكيه

up 5 down 2
غربال312 -3
قبل 2 سنه و 6 شهر



السلام عليكم ورحمة الله 


اخواني عندي موضوع "

انا بعت سياره خربان فيها القير وتصليحه مايكلف ١٣٠٠ ريال 
ويجلس الموتر في الورشه بعد ٥ ايام 

الموضوع اني بعت هذي السياره على شخص في الورشه ورحنا المعرض نكتب مبايعه
وكتبت المبايعه واخذت المبلغ كامل واعطيتهم صوره من البطاقه والاستماره وقال لي راعي المعرض
اذا تصلحت السياره بنوديها الفحص وننقلها والى الان تمت شهر و١٢ يوم ومانقلوها طبعاً انا بعيد عن المنطقه اللي فيها السياره

هل اقدر اشتكي المعرض على وزارة التجاره او مالهم دخل ! وحبيت اخذ رأيكم وش الحل !؟ 

وشكرا







إبلاغ إبلاغ


رابط تطبيق حراج للايفون



رابط تطبيق حراج للاندرويد (الجالكسي)



الردود


الله يعينك وانا اخوك صار معاي مثل موقفك بس انا شاري مو بايع
طالع عمرك طلعت لشيخ المعارض واشتكيت له وضعي معاهم انهم استلموا
فلوس السياره وينقلون السياره بدون فحص واخذوا فلوس التعقيب والنقل وما 
نقلوا السياره قالي شيخ المعارض رح لراعي المعرض وخله يحضر عندي لاوقف
كل معاملاته بالمرور جاك صاحب المعرض طوالي علي شيخ المعارض ووعدني قدام
شيخ المعارض انه اسبوع وتكون السياره باسمي وقالي شيخ المعارض رح وتعال لهم 
بعد اسبوع اذا ما نقلوا السياره باسمك لا تكلمهم تعالي مباشره وانا أرسل خطاب للمرور
بوقف جميع معاملات المعرض وبيومها زعل راعي المعرض أني اشتكيت عليه عند شيخ المعارض 
وبعد اسبوع جتني الاستماره منقوله باسمي . 
انت رح لشيخ المعارض وشف وش يقولك 
والله يعينك 


up 7 down 0
foxzx 1582
قبل 2 سنه و 6 شهر



احتمال يبغى يتكسب فيها بدون 
ما ينقل ملكيه وﻻ يفحص وﻻيامن ( يستنى زبون )
تواصل معاه وشوف جوابه   ﻻتترك السياره بإسمك
حفضك الله



up 2 down 0
ابوسما9999 155
قبل 2 سنه و 6 شهر



اذا عندك صورة من المبايعة روح اشتكيه في المرور واذا ماعندك روح لقسم الشرطة سوي بلاغ لاتخلي السيارة باسمك نهائياً


up 3 down 0
msns 103
قبل 2 سنه و 6 شهر



عزيزي 


لاتاخذك فيهم لومة لائم 




هذي مسئوليه امنيه كبيره جدا 
والدوله والنظام لايتهاون فيها ابدا
غير معقول سياره تبقى باسم شخص شهر ونص 

وهي خارج مسئوليته



اشتكهم واقرصهم قرصه ولاتاخذك فيهم لومه لائم 

خلهم يترجونك ويتشحذونك 
ولا تكلمهم تعامل مع مركز الشرطه على طول 




up 1 down 0
مدرس عاطل 28
قبل 2 سنه و 6 شهر



افرض فرضا 


تم ارتكاب اي مخالفه مروريه او جريمه اي كان نوعها 
بللموتر الان 



???????



انا حتى وكاله السيارات من باب االعانه

استلم ايصال دخول السياره للوكاله حتى لو ساعه 

هذا حقك ياعزيزي


up 1 down 0
مدرس عاطل 28
قبل 2 سنه و 6 شهر



اخوي 
عندي لك حل بسيط 
خذ صوره من ورقة المبايعه واشتكهم في المرور
ولا تكلمهم ولا ترد عليهم لان المرور بيقولون تواصل 
مع الشخص عشان الشكوى واصلحو بالتي هي احسن
في البدايه لكن انت ارفض بحجة تاخيرهم ومشها نظامي
الغرامات الي راح تتطبق عليهم اولا اذا المخالفه اول مره ١٥٠٠ ريال
طبعاً راح تتوقف تعاملات المعرض في المرور من نقل ملكيه وغيره 
حتئ تنتهي المشكله ثانياً الغرامه الثانيه ٥٠٠٠ ثالثاً الغرامه الرابعه 
٢٥٠٠٠ ويتقفل المعرض شهر كامل 
دق عصفورياً بحجر انت واشتكهم عشان تاخيرهم والثانيه عشان ما 
ياخرون خلق الله ويصلحونها مره ثانيه اتمنئ افدتك