صدمني وهرب حسبي الله عليه

السلام عليكم
تعرصت لحادث مروري واحد صدمني من الخلف ووقف جنبي شوي وطلبت منه يتصل على جوالي لان الجوال مع الصدمه طار و جاء تحت المقاعد وما حصلته المهم هو اتصل على جوالي وطلعت الجوال وشوي الرجال هرب وما امداني اخذ رقم اللوحه او مواصفات السياره دقيت على المرور وجوا عطوني تقرير للحادث وكتبوا لا يوجد اي معلومه عن الهارب سوا رقم جواله وسجل رقم الجوال
المهم راجعت المرور قالوا بدون رقم اللوحه حقك ضايع رحت كلمت واحد اعرفه في شركة الاتصالات وجاب لي رقم السجل المدني للرجال من رقم جواله ورحت المرور وطلعت رقم اللوحه من الحاسب الالي عندهم ولما رحت قسم البحث بالمرور رفض يعمم عن اللوحه بحجة ان تقرير الحادث مكتوب فيه لا يوجد معلومات عن السياره سوا رقم الجوال فكيف جبت رقم اللوحه الحين ومن الاخير شكل المرور ما بيعطيني حقي والظاهر اني باصلح سيارتي بنفسي والمشكله ان سيارتي قدروها تالف لان في ضربه من ورا في الشاصي طلبت ورقة اصلاح قالوا روح امن السياره والتامين بياخذ الف ريال على الاقل غير السياره ممكن تكلف حول ٨٠٠٠

فسؤالي هل اقدر اصلحها بدون ورقة اصلاح واذا لقيت ورشه تصلح هل في مشكله علي من المرور لاني ما اخذت ورقة اصلاح اخاف وقت تجديد الاستماره المرور يقول السياره مسجله مصدومه وهل تنصحوني استمر في مطالبة الرجال والا مافي امل اخذ حقي منه والله اني ادعي عليه ليل نهار
هذي صورة السيارة ارفقتها لكم

إبلاغ

الردود

سيارته هيونداي اكسنت ٢٠١٤ الله يجعلها تحترق فيه ويتفحم ما يلحقوا منه شي والله اني ادعي عليه اسبوع الان مرمطوني في المرور بدون فايده للدرجه هذي بلدنا مافيها نظام اقسم بالله قهر يصدمني والخطا عليه ميه بالميه وعايش حياته وانا اتمرمط في المرور كل يوم بدون فايده كل واحد في العساكر يقول مالي شغل حسبي الله عليهم جميعا وانا استاجر سياره وادفع اجارها كل يوم ولا احد يعوضني وبالاخير روح صلح سيارتك مالك اي حق حسبي الله ونعم الوكيل في كل واحد ما جاب لي حقي وهو يقدر وحسبي الله على اللي صدمني وين اروح بس والله مليت

hamodifo 38
قبل 8 سنه

الحمد لله عطوني ورقة تعميم عن السياره + ايقاف خدمات سؤالي كم يوم يحتاج حتى يتم ايقاف الخدمات وماهي الخدمات التي يتم ايقافها هل من ضمنها الحساب البنكي ؟؟؟

hamodifo 38
قبل 8 سنه